Мүгәддәс Китабы өјрәнәнләрә руһән бөјүмәкдә көмәк едирик
ЫВ һиссә. Өјрәнәнләри һазырлашмаға өјрәдирик
1 Адәтән дәрси габагҹадан охујан, ҹаваблары гејд едән вә фикирләри өз сөзләри илә ифадә етмәјин үзәриндә дүшүнән инсанлар руһән тез инкишаф едирләр. Буна ҝөрә дә, өјрәнмәни мүнтәзәм олараг кечирмәјә башлајанда, мәшғәләјә неҹә һазырлашмағы ҝөстәрмәк үчүн, дәрсләрдән биринә өјрәнән адамла бирликдә һазырлашмаг лазымдыр. Бир чохлары илә бүтөв бир фәсли вә ја дәрси бирҝә һазырлашмаг фајдалы олаҹагдыр.
2 Ишарә вә гејдләр етмәк. Чап едилмиш суалларын дүзҝүн ҹавабларыны неҹә тапмағы өјрәт. Мүгәддәс Китабы өјрәнмәк үчүн истифадә олунан нәшрдә ачар сөзләри вә ифадәләри гејд етдијин шәхси нүсхәни она ҝөстәр. Материалы өјрәндијиниз мүддәт әрзиндә о, сәндән нүмунә ҝөтүрәҹәк вә өз нүсхәсиндә јалныз дүзҝүн ҹавабы јада салмаға көмәк едән фикирләри гејд едәҹәк (Лука 6:40). Сонра исә ондан өз сөзләрилә ҹаваб вермәји хаһиш ет. Бу сәнә онун материалы нә дәрәҹәдә јахшы баша дүшүб-дүшмәдијини мүәјјәнләшдирмәјә көмәк едәҹәк.
3 Өјрәнән адамын дәрсә һазырлашмасынын ваҹиб бир һиссәси — ситат ҝәтирилмәјән ајәләри диггәтлә тәдгиг етмәкдир (Һәв. иш. 17:11). Она бу ајәләрин һәр биринин абзасдакы фикирлә бағлы олдуғуну ҝөрмәјә көмәк ет. Өјрәнилән әдәбијјатын кәнарларында гыса гејдләри неҹә етмәји ҝөстәр. Өјрәнилән әсас вәсаитин Мүгәддәс Китаб олдуғуну һәр дәфә хүсусилә вурғула. Ону өз ҹавабларында ҝәтирилән ајәләрдән истифадә етмәјә тәшвиг ет.
4 Гыса хүласә вә тәкрар. Өјрәнмәјә һазырлашмаға башламаздан әввәл, өјрәнән адамын мөвзунун гыса иҹмалыны етмәси фајдалы оларды. Изаһ ет ки, о, буну дәрсин башлығыны, јарымсәрлөвһәләрини вә шәкилләрини нәзәрдән кечирмәклә едә биләр. Һәмчинин ону ахырда әсас фикирләри тәкрарламаға тәшвиг ет. Буну, әҝәр өјрәнилән нәшрдә варса, тәкрар үчүн чәрчивәнин әсасында етмәк олар. Бу ҹүр тәкрар она материалы јадда сахламаға көмәк едәҹәк.
5 Мүгәддәс Китабы өјрәнән адамы өјрәнмәјә јахшы һазырлашмаға тәшвиг едириксә, бу она ҝөрүшләрдә мә’налы шәрһләр вермәјә көмәк едәҹәк. Бундан әлавә, о, шәхси өјрәнмәјә вахт ајырмағы өјрәнәҹәк. Бу исә она тәһсил курсуну битирдикдән сонра да узун мүддәт көмәк едәҹәк.