Ән мүһүм ҝүн

БУ ӘЛАМӘТДАР ҝүн бүтүн бәшәријјәтин ҝәләҹәјини көкүндән дәјишди. Тарихдә ҝәләҹәк һадисәләрин ҝедишатына бу ҹүр ҝүҹлү тә’сир ҝөстәрәҹәк белә бир ҝүн олмамышдыр. Һәмин ҝүн Иса Мәсиһ јер үзүндә етмәли олдуғу бүтүн ишләрини баша чатдырды. О, ишҝәнҹә дирәјиндә икән сон нәфәсиндә нида етди: “Тамам олду”! (Јәһја 19:30). Иса јер үзүнә нә үчүн ҝәлмишди?

Мүгәддәс Китаб ҹаваб верир: “Инсан Оғлу Она хидмәт едилмәк үчүн дејил, хидмәт етмәјә вә бир чохлары үчүн ҹаныны фидијә олараг вермәјә ҝәлмишдир” (Матта 20:28). Иса ҹаныны, јә’ни һәјатыны гурбан верди ки, инсанлар мирас алдыглары ҝүнаһ вә өлүмдән азад ола билсинләр. Бәли, “Аллаһ дүнјаны елә севди ки, ваһид Оғлуну она верди; буну она ҝөрә етди ки, Она [Исаја] иман едәнләрин һеч бири һәлак олмасын, һамысынын әбәди һәјаты олсун” (Јәһја 3:16). Иса Мәсиһин гурбанлығы неҹә дә гијмәтлидир!

Анҹаг Исанын өлүм ҝүнүн ән мүһүм ҝүн олмасынын башга бир сәбәби дә вар. Өлүмүнә бир нечә саат галмыш, о, өз һәвариләринә гијмәтли дәрсләр верди, бу да онларын садиг галмаларына көмәк етди. Онун сөзләри, шүбһәсиз, шаҝирдләрин үрәјинә дәрин тә’сир бағышлады! Иса онлара нә өјрәтди вә онун сөзләриндән биз нә өјрәнә биләрик? Бу һагда сөһбәт нөвбәти мәгаләдә ҝедәҹәк.