Падшаһлыг һаггындакы тәблиғ инсанларын һәјатыны хилас едир!
1 Бу иш, буҝүнкү ҝүн үчүн дүнјада кечирилән ән ваҹиб ишдир. Бу иш Јеһова Аллаһын, Иса Мәсиһин вә сајсыз-һесабсыз мәләкләрин диггәт мәркәзиндәдир. Һаггында бәһс олунан иш һансы ишдир вә нәјә ҝөрә белә ваҹибдир? Бу, инсанларын һәјатына хилас ҝәтирән, Падшаһлыг һаггындакы тәблиғ ишидир! (Ром. 1:16; 10:13, 14).
2 Бә’зиләри дејирләр ки, әҝәр биз әтраф мүһити јахшылашдырмаға чалышсајдыг, инсанлара даһа чох фајда ҝәтирәрдик. Чохлары вар гүввәләри илә сүлһ јаратмаға, хәстәликләрә галиб ҝәлмәјә вә игтисади вәзијјәти јахшылашдырмаға чалышырлар. Амма инсанлара даһа чох фајда ҝәтирән нә олаҹаг?
3 Ән ваҹиб иш. Һәјатын мә’насыны, изтирабларын сәбәбини вә ҝәләҹәјә јеҝанә реал үмиди јалныз Падшаһлыг һаггындакы хәбәр ајдынлашдырыр. Хош хәбәр, инсанлара Јеһова Аллаһын досту олмаг вә “Аллаһын һәр ҹүр ағылдан үстүн олан” сүлһүнү әлдә етмәк имканыны верир (Филип. 4:7). Јалныз Падшаһлыг һаггындакы хәбәр, инсанлара һәјат проблемләринин өһдәсиндән ҝәлмәк үчүн рәһбәрлик верир вә аллаһсызлар дүнјасынын мәһвиндән неҹә сағ чыхмағы изаһ едир (1 Јәһ. 2:17). Беләликлә, мәҝәр Падшаһлыг һаггындакы тәблиғ иши ҝөстәрдијимиз бүтүн сә’јләрә дәјмирми?
4 Мисал үчүн, учмаг үзрә олан су бәндинин јахынлығындакы кәндин јатан сакинләринә даһа јахшы һансы үсулла көмәк етмәк олар? Зәифләмиш бәндин о тајындакы сују насосла чәкмәкләми? Јохса мәһкум олунмуш кәнди бәзәмәк лазымдыр? Әлбәттә ки, јох! Кәндин сакинләрини ојатмаг вә хилас олмаларына көмәк етмәк лазымдыр! Бу ҝүн руһән јатанлар ҹидди тәһлүкә алтындадырлар (Лука 21:34-36). Индики дүнја системинин сону јахын олдуғундан, ҝәлин, әлимиз чатан һәр бир кәсә тәблиғ етмәк үчүн сә’јлә чалышаг! (2 Пет. 3:11, 12; 2 Тим. 4:2).
5 Мәтанәтлә давам един. Ҝәлин, евдән-евә, күчәдә, телефонла вә гејри-рәсми тәрздә тәблиғ едәрәк, сәмими гәлбли бир чох инсанлара хош хәбәри чатдырмаг үчүн имканлар ахтараг. Јеһованын бизә һәвалә етдији иш, јеринә јетирә биләҹәјимиз ән ваҹиб ишдир. Әҝәр бу иши сә’јлә јеринә јетиририксә, һәм өзүмүзү, һәм дә бизә гулаг асанлары хилас едәрик (1 Тим. 4:16).