Исадан нә өјрәнирик?

Аллаһын Падшаһлығы һагда

Аллаһын Падшаһлығы нәдир?

Аллаһын Падшаһлығы бүтүн јер үзәриндә һөкмранлыг едәҹәк бир һөкумәтдир. Иса демишди: «Сиз белә дуа един: “...Сәлтәнәтин ҝәлсин. Ҝөјдә олдуғу кими, јердә дә Сәнин ирадән олсун”» (Матта 6:9, 10; Даниел 2:44).

Аллаһын Падшаһлығында кимләр рәһбәрлик едәҹәк?

Иса Аллаһын Падшаһлығынын Падшаһы олмаг үчүн дүнјаја ҝәлмишди. Мәләк Исанын анасына демишди: «Рәбб Аллаһ Она атасы Давудун тахтыны верәҹәкдир. Әбәди олараг... һөкмранлыг едәҹәк» (Лука 1:30-33). Үстәлик, Иса давамчыларындан бәзиләрини өзү илә һөкмранлыг етмәјә сечиб. О, һәвариләринә демишди: «Кечирдијим сынагларда Мәнимлә бәрабәр оланлар сизсиниз вә Атам Мәнә бир сәлтәнәт тапшырдығы кими Мән дә сизә бир сәлтәнәт тапшырырам» (Лука 22:28, 29; Даниел 7:27). Иса илә һөкмранлыг едәҹәк давамчыларынын сајы 144 000-дир (Вәһј 5:9, 10; 14:1).

Падшаһлыг һарада јерләшәҹәк?

Аллаһын Падшаһлығы ҝөјләрдән идарә едәҹәк. Иса шаҝирдләринә деди: «Әҝәр ҝедиб јер һазырласам, тәкрар ҝәлиб сизи Өз јаныма ҝәтирәҹәјәм ки, Мән һарадајамса, сиз дә орада оласыныз... Мән Атанын јанына ҝедирәм» (Јәһја 14:2, 3, 12; Даниел 7:13, 14).

Аллаһын Падшаһлығы пислијә гаршы һансы тәдбирләр ҝөрәҹәк?

Иса Јер үзүнү бүтүн пис инсанлардан тәмизләјәҹәк. О демишди: «Инсан Оғлу исә бүтүн мүгәддәс мәләкләр илә бәрабәр иззәти илә ҝәлдикдә, о заман иззәтли тахтына отураҹагдыр. Бүтүн халглар Онун өнүндә топлашаҹаглар, О да... онлары бир-бириндән ајыраҹагдыр... [Писләр] әбәди әзаба [«мәһвә», ЈД], салеһләр исә әбәди һәјата дүчар олаҹаглар» (Матта 25:31-34, 46).

Аллаһын Падшаһлығынын тәбәәләри кимләр олаҹаг?

Иса демишди: «Һәлимләр нә бәхтијардырлар! Чүнки јери мирас алаҹаглар» (Матта 5:5; Мәзмур 37:29; 72:8). Јер үзүндә артыг индидән бир-бирини севмәји өјрәнән инсанлар јашајаҹаг. Иса давамчыларына демишди: «Сизә бир-биринизи севәсиниз дејә јени бир әмр верирәм: сизи севдијим кими сиз дә бир-биринизи севин. Әҝәр бир-биринизә гаршы мәһәббәтиниз олса, бундан һәр кәс Мәним шаҝирдләрим олдуғунузу биләҹәк» (Јәһја 13:34, 35).

Аллаһын Падшаһлығы бәшәријјәт үчүн нәләр едәҹәк?

Иса бәшәријјәти хәстәликләрдән азад едәҹәк. О, јер үзүндә оларкән халга Аллаһын Падшаһлығы һагда данышыр вә ‘шәфаја мөһтаҹ оланлары сағалдырды’ (Лука 9:11). Һәвари Јәһја ҝөрүнтүдә дирилмиш Исаны ҝөрәрәк деди: «Сонра мән, јени бир сәма вә јени бир јер ҝөрдүм... Ҝөјдән ҝәлән јүксәк бир сәс ешитдим. Дејирди: “Будур, Аллаһын мәскәни инсанларла бәрабәрдир... Аллаһ онларын ҝөзләриндән бүтүн јашлары силәҹәкдир. Артыг өлүм мөвҹуд олмајаҹаг”» (Вәһј 21:1-4).

Аллаһын Падшаһлығы јер үзүнү Ҹәннәтә чевирәҹәк. Иса илә бирҝә едам едилән ҹинајәткар она деди: «Өз Сәлтәнәтинлә ҝәлдијин заман мәни јада сал!» Ҹавабында Иса она деди: «Бу ҝүн сәнә доғрусуну дејирәм, сән мәнимлә бәрабәр Ҹәннәтдә олаҹагсан» (Лука 23:42, 43, ЈД; Јешаја 11:4-9).

Даһа чох мәлумат алмаг үчүн «Мүгәддәс Китаб әслиндә нә өјрәдир?»a китабынын 8-ҹи фәслинә бахын.

[Һашијә]