Мараглы ҝәми журналы

ТӘДГИГАТЧЫ Ричард Берд 1928-ҹи илдән 1956-ҹы илә гәдәр беш Антарктида експедисијасына рәһбәрлик етмишдир. Сәјаһәтләри илә бағлы тутдуглары ҝүндәлијә вә ҝәми журналына дүзҝүн мә’луматы јазмалары сајәсиндә, Берд вә онун групунун үзвләри күләјин истигамәтини мүәјјән етмәјә, хәритә һазырламаға вә Антарктида һаггында ҝениш мә’лумат топламаға мүвәффәг ола билмишдиләр.

Бердин експедисијасы ҝәми журналы тутмағын фајдалы олдуғуну ҝөстәрән әјани нүмунәдир. Белә журнала учуш вә ја ҝәми сәфәри илә бағлы мүхтәлиф тәфсилатлар дахил едилир. Сонрадан һәмин јазылар баш верән һадисәләри хатырламаға, ја да ҝәләҹәкдә лазым ола биләҹәк мә’луматы анализ етмәјә көмәк едир.

Мүгәддәс Јазыларда Нуһун ҝүнләриндә баш верән Туфан һаггында мараглы әһвалатлар горунуб сахланылмышдыр. Бүтүн дүнјаны әһатә етмиш бу Туфан бир илдән артыг давам етмишдир. Нуһ арвады, үч оғлу вә ҝәлинләријлә бирликдә Туфана һазырлашараг, 50-60 ил әрзиндә тәхминән 40 мин кубметр һәҹминдә бөјүк ҝәми тикмишдиләр. Нә үчүн? Туфан заманы инсанларын вә һејванларын һәјатыны горумаг үчүн (Тәквин 7:1-3).

“Јарадылыш” китабына, белә десәк, Нуһун ҝәми журналы дахилдир. Орада Туфандан башлајараг Нуһун вә аиләсинин ҝәмидән чыхдыглары вахта гәдәр баш верән һадисәләр нәгл олунур. Бу “ҝәми журналы” бизим үчүн бир әһәмијјәт кәсб едирми?