Бөлмә 8
Јер үзүндә гурулаҹаг Ҹәннәтдә әбәди һәјат!
1, 2. Аллаһын Падшаһлығынын һөкмранлығы алтында һәјат неҹә олаҹаг?
Аллаһ јер үзүндән пислик вә изтираблары јох едиб, сәмави Падшаһлығынын севән рәһбәрлији алтында јени дүнјаны гураркән, һәјат неҹә олаҹаг? Аллаһ вә’д едир ки, әлини ачаҹаг “вә һәр јашајаны диләјинә ҝөрә” дојураҹагдыр (Мәзмур 145:16).
2 Сиз нә һагда арзу едә биләрсиниз? Хошбәхт һәјат, мараглы иш, мадди боллуг, ҝөзәл мүһит, инсанлар арасында сүлһ, һәмчинин әдаләтсизлик, хәстәлик, әзијјәт вә өлүмдән јаха гуртармаг, елә дејилми? Бәс севиндириҹи руһани үмид барәдә неҹә? Бүтүн бунлар тезликлә Аллаһын Падшаһлығынын һөкмранлығы алтында һәјата кечәҹәк. Бу е’ҹазкар хејир-дуаларын јени дүнјада олаҹағы барәдә Мүгәддәс Китаб пејғәмбәрликләринин дедикләринә диггәт јетирин.
Инсанлар арасында мүкәммәл сүлһ
3-6. Јени дүнјада инсанларын сүлһ ичиндә јашајаҹагларына даир һансы әминликләр вар?
3 “[Аллаһ] Јерин уҹуна гәдәр ҹәнҝләри дурдурар; јајы гырар вә мизрағы парчалар; ҹәнҝ арабаларыны атәшдә јандырар” (Мәзмур 46:9).
4 “Гылынҹларыны котан дәмирләри вә мизрагларыны бағча бычаглары едәҹәкләр: милләт милләтә гаршы гылынҹ галдырмајаҹаг вә артыг ҹәнҝ етмәји өјрәнмәјәҹәкләр” (Ишаја 2:4).
5 “Һәлимләр дүнјаны мирас алаҹаглар вә сүлһ боллуғунда ләззәт тапаҹаглар” (Мәзмур 37:11).
6 “Бүтүн дүнја истираһәт едир вә сусмуш; бирдән [“инсанлар”, ЈД] тәрәннүмлә ҹошарлар” (Ишаја 14:7).
Инсанларла һејванлар арасында сүлһ
7, 8. Инсанларла һејванлар арасында неҹә сүлһ олаҹаг?
7 “Гурд гузу илә бәрабәр јашајаҹаг вә пәләнҝ оғлагла бәрабәр јатаҹаг; вә бузов вә ҝәнҹ аслан вә бәсләнмиш өкүз бир јердә олаҹаг; вә онлары балаҹа бир ушаг отараҹаг. Вә инәклә ајы отлајаҹаг; онларын балалары бирликдә јатаҹаг; вә аслан өкүз кими саман јејәҹәк. Вә әмзикдәки ушаг гара иланын јувасы үзәриндә ојнајаҹаг вә сүддән кәсилмиш ушаг әлини зәһәрли иланын јувасы үзәринә гојаҹаг... зәрәр вермәјәҹәкләр вә һәлак етмәјәҹәкләр” (Ишаја 11:6-9).
8 “Чөл һејванлары илә вә ҝөјләрин гушлары илә вә торпагда сүрүнәнләрлә о ҝүн онлар үчүн әһд кәсәҹәјәм... вә онлары тәһлүкәсизликдә јашадаҹағам” (Һошеа 2:18).
Мүкәммәл сағламлыг вә әбәди һәјат
9-14. Јени дүнјада сағламлығын неҹә олаҹағыны тәсвир един.
9 “О заман корларын ҝөзләри ачылаҹаг, карларын да гулаглары ачылаҹаг. О заман топал адам марал кими сычрајаҹаг вә дилсизин дили тәрәннүм едәҹәк” (Ишаја 35:5, 6).
10 “Аллаһ онларын ҝөзләриндән бүтүн јашлары силәҹәкдир. Артыг өлүм мөвҹуд олмајаҹаг; артыг нә кәдәр, нә фәрјад, нә дә ағры олаҹагдыр, чүнки әввәлки шејләр кечиб ҝетди” (Вәһј 21:4).
11 “Орада јашајан: “Хәстәјәм”, демәјәҹәк” (Ишаја 33:24).
12 “Әти [“бәдәни”, ЈД] ушағынкындан көрпә олар; ҝәнҹлији ҝүнләринә дөнәр” (Ејуб 33:25).
13 “Аллаһын ән’амы... Рәббимиз Мәсиһ Исада әбәди һәјатдыр” (Ромалылара 6:23).
14 “Она иман едәнләрин... һамысынын әбәди һәјаты” олаҹаг (Јәһја 3:16).
Өлүләр һәјата гајтарылаҹаглар
15-17. Өләнләр үчүн һансы үмид вар?
15 “Һәм салеһ, һәм дә салеһ олмајан өлүләрин дирилмәси олаҹагдыр” (Һәвариләрин ишләри 24:15).
16 “Елә бир саат ҝәлир ки, гәбирләрдә [Аллаһын јаддашында] оланларын һамысы Онун сәсини ешидәҹәкләр вә гәбирләриндән чыхаҹаглар” (Јәһја 5:28, 29).
17 “Дәниз, өзүндә олан өлүләри тәслим етди; өлүм вә өлүләр аләми дә өзләриндә олан өлүләри тәслим етдиләр” (Вәһј 20:13).
Јер үзү — боллуг ичиндә Ҹәннәт
18-22. Јер үзүндә һансы дәјишикликләр олаҹаг?
18 “Бәрәкәт јағмурлары олаҹаг. Вә сәһра ағаҹы мејвәсини верәҹәк вә јер мәһсулуну верәҹәк вә өз торпаглары үзәриндә тәһлүкәсиз олаҹаглар” (Һезекиел 34:26, 27).
19 “Јер үзү мәһсулуну верди; Аллаһ, бизим Аллаһымыз бизә хејир-дуа верәҹәкдир” (Мәзмур 67:6).
20 “Чөл вә гураг јер шадланаҹаг; вә әһалисиз јер севинәҹәк вә нәрҝиз кими чичәкләнәҹәк” (Ишаја 35:1).
21 “Дағлар вә тәпәләр өнүнүздә тәрәннүм едәҹәкләр; вә чөлүн бүтүн ағаҹлары әл чалаҹаглар. Чалы јеринә шам ағаҹы битәҹәк; ҝиҹиткән јеринә мәрсин ағаҹы битәҹәк” (Ишаја 55:12, 13).
22 “Мәнимлә бәрабәр ҹәннәтдә олаҹагсан” (Лука 23:43).
Һамы үчүн јахшы ев
23, 24. Һансы зәманәт вар ки, һамы үчүн кифајәт гәдәр јахшы евләр олаҹаг?
23 “Евләр тикәҹәкләр вә јашајаҹаглар... Онлар тикиб дә башгасы јашамајаҹаг; онлар әкиб дә башгасы јемәјәҹәк... сечдикләрим өз әлләринин ишиндән истифадә едәҹәкләр. Бош јерә әмәк вермәјәҹәкләр вә фәлакәт үчүн доғмајаҹаглар” (Ишаја 65:21-23).
24 “Һәр кәс өз асмасы алтында вә өз әнҹир ағаҹы алтында отураҹаг; вә онлары горхудан олмајаҹаг” (Мика 4:4).
Сиз јер үзү Ҹәннәтдә әбәди јашаја биләрсиниз
25. Ҝәләҹәјә даир һансы е’ҹазкар үмидимиз вар?
25 Ҝәләҹәјә аид неҹә дә е’ҹазкар үмиддир! Буҝүнкү проблемләрин Аллаһын јени дүнјасында һәмишәлик кечмишдә галаҹағына үмид мөһкәмләндикҹә, һәјат, доғрудан да һәгиги мә’на кәсб едир! “Әввәлки шејләр анылмајаҹаг вә фикрә ҝәлмәјәҹәк” (Ишаја 65:17). Һәмин вахт һәјатын әбәди олаҹағыны билмәк неҹә дә тәсәлливериҹидир: “[Аллаһ] өлүмү әбәдијјән” јох едәҹәк (Ишаја 25:8).
26. Аллаһын јени дүнјасында әбәди јашамаг үчүн нә лазымдыр?
26 Сиз артыг белә јахын олан бу јени дүнјада — Ҹәннәтдә әбәди јашамаг истәмәздинизми? Сиз соруша биләрсиниз: Бәс нә етмәлијәм ки, бу дүнја сона чатмаздан әввәл Аллаһын лүтфүнү газаныб, Онун јени дүнјасына сағ кечим? Иса сизин нә етмәли олдуғунузу Аллаһа етдији дуасында ҝөстәрмишдир: “Әбәди һәјат о демәкдир ки, Сәни, ваһид һәгиги Аллаһы вә ҝөндәрдијин Иса Мәсиһи танысынлар” (Јәһја 17:3).
27. Аллаһын нијјәтиндә иштирак етмәк үчүн сиз нә етмәлисиниз?
27 Буна ҝөрә дә, Мүгәддәс Китабы әлдә един вә бу брошүрада охудугларынызы јохлајын. Мүгәддәс Китаб һәгигәтләрини өјрәнән вә өјрәдән инсанлары ахтарын. Мүгәддәс Китаба зидд өјрәдән вә давранан икиүзлү динләрдән ајрылын. Артыг индидән Аллаһын ирадәсини јеринә јетирән милјонларла башга инсанларла бирликдә, Аллаһын јер үзү ҹәннәтдә инсанларын әбәди јашамалары һаггында олан нијјәтиндә неҹә иштирак едә биләҹәјинизи өјрәнин. Аллаһын мүгәддәс руһу васитәсилә јазылмыш Кәламында јахын ҝәләҹәк һаггында јазыланлары сәмими гәлбдән гәбул един: “Дүнја вә онун еһтирасы кечиб ҝедир, амма Аллаһын ирадәсини јеринә јетирән әбәди јашајыр” (1 Јәһја 2:17).
[31-ҹи сәһифәдә олан шәкил]
Аллаһын јер үзү Ҹәннәти бәрпа етмәк нијјәти тезликлә һәјата кечәҹәк.