Ҝејимдә вә хариҹи ҝөрүнүшдә ләјагәт
1 “Бүтүн кишиләр, һәтта балаҹа оғлан ушаглары белә галстукда идиләр. Бүтүн гадынлар вә гызлар дон вә јубка ҝејинмишдиләр. Кишиләри галстуксуз вә ја кими исә ҹинс шалварда ҝөрмәк мүмкүн дејилди. Һамы ҝөзәл ҝејинмишди”. Бу мә’лумат хәбәрләр програмында верилмишдир. Бу инсанлар һансы тәдбирә топлашмышдылар? Сијаси партијанын гурултајынамы? Идман јарышынамы? Рок-консертәми? Әлбәттә, јох! Онлар өтән илин јајында бөјүк вилајәт конгресинә топлашан баҹы-гардашларымыз идиләр.
2 Башга бир шәһәрдә, гәзет мүхбири конгресә топлашан Шаһидләри бу ҹүр тәсвир етмишдир: “Кишиләр сәлигә илә ҝејинмишләр, һамысы костјум вә галстукдадырлар. Гадынлар исә садә, лакин зөвглә ҝејинмишләр”. Кешикчи дә һаггымызда фикрини разылыгла билдирди: “Сиз олдугҹа алиҹәнаб, нәзакәтли, тәмизкар вә сәлигәлисиниз. Сизә бахмаг чох хошдур. Бу натәмиз дүнјада, сиз өзүнүзү натәмизликдән тәмизләјә билмисиниз!” Үнванымыза дејилән неҹә дә ҝөзәл сөзләрдир! Мәҝәр баҹы вә гардашларымызы бу ҹүр тә’рифләмәләри бизи севиндирмирми? Онлардан һәр бири тә’рифә лајигдирләр, чүнки онларын һамысы гүсурсуз ҝөрүнмәјә чалышмышлар.
3 Һәр јердә мә’лумдур ки, биз хариҹи ҝөрүнүшүмүзлә бу дүнјадан кәскин сурәтдә фәргләнирик (Мал. 3:18). Нәјә ҝөрә? Она ҝөрә ки, Мүгәддәс Китабын “әдәбли палтарла... Аллаһа һөрмәт етдикләрини сүбут едән... [кәсләрә] јарашан тәрздә... өзләрини бәзәсинләр” мәсләһәтинә риајәт едирик (1 Тим. 2:9, 10, И-93).
4 Сәнин ҝејимин вә хариҹи ҝөрүнүшүн нәјә ишарә едир? Ҝејимимиздән вә хариҹи ҝөрүнүшүмүздән бизим һаггымызда чох шеј демәк олар: һансы әгидәјә, нәзәрләрә вә нијјәтләрә маликик. Сечдијимиз ҝејим үслубу, бизим кимлијимизи вә кими тәмсил етдијимизи ҝөстәрир. Биз һеч бир вәҹһлә бу дүнјанын тәблиғ етдији әхлагсыз дүшүнҹә тәрзини вә давранышыны дәстәкләмәмәлијик. Бизи, ҝејимимизин дәбдәбәли олуб-олмамасы дејил, Аллаһын хидмәтчиләринә јарашыб-јарашмамасы нараһат етмәлидир (Ром. 12:2). Биз истәмирик ки, хариҹи ҝөрүнүшүмүз кимдә исә өзбашыналыг руһуна вә ја әхлагсыз һәјат тәрзинә даир тәсәввүр јаратсын. Әксинә, истәјирик ки, Аллаһа иззәт ҝәтирсин (1 Пет. 2:12).
5 Елә олур ки, јениләр, тәҹрүбәсиз вә ја руһән зәиф оланлар, ҝејимә вә хариҹи ҝөрүнүшә даир бу дүнјанын бахышларыны гәбул едирләр. Бүтүн бунларын исә Јеһоваја вә Онун тәшкилатына неҹә тә’сир едәҹәјини дүшүнмүрләр. Бизләрдән һәр биримиз өзүнү тәһлил едиб, бу дүнјанын бахышларынын она тә’сир едиб-етмәдијини јохлаја биләр. Биз, е’тибар етдијимиз руһән јеткин баҹыја вә ја гардаша јахынлашыб, ҝејимимизә вә хариҹи ҝөрүнүшүмүзә аид фикрини билдирмәсини хаһиш едә биләрик. Сонра исә онларын мәсләһәти үзәриндә ҹидди тәрздә дүшүнмәјә дәјәр.
6 Бә’зиләри мәмнунијјәтлә разылашырлар ки, конгресә сәлигә илә ҝејинмәк лазымдыр. Лакин онлар, програм баша чатдыгдан сонра һансы ҝејимдә ҝәзмәјин бир о гәдәр дә әһәмијјәт кәсб етмәдијини дүшүнүрләр. Амма биз һәмишә Аллаһын хидмәтчиләри кими ләјагәтлә ҝејинмәлијик (2 Кор. 6:3, 4). Биз, инсанлар арасына чыханда, плакетләримиз вә лајигли хариҹи ҝөрүнүшүмүз, Јеһованын Шаһидләри олдуғумузу ҝөстәрир. Буна ҝөрә дә ҝејимимиз һәмишә сәлигәли вә ләјагәтли олмалы, һәмчинин бу “дүнјадан” олмадығымызы ҝөстәрмәлидир (Јәһ. 15:19).
7 Ҝәлин, әлимиздән ҝәлән һәр шеји едәк ки, бу илин “Падшаһлығын чалышган тәблиғчиләри” адлы вилајәт конгресиндә “Рәббә [Јеһоваја] мүгәддәс бир халг” олдуғумуз ҝөрүнсүн. Бунун сајәсиндә јаранаҹаг јахшы тәәссүрат Јеһованын һөрмәтинә, сөһрәтинә вә иззәтинә јахшы тә’сир ҝөстәрәҹәкдир (Тәс. 26:19).
[6 сәһифәдәки чәрчивә]
Јеһованы иззәтләндирмәјин үсулу
■ Аллаһын хидмәтчисинә лајиг олан тәрздә ҝејин.
■ Дүнјанын руһуну әкс етдирән хариҹи ҝөрүнүшдән гачын.
■ Сағлам дүшүнҹәли олдуғуна шәһадәт едән садәлији тәзаһүр етдир.