Әхлаги тәмизлији әкс етдирән хариҹи ҝөрүнүш
1. Вилајәт конгресинә һазырлашаркән нә ҝејинәҹәјимизи дүшүнмәјимиз нә үчүн ваҹибдир
1 “Јеһованын Шаһидләри чох јахшы инсанлардыр! Онлар чох хејирхаһ, јахшы ҝејинән вә башгаларына дәрин һөрмәт бәсләјән инсанлардыр”. Бу, кечән ил вилајәт конгресиндәки баҹы-гардашлар һаггында бир меһманхана нүмајәндәсинин сөзләридир. Башга бир конгресдә меһманхана ишчиси белә демишдир: “Дәрһал ајдын олур ки, сиз ҝејиминизлә Аллаһы разы салмаг истәјирсиниз”. Бәли, конгрес нүмајәндәләри һамынын диггәт мәркәзиндәдирләр. Буна ҝөрә дә, биз “мүждәјә лајиг тәрздә” ҝејинмәјә чалышырыг (Филип. 1:27). Дүнјәви инсанлар чох вахт бизи ҝејимимизә ҝөрә тә’рифләјирләр, онлар бизим ҝејимимиздән Аллаһа хидмәт етдијимизи баша дүшүрләр. Вилајәт конгресинә һазырлашаркән нә ҝејинәҹәјимизи әввәлҹәдән дүшүнмәјимиз ваҹибдир.
2. Хариҹи ҝөрүнүшүмүзүн әхлаги сафлығы әкс етдирмәси үчүн ҝејим сечмәк нәјә ҝөрә асан дејил?
2 “Јухарыдан назил олан һикмәт әввәлән сафдыр” дејә, шаҝирд Јагуб јазмышдыр (Јаг. 3:17). Хариҹи ҝөрүнүшүмүздә белә бир әхлаги сафлығы әкс етдирмәк асан дејил. Шејтанын әхлагсыз дүнјасы инсанлары гејри-ади, шәһвани вә әдәбсиз ҝөрүнмәјә тәһрик едир, сөзсүз ки, бу да Аллаһын хидмәтчиләринә мүнасиб дејил (1 Јәһ. 2:15-17). Нәтиҹә е’тибарилә, нә ҝејинәҹәјимизи вә өзүмүзү неҹә апараҹағымызы гәрара аларкән, биз Мүгәддәс Китабын бу мәсләһәтинә диггәт јетирмәлијик: “Аллаһа гаршы һөрмәтсизлији вә дүнјәви еһтираслары рәдд едиб, бу дүнјада тәмкинли, салеһ вә Аллаһ јолуна ујғун бир өмүр сүрәк” (Тит. 2:12). Биз хариҹи ҝөрүнүшүмүзлә һеч кими, истәр баҹы-гардашларымызы, истәр ресторан, истәрсә дә меһманхана ишчиләрини вә ја башга кеч кими бүдрәтмәк истәмирик (1 Кор. 10:32, 33).
3. Хариҹи ҝөрүнүшүмүзү јохламаг үчүн бизә һансы суаллар көмәк едә биләр?
3 Садә вә сәлигәли ҝејим. Конгресә һазырлашаркән өзүндән соруш: “Ҝејимим садәдирми, јохса мәнә лазымсыз диггәт ҹәлб едир? Палтар сечәркән башгаларынын һиссини нәзәрә алыраммы? Донумун јарығы һәддиндән артыг узун дејилми? Палтарым олдугҹа ачыг вә дар дејилми? Палтарым тәмиздирми, ондан пис иј ҝәлмир ки? Меһманханада сәһәр јемәјинә ҝәлмәк үчүн вә ја програмдан сонра истираһәт заманы ҝејәҹәјим палтар һаггында нә демәк олар? Палтарым, Аллаһын хидмәтчисинә јарашан тәрздә сәлигәли вә тәмиз олаҹагмы? Јохса о үзәриндә плакет вурмаг үчүн јерсиз олаҹаг дәрәҹәдә сәлигәсиз вә ја гејри-ади, јахуд һәддиндән артыг ев палтары кими ҝөрүнүр? Гејри-рәсми тәблиғ етмәк имканы дүшәрсә, хариҹи ҝөрүнүшүмдән утанмарам ки?” (Ром. 15:2, 3; 1 Тим. 2:9).
4. Хариҹи ҝөрүнүшүмүзүн әхлаги тәмизлији әкс етдирмәси үчүн башгалары бизә неҹә көмәк едә биләрләр?
4 Јеткин мәсиһчиләрлә дә мәсләһәтләшмәк олар. Гадынлар палтарларынын башгалары тәрәфиндән неҹә гәбул едилә биләҹәјини әрләриндән соруша биләрләр. Мәсиһчи валидејнләр бу саһәдә өз јенијетмә ушагларына көмәк едә биләрләр. Бундан әлавә, “Аллаһын кәламы күфр олунмасын” дејә, јашлы баҹылар ‘ҝәнҹ гадынлара тә’лим верә биләрләр ки, онлар тәмкинли вә тәмиз олсунлар’ (Тит. 2:3-5). Бизим нәшрләрдә дәрҹ едилән шәкилләрдә сәлигәли вә әдәбли ҝејимә даир чохлу нүмунәләр вар.
5. Конгрес әрзиндә һәр биримиз Јеһоваја неҹә һәмд едә биләрик?
5 Јеһоваја һәмд едирик. Вилајәт конгресләриндә, јалныз програмда иштирак едәнләрин јох, һәр биримизин Јеһоваја һәмд етмәк имканы вар. Әлбәттә ки, биз Она мәсиһчијә хас олан данышыг вә давраныш тәрзимизлә һәмд едирик. Лакин Шаһид олмајанларын әксәријјәтинин илк нәзәринә чарпан бизим ҝејимимиз вә хариҹи ҝөрүнүшүмүздүр. Ҝәлин һәр биримиз тә’рифәлајиг хариҹи ҝөрүнүшүмүзлә Јеһоваја һәмд едәк (Мәз. 148:12, 13).
[6 сәһифәдәки чәрчивә]
Бизә көмәк едән амилләр
◼ Аллаһын Кәламы.
◼ Өзүнү јохламаг.
◼ Башгаларынын рә’ји.
◼ Мәсиһчи нәшрләри.