Теократик Хидмәт Мәктәби 2004-ҹү илдә
1 Јеһова ән ади инсанлара олдугҹа зәрури олан иши јеринә јетирмәкдә көмәк едир. Бунун үчүн Онун истифадә етдији үсуллардан бири, һәр һәфтә Теократик Хидмәт Мәктәбиндә верилән тә’лимдир. Имкан дахилиндә Мәктәбин тә’лим програмында фәал иштирак едирсәнми? Јанвар ајындан башлајараг Теократик Хидмәт Мәктәбинин кечирилмәсиндә, Мәктәбдә тә’лим аланларын бәндләрдән даһа чох фајдаланмалары үчүн бә’зи дәјишикликләр едиләҹәк.
2 Тәдрис нитгләринә вә Мүгәддәс Китабдан диггәтәлајиг фикирләрә даир мәсләһәт. Тәдрис нитгләри вә Мүгәддәс Китабдан диггәтәлајиг фикирләрлә чыхыш едән гардашлар, онлара мәсләһәт вермәк мәгсәдилә тә’јин олунмуш гардашын ҝөстәрдији көмәјә ҝөрә миннәтдардырлар. Кифајәт гәдәр тәҹрүбәли ағсаггаллар олан јығынҹагларда, бу тапшырығы һәр ил башгасына һәвалә етмәк олар. Бу, иши гардашлар арасында бөлүшдүрмәјә имкан јарадар. Даһа зәруриси исә одур ки, ағсаггаллар вә габилијјәтли хидмәти көмәкчиләр тәҹрүбәли олан мүхтәлиф натигләрдән вә мүәллимләрдән фајдалы мәсләһәтләр алаҹаглар.
3 Шифаһи тәкрарын ҹәдвәли. Әҝәр шифаһи тәкрар кечириләҹәк һәфтәдә сизин әразиниздә рајон конгреси кечирилирсә, онда шифаһи тәкрары (вә һәмән һәфтәлик ҹәдвәлин галан һиссәсини) бир һәфтә сонраја кечирмәк лазымдыр. Нөвбәти һәфтә үчүн планлашдырылмыш програмы исә бир һәфтә габаға кечирмәк лазымдыр. Лакин шифаһи тәкрар рајон нәзарәтчисинин јығынҹаға ҝәлмәси илә ејни вахта дүшүрсә, һәр ики һәфтәнин програмындакы һиссәләрин јерләрини тамамән дәјишмәјә еһтијаҹ јохдур. Бунун әвәзиндә маһны вә Мүгәддәс Китабдан диггәтәлајиг фикирләр ҹәдвәлә әсасән кечирилмәлидир. Диггәтәлајиг фикирләрдән сонра үч 10 дәгигәлик вә ја ики 15 дәгигәлик бөлмәдән ибарәт олан јарым саатлыг хидмәти ҝөрүш кечириләҹәк. (Е’ланлары тә’хирә салмаг лазымдыр.) Хидмәти ҝөрүшдән сонра маһны вә рајон нәзарәтчинин 30 дәгигәлик нитги олаҹаг. Ҹәдвәлә әсасән нөвбәти һәфтәнин Теократик Хидмәт Мәктәбиндә програм дәрс вә Мүгәддәс Китабдан диггәтәлајиг фикирләрлә башланаҹаг. Бундан сонра исә шифаһи тәкрар кечириләҹәк.
4 Руһани ҹәһәтдән бөјүмәк үчүн һәр бир фүрсәтдән истифадә ет. Теократик Хидмәт Мәктәбиндә әлдә етдијин наилијјәтләр бүтүн јығынҹағы руһландырыр. Һәмчинин Мәктәбдә охумагла сән Мүгәддәс Китаб пејғәмбәрлијинин һәјата кечирилмәсиндә ваҹиб рол ојнајыр вә тәблиғ етмәли олдуғумуз ҝөзәл хәбәрин Мүәллифинә иззәт ҝәтирирсән (Иш. 32:3, 4; Вәһј 9:19).