Әдәбли ҝејим Аллаһа еһтирам бәсләдијимизә шәһадәт едир
1. Гаршыда ҝөзләнилән вилајәт конгресинә ҝөрә миннәтдарлығымызы неҹә ифадә едә биләрик?
1 Биз бу јахынларда “Аллаһа иззәт верин” адлы 2003-ҹү илин вилајәт конгресиндә Јеһованын гонаглары олмаг шәрәфинә лајиг ҝөрүләҹәјик. Белә бир зәнҝин зијафәтә дә’вәт етдији үчүн, биз Јеһоваја неҹә дә миннәтдарыг! Вердији руһани ән’амлара ҝөрә Аллаһа олан еһтирамымызы вә миннәтдарлығымызы ҝејимимизлә вә хариҹи ҝөрүнүшүмүзлә ифадә едә биләрик (Мәз. 116:12, 17).
2. Тәмиз вә сәлигәли ҝејинмәк бизим үчүн нәјә ҝөрә ваҹибдир?
2 Тәмиз вә сәлигәли олмаг. Хариҹи ҝөрүнүшүмүз, тәмизлији вә низам-интизамы севән Аллаһымызын нормаларыны әкс етдирмәлидир (1 Кор. 14:33; 2 Кор. 7:1). Бәдәнимиз, сачымыз вә дырнагларымыз тәмиз вә хариҹи ҝөрүнүшүмүз сәлигәли олмалыдыр. Бу ҝүн чохлары сәлигәсиз ҝејинирләр, лакин мәсиһчиләр, бу ҹүр ҝејинән кино вә ја идман улдузларындан нүмунә ҝөтүрмәли дејилләр. Әҝәр биз гәрибә мода үслубунун тә’сири алтына дүшүрүксә, инсанлар үчүн һәгиги Аллаһа хидмәт едәнләрлә етмәјәнләри ајырд етмәк чәтин олур (Мал. 3:18).
3. Хариҹи ҝөрүнүшүмүз 1 Тимотејә 2:9, 10 ајәләриндә дејиләнләрә мүвафиг олсун дејә, нәји өлчүб-бичмәлијик?
3 Мәсиһчиләрә јарашан ҝејим тәрзи. Һәвари Павел мәсиһчи нәзарәтчиси Тимотејә јаздығы мәктубунда гадынлары өзләрини ‘утанҹаглыг вә мө’тәдилликлә, әдәбли гијафәтлә... Аллаһа һөрмәт етдикләрини иддиа едән гадынлара јарашан тәрздә... хејирли ишләрлә бәзәмәјә’ тәшвиг едирди (1 Тим. 2:9, 10). Ҝејимимизин һәгигәтән дә әдәбли олмасы үчүн, һәр шеји лазыми гајдада өлчүб-бичмәлијик. Ҝејим зөвгсүз, еһтирас ојадан вә диггәти ҹәлб едән олмамалыдыр. Биз әдәбли, тәмиз вә садә ҝејинмәлијик (1 Пет 3:3).
4, 5. Неҹә гардашлар, еләҹә дә баҹылар нәдән гачынмалыдырлар?
4 Павел, һәмчинин “сач һөрҝүләри, гызыл, јахуд мирвариләр, јахуд баһалы палтарла” һәддиндән артыг бәзәнмәкдән дә сагындырырды (1 Тим. 2:9). Мәсиһчи гадынлары косметикадан истифадә едәркән вә бәзәк әшјалары сечәркән таразлығы горусалар, мүдрик һәрәкәт етмиш оларлар (Сүл. мәс. 11:2).
5 Павел өз мәсләһәтини илк нөвбәдә мәсиһчи гадынлара үнванландырмыш олса да, бу мәсләһәтин әсасыны тәшкил едән принсип гардашлара да аиддир. Онлар бу дүнјанын руһуну әкс етдирән ҝејим тәрзиндән гачынмалыдырлар (1 Јәһја 2:16). Мисал үчүн, бә’зи өлкәләрдә ҝениш, һәддиндән артыг сәрбәст палтарлар ҝејмәк популјардыр, лакин белә үслуб Аллаһын хидмәтчисинә мүнасиб дејил.
6. Конгресә ҝетмәјимиздән вә ја гајытмағымыздан, програма гулаг асмағымыздан вә динҹәлмәјимиздән асылы олмајараг, ҝејимимиз вә хариҹи ҝөрүнүшүмүз нәјә ҝөрә јүксәк нормалара мүвафиг олмалыдыр?
6 Ахшам, програмдан сонра. Конгресин програм вахты баҹы вә гардашларын әксәријјәти ҝејимдә ҝөзәл нүмунә верирләр. Анҹаг диггәт јетирилдији кими, бә’зи гардашлар конгресә ҝедәркән, конгресдән гајыдаркән вә јахуд ахшам, програмдан сонра истираһәт едәркән хариҹи ҝөрүнүшләринә фикир вермирләр. Лакин истәр програм вахты, истәрсә дә башга вахт, хариҹи ҝөрүнүшүмүздән инсанларда Аллаһын халгы һаггында һансы фикир јаранаҹағы асылыдыр. Конгресин нүмајәндәләри кими плакетләр тахдығымыз үчүн, биз ҝәрәк мәсиһчиләрә јарашан тәрздә ҝејинәк. Инсанлар чох вахт бизи хариҹи ҝөрүнүшүмүз сәлигәли олдуғуна ҝөрә тә’рифләјирләр вә бизим онлара тәблиғ етмәк имканымыз јараныр (1 Кор. 10:31-33).
7. Сәлигәли ҝејимимиз вә хариҹи ҝөрүнүшүмүз башгаларына неҹә тәәссүрат бағышлаја биләр?
7 Неҹә ки, сәмими тәбәссүм сифәти ҹәлбедиҹи едир, сәлигәли ҝејим вә хариҹи ҝөрүнүш дә дашыдығымыз хәбәрә вә тәмсил етдијимиз тәшкилата гаршы һөрмәт һисси доғурур. Бу ил “Аллаһа иззәт верин” адлы вилајәт конгреси заманы бизи ҝөрәнләрдән бә’зиләри, еһтимал ки, башгаларындан нә үчүн фәргләндијимизи билмәк истәјәҹәк вә һәтта нәһајәтдә: “Сизинлә ҝедирик, чүнки Аллаһын сизинлә бәрабәр олдуғуну ешитдик” дејәҹәкләр (Зәк. 8:23). Гој бизләрдән һәр биримиз өз ҝејими вә хариҹи ҝөрүнүшү илә Аллаһа еһтирам етдијини ҝөстәрсин!
[5 сәһифәдәки чәрчивә]
Ләјагәтли ҝөрүнүрүк...
▪ Јолда.
▪ Конгресдә.
▪ Ахшам, програмдан сонра.