Jukʼamp sum yatiyañataki: ¿kunjamsa yaqha aru parlirinakar yatiysna?

Kunatsa uk lurañajj wakisi. Jehová Diosajj taqe markanakankir jaqenakajj ajay toqet yanaptʼa katoqapjjañapwa muni (Hech. 10:34, 35). Jesusajj Diosan Reinopat aka suma yatiyäwejj ‘aka oraqpachanwa ukat taqe markanakanwa’ yatiyasini sasaw säna (Mat. 24:14). Zacarías profetan arsutaparjamajja, ‘yaqha markankirinakat’ walja jaqenakaw uka yatichäwinak istʼapjjañapäna (Zac. 8:23). Ukatsti, apóstol Juanan visionaparjamajja, “taqe markanakata, kunayman janchini, ukhamarak taqe casta parlani” jaqenakaw jachʼa tʼaqhesiña urut qhespiyasipjjani sasaw sarakïna (Apo. 7:9, 13, 14). Kunjamtï uñjawayktanjja, territoriosan yaqha aru parlir jaqenak jikjjatañäni ukhajja, Bibliat yatiyañatakiw chʼamachasiñasa.