Суаллар гутусу

◼ Бејт-Елә ҝедәндә, ҝејимимиз вә хариҹи ҝөрүнүшүмүз неҹә олмалыдыр?

Филиалы сәјаһәт етмәк вә ја Бејт-Ел аиләсинин үзвләриндән кимин исә гонағы олмаг үчүн Бејт-Елә ҝедәндә, “ҝејимимиз, хариҹи ҝөрүнүшүмүз вә давранышымыз, Падшаһлыг Залында ибадәт үчүн кечирилән ҝөрүшләрә топлашдығымыз заман биздән ҝөзләнилдијинә мүвафиг олмалыдыр” (ом 131). Лакин фикир верилмишдир ки, бә’зи баҹы-гардашлар филиала баш чәкән заман олдугҹа ләјагәтсиз ҝејинирләр. Бу, мүвафиг дејил. Бизим хариҹи ҝөрүнүшүмүз сәлигәли вә садә олмалы, Јеһова Аллаһын хидмәтчиләринә лајиг олан әдәб вә ләјагәти әкс етдирмәлидир (1 Тим. 2:9, 10).

Филиала ҝетдијимиз заман хариҹи ҝөрүнүшүмүз һаггында хатырламаг хүсусилә ваҹибдир, чүнки Бејт-Ел бир чох кәнар шәхсләрин диггәт мәркәзиндәдир. Белә инсанларда Аллаһын халгы вә тәшкилаты һаггында фикир, ҝөрдүкләринин әсасында јараныр. Мүгәддәс Китабы өјрәнән вә филиала баш чәкмәк истәјән башга инсанлара, хариҹи ҝөрүнүшләринә фикир вермәјин нә дәрәҹәдә ваҹиб олдуғуну хатырлатмаға дәјәр. Буну етдијинизә ҝөрә Бејт-Ел аиләси сизә миннәтдар олаҹагдыр.

Мәсиһчи хидмәтчиләри олан бизләр диггәт јетирмәлијик ки, хариҹи ҝөрүнүшүмүз башгаларынын бүдрәмәсинә сәбәб олмасын (2 Кор. 6:3, 4). Ҝәлин, лајигли ҝејинәрәк һәр заман вә “һәр ҹәһәтҹә Хиласкарымыз Аллаһын тә’лимини ҹазибәли” едәк (Тит. 2:10).