Аллаһын Кәламыны мүдафиә едирсәнми?
1 Мүгәддәс Китаба чох вахт е’тинасыз јанашылдығы бир дүнјада һәгиги мәсиһчиләр Аллаһын Кәламыны сә’јлә мүдафиә едирләр. Биз, ‘һәр Мүгәддәс Јазынын Аллаһдан илһам алдығынаʼ әмин олараг, дуасында Јеһоваја «Сәнин сөзүн һәгигәтдир» дејәрәк шәһадәтлик едән Иса Мәсиһин сөзләри илә разыјыг (2 Тим. 3:16; Јәһ. 17:17). Биз Аллаһын Кәламыны даһа еффектив неҹә мүдафиә едә биләрик?
2 Мүгәддәс Јазылардан ајәләр өјрән. Шүбһә јохдур ки, Иса Аллаһын Кәламыны сә’јлә арашдырырды. О, бунун сајәсиндә јер үзүндәки хидмәти заманы Мүгәддәс Јазылара әсасән тә’лим верирди (Лука 4:16-21; 24:44-46). Бәс кифајәт гәдәр ајәләри биз неҹә јадда сахлаја биләрик? Биз буну Мүгәддәс Китабы һәр ҝүн охумагла вә хидмәтимиз үчүн хүсусилә руһландырыҹы вә көмәк едән ајәләри тапанда үзәриндә дүшүнмәклә едә биләрик. Ҝөрүшләрә һазырлашанда ҝәтирилән ајәләри бирбаша Мүгәддәс Китабдан арашдырмалы вә охумалыјыг, һәмчинин онлар әсасында шәрһләр дә һазырлаја биләрик. Ҝөрүшләр заманы натигин охудуғу ајәләри Мүгәддәс Китабымызда изләмәлијик. Мүгәддәс Китаб ајәләрини өјрәнмәк бизи ‘һәгигәт сөзүнү доғрулугла өјрәтмәјәʼ һазырлајаҹаг (2 Тим. 2:15).
3 Гој Мүгәддәс Китаб данышсын. Хидмәтдә иштирак едәркән, Мүгәддәс Китабын данышмасына јол вермәлијик. Мәсәлән, шәраит јол верирсә, ев саһибинә Мүгәддәс Китабдан ајә охујуб мүзакирә етмәјә чалышмалыјыг. Әҝәр о, бир суал верәрсә вә ја нәјәсә е’тираз едәрсә, онда ҹаваб верәркән Мүгәддәс Китабдан истифадә етмәјимиз јахшы олар. Ев саһиби мәшғулдурса, биз онун диггәтини Мүгәддәс Китаба јөнәлдәрәк дејә биләрик: «Ҝетмәздән әввәл, иҹазә верин, сизә бир ајә охујум». Мүмкүндүрсә, бирбаша Мүгәддәс Китабдан оху вә буну елә ет ки, ев саһиби сәнин охудуғун ајәни ҝөрә билсин.
4 Бир ев саһиби Үч үгнумун јалан олдуғуну сүбут едән ајәни ҝөрәндә уҹадан деди: «Һәјатым боју килсәјә ҝетмишәм, амма Мүгәддәс Китабын буну дедијини билмәмишәм!» О, дәрһал Мүгәддәс Китаб өјрәнмәсини гәбул етди. Иса демишди ки, гојунлары онун сәсини ешидәҹәкләр (Јәһ. 10:16, 27). Сәмими гәлбли инсанын һәгигәти дәрк етмәси үчүн ән јахшы үсул, һәгигәти она бирбаша Мүгәддәс Јазылардан ҝөстәрмәкдир. Буна ҝөрә дә, ҝәлин Мүгәддәс Китаб һәгигәтини мүдафиә едәнләр олаг!