Мүгәддәс Китабдан мәһарәтлә истифадә ет
1. Нә үчүн Мүгәддәс Китаб бу гәдәр фајдалыдыр?
1 Аллаһын илһамланмыш Кәламындан мәһарәтлә истифадә етмәјин сајәсиндә һәгигәти ајдын шәкилдә бәјан едир вә өјрәдир, һәмчинин јалан тәлимләри вә инсан әнәнәләрини ифша едә билирик (2 Тим. 2:15; 1 Пет. 3:15).
2. Ајәләрин јерини даһа ҹәлд тапмаға нә көмәк едәҹәк?
2 Мүгәддәс Китабла даһа јахындан таныш ол. Истәнилән аләти нә гәдәр јахшы өјрәнирсәнсә, ону бир о гәдәр дә јахшы ишләдирсән. Мүгәддәс Китабы башдан-ајағадәк охусан, онун мөвзусу һагда там тәсәввүрүн олаҹаг. Бу, һәмчинин ајәләри јадда сахламаға вә јерләрини асанлыгла тапмаға көмәк едәҹәк. Мүгәддәс Јазыларла јахындан таныш олдугҹа, гејри-рәсми шаһидлик едәркән вә тәблиғ едәркән даһа бөјүк шөвглә вә әминликлә данышаҹагсан (1 Салон. 1:5).
3, 4. а) Мүгәддәс Китабла даһа јахындан таныш олмағын бәзи үсуллары һансылардыр? б) Мүгәддәс Јазыларла даһа јахындан таныш олмаг үчүн башга үсуллардан истифадә етмисәнми?
3 Јығынҹаг ҝөрүшләриндә Мүгәддәс Китабы ачмағы вә изләмәји вәрдиш ет. Шәхси өјрәнмә илә мәшғул оланда вә јығынҹаг ҝөрүшләринә һазырлашанда ситат ҝәтирилән ајәләри ач вә онлары неҹә тәтбиг едә биләҹәјин үзәриндә дүшүн. Чохлары ҝөрмүшләр ки, ајәләри компүтердән вә ја чап һалында вәрәгдән јох, билаваситә Мүгәддәс Китабдан охујанда тәблиғ заманы онларын јерини асанлыгла тапа билирләр (Јәһ. 14:26).
4 Бәзи аиләләр вахт тәјин едирләр ки, Мүгәддәс Китаб ајәләрини әзбәрләсинләр. Бунун үчүн вәрәгләрин бир үзүнә ајәләрин сөзләрини, диҝәр үзүнә исә онларын һарада јерләшдијини јазырлар. Сонра нөвбә илә бунлардан истифадә едәрәк ајәләрин сөзләринин вә ја онларын һарада јерләшдијинин јадларында галыб-галмадығыны јохлајырлар. Тәгдимә етмәји вә Мүгәддәс Китабдан истифадә едәрәк етиразлара вә ја суаллара ҹаваб вермәји мәшг етмәк дә баҹарығымызы артырыр.
5. Нә үчүн Мүгәддәс Китабдан даһа мәһарәтлә истифадә етмәк истәјирик?
5 Һеч бир китаб Мүгәддәс Китаб гәдәр дәјәрли ола билмәз. Јалныз бурада инсанлара «хилас ҝәтирән һикмәти» вермәјә гадир олан сөзләр јазылыб (2 Тим. 3:15). Әразимиздәки инсанларын әксәријјәти Мүгәддәс Китабдакы гијмәтли хәзинәләрлә таныш олмадығындан, Мүгәддәс Китабын әслиндә нә өјрәтдијини ҝөстәрмәк баҹарығымызы артырмаг үчүн тутарлы сәбәбләримиз вар (Сүл. мәс. 2:1-5).