Мүгәддәс Китабы өјрәнәнләрә руһән бөјүмәкдә көмәк едирик Х һиссә.

Өјрәнәнләри евдән-евә тәблиғ етмәјә өјрәдирик.

¹ Ағсаггаллар Мүгәддәс Китабы өјрәнән адамын вәфтиз олунмамыш тәблиғчи олмаг үчүн һазыр олуб-олмадығыны мүәјјән етдикдән сонра, о, јығынҹагла бирликдә тәблиғ ишиндә иштирак едә биләр. («Јеһованын ирадәсини јеринә јетирмәк үчүн тәшкил олунмушуг» китабынын 79-81-ҹи сәһифәләринә бах, рус.) Бәс биз она евдән-евә тәблиғ етмәји өјрәнмәкдә неҹә көмәк биләрик?

² Бирҝә һазырлыг. Јахшы һазырлыг чох ваҹибдир. Өјрәнән адама «Бизим Падшаһлыг Хидмәтимиз»дән вә «Мүгәддәс Китаб әсасында сөһбәтә башламағын вә давам етмәјин үсулу» (рус.) брошүрасындан јерли әразијә мүвафиг олан садә тәгдимәләр тапмаға көмәк ет. Ону лап башланғыҹындан Мүгәддәс Китабдан истифадә етмәјә тәшвиг ет (2 Тим. 4:2).

³ Тәзә тәблиғчинин тәгдимәни габагҹадан мәшг етмәси чох фајдалыдыр. Онунла һазырлашаркән, әразиниздә ҝениш јајылмыш е’тиразын нәзакәтлә өһдәсиндән ҝәлмәк үсулуну ҝөстәр (Колос. 4:6). Она изаһ ет ки, мәсиһчинин хидмәтдә инсанларын вердији бүтүн суалларын ҹавабыны билмәси ваҹиб дејил. Белә һалларда онун суалыны арашдырмағы вә ҝәлән дәфә изаһ етмәји тәклиф етмәк даһа јахшы оларды (Сүл. мәс. 15:28).

⁴ Бирҝә тәблиғ. Өјрәнән илк дәфә евдән-евә тәблиғ едәндә, гој сизин бирликдә һазырладығыныз тәгдимәни сәнин неҹә тәтбиг етдијини мүшаһидә етсин. Сонра онун өзү сөһбәтә гошулмаға чалыша биләр. Бә’зи һалларда исә јахшы оларды ки, јени тәблиғчи тәгдимәнин бир һиссәсини десин. Мәсәлән, о, Мүгәддәс Китаб ајәсини охујуб шәрһ едә биләр. Өјрәнәнин габилијјәт вә шәхсијјәтини нәзәрә ал (Филип. 4:5). Она тәблиғ хидмәтинин мүхтәлиф саһәләрини өјрәдәркән, тә’рифләмәји унутма.

⁵ Онун тәблиғ хидмәтиндә мүнтәзәм сурәтдә, имкан дахилиндә һәр һәфтә, иштирак етмәси үчүн график гурмасына вә она риајәт етмәсинә көмәк етмәк ваҹибдир (Филип. 3:16). Онунла мүнтәзәм тәблиғ етмәјә вахт ајыр вә башга сә’јли тәблиғчиләрлә әмәкдашлыг етмәјә тәшвиг ет. Белә мәсиһчиләрин нүмунәләри вә онларла үнсијјәт јени тәблиғчијә евдән-евә даһа мәһарәтлә тәблиғ етмәјә вә хидмәтин бу нөвүндән севинҹ дујмаға көмәк едәҹәк.