Мүгәддәс Китабы өјрәнәнләрә руһән бөјүмәкдә көмәк едирик ХЫ һиссә.
Јени тәблиғчиләри тәкрар башчәкмәләр етмәјә өјрәдирик
1 Мүгәддәс Китабы өјрәнән кәс тәблиғчи олуб тәблиғ етмәјә башлајанда, мүтләг хош хәбәрә мараг ҝөстәрән инсанларла гаршылашаҹаг. Јени тәблиғчијә еффектли тәкрар башчәкмәләр етмәкдә вә ҝөстәрилән марағы инкишаф етдирмәкдә неҹә көмәк едә биләрик?
2 Тәкрар башчәкмә үчүн тәмәли илк сөһбәт заманы гојмаг лазымдыр. Јени тәблиғчини тәшвиг ет ки, инсанлара сәмими мараг ҝөстәрсин (Филип. 2:4). Она јаваш-јаваш инсанлары сөһбәтә ҹәлб етмәји, онларын сөјләдикләри фикирләри динләмәји вә онлары нараһат едән шејләрә диггәт јетирмәји өјрәт. Әҝәр кимсә мараг ҝөстәрирсә, јени тәблиғчидән лазыми гејдләр етмәсини хаһиш ет ки, сонра онунла бирликдә нөвбәти башчәкмәләрә һазырлаша биләсиниз.
3 Тәкрар башчәкмәјә һазырлыг. Јени тәблиғчијә инсанла илк дәфә нә һагда сөһбәт етдијинизи хатырламағы тәклиф ет вә Падшаһлыг һаггында олан хәбәрдән инсана нәјин мараглы олдуғуну неҹә мүәјјән етмәји изаһ ет (1 Кор. 9:19-23). Мүгәддәс Китабдан бир ајәни вә өјрәнмә кечирмәк үчүн олан нәшрдән мүнасиб бир абзасы әсас ҝөтүрәрәк бирликдә гыса тәгдимә һазырлајын. Ахырда нөвбәти башчәкмә үчүн тәмәл гојмаг мәгсәдилә һансы суала тохунаҹағыныз барәдә дүшүнмәји дә унутмајын. Јени тәблиғчијә һәр башчәкмә заманы инсана Аллаһын Кәламы һагда биликләрини артырмаг үчүн неҹә көмәк етмәји ҝөстәр.
4 Јахшы олар ки, јени тәблиғчијә садә ҝириш сөзләрини өјрәдәсән. Тәблиғчи, инсаны саламлајыб дејә биләр: «Бизим өтән дәфәки сөһбәтимиз мәним чох хошума ҝәлди вә мән сизә Мүгәддәс Китабда даһа нәләр һаггында бәһс едилдији барәдә данышмаға ҝәлмишәм [мөвзунун адыны чәк]». Бундан әлавә, гапыны башга адам ачарса, јени тәблиғчијә белә һалда сөһбәтин неҹә апарылмасыны да изаһ етмәк лазымдыр.
5 Ахырадәк сә’ј ҝөстәрин. Шаҝирди тәшвиг ет ки, мараг ҝөстәрән инсанлара ләнҝимәдән тәкрар баш чәксин. Чох вахт адамлары евләриндә тапмаг асан олмур вә бунун үчүн онларын јанына дәфәләрлә ҝәлмәк лазым ҝәлир. Һәмчинин јени тәблиғчијә тәкрар ҝөрүш һаггында инсанла неҹә даныша биләҹәјини изаһ ет вә бу шәртә әмәл етмәјин нә дәрәҹәдә ваҹиб олдуғуну анламасына көмәк ет (Мат. 5:37). Јени тәблиғчини хејирхаһлыг, мүлајимлик вә һөрмәт ҝөстәрәрәк, һәлим инсанлар ахтармаға вә онларда олан марағы инкишаф етдирмәјә тәшвиг ет (Тит. 3:2).