Хош хәбәри даһа чох инсанлара чатдырмаг имканлары
1. Илк мәсиһчиләр хош хәбәри нәјин сајәсиндә бир чох адамлара чатдыра билирдиләр?
1 Исанын илк давамчылары Падшаһлыг һаггында олан хәбәри сә’јлә бәјан едирдиләр. Онлар еффектив үсуллардан истифадә едәрәк хош хәбәри мүмкүн гәдәр даһа чох инсанлара чатдырырдылар. О дөврдә, Аллаһ тәрәфиндән илһамланмыш китаблар Рома империјасынын үмумхалг дилиндә — јунан дилиндә јазылмышдыр. Бундан башга, ерамызын ЫЫ вә ЫЫЫ әсрләринин сә’јли тәблиғчиләри тумарлардан да раһат олан кодексләрдән истифадә етмәјә башламышдылар.
2, 3. а) Јешаја 60:16 ајәсиндә дејиләнләр мүасир дөврүмүздә неҹә јеринә јетир? б) Техниканын истифадә едилмәси хош хәбәрин јајылмасына неҹә көмәк едир?
2 Техникадан истифадә. Јешаја пејғәмбәрин васитәсилә Јеһова әввәлҹәдән демишдир: «Милләтләрин сүдүнү әмәҹәксән» (Јешаја 60:16, КМ). Бу ҝүн бу пејғәмбәрлији јеринә јетирәрәк Јеһованын хидмәтчиләри тәблиғдә «милләтләрин» мүхтәлиф наилијјәтләриндән ҝениш сурәтдә истифадә едирләр. Мисал үчүн, 1914-ҹү илдә, сәсли кино бир о гәдәр ҝәлирли олмајан бир дөврдә Мүгәддәс Китаб Тәдгигатчылары «Јарадылыш фотодрамы»ны нүмајиш етдирирдиләр. Сәккизсаатлыг бу драмда филмдән башга, мусиги илә мүшајиәт олунан рәнҝли слајдлар ҝөстәрилирди. Бу драмын сајәсиндә милјонларла инсана әсаслы сурәтдә шәһадәт едилмишдир.
3 Бу ҝүн Мүгәддәс Китабы вә онун әсасында олан әдәбијјаты јүзләрлә дилдә нәшр етмәк үчүн Аллаһын хидмәтчиләри бөјүк сүр’әтлә ишләјән чап машынларындан вә компүтер технологијаларындан истифадә едирләр. Мүасир нәглијјат васитәләри Мүгәддәс Китаба әсасланан әдәбијјаты дүнјанын ән уҹгар јерләринә гәдәр чатдырыр. Бу әдәбијјаты 235 өлкәдә вә әразидә јашајан инсанлар охујур. Јеһова Өз мүгәддәс руһу илә хидмәтчиләрини јени технологијалардан истифадә етмәјә тәшвиг едир. Бунун сајәсиндә Мүгәддәс Китаб һәгигәтләри тарихдә ҝөрүнмәјән сајда инсанлара чатдырылмышды.
4. Хош хәбәри даһа чох инсанлара чатдырмаг үчүн бә’зиләри һәјатларында һансы дәјишикликләри едирләр?
4 Ҝөстәрилән сә’ј. Хош хәбәри даһа чох инсанлара чатдырмаг үчүн һәгиги Аллаһын хидмәтчиләри һәмчинин өз һәјатларында да мүәјјән дәјишикликләр етмәјә тәшвиг олунурлар. Тәблиғдә даһа чох иштирак етмәк үчүн, бир чохлары өз һәјат тәрзини садәләшдирир. Бә’зиләри Падшаһлығын тәблиғчиләри аз олан әразиләрә көчүрләр. Диҝәрләри исә хариҹи дил өјрәнәрәк өз хидмәтләрини ҝенишләндирирләр.
5, 6. Сизин әразиниздә даһа чох инсанлара тәблиғ етмәк үчүн нә етмәк олар?
5 Бундан әлавә, әҝәр инсанлар евдә олан заман вә онлары тапа биләҹәјимиз јердә тәблиғ етсәк, хош хәбәри даһа чох адам ешидә биләр. Әҝәр сәнин саһәндә ҝүнорта адамлары евдә тапмаг чәтиндирсә, графикиндә дәјишиклик едиб ахшам вахты тәблиғ едә биләрдинми? Јахынлыгда тәблиғ үчүн мүнасиб олан иҹтимаи јерләр вармы? Телефонла вә ја ишҝүзар әразидә шәһадәтлик етмәји тәҹрүбәдән кечирмисәнми? Гејри-рәсми сурәтдә тәблиғ етмәк фүрсәтини әлдән гачырмырсан ки?
6 Јеһованын бөјүк ады вә Онун Падшаһлығы һаггында бәјан етмәк неҹә дә бөјүк шәрәфдир! Ҝәлин бундан сонра да мүмкүн гәдәр чох инсанлара тәблиғ едәрәк, онларла Аллаһын Кәламындан олан гијмәтли һәгигәтләрлә бөлүшәк! (Матт. 28:19, 20).