Сәмәрәли кампанија

Вилајәт конгресләри башламамышдан үч һәфтә әввәл јығынҹаглар кампанијада иштирак едәрәк марагланан инсанлары конгресә дәвәт едәҹәкләр. Һәр ил кечирилән бу кампанијада иштирак етмәк олдугҹа ваҹибдир. Адәтән, дәвәти гәбул едиб конгресә ҝәләнләрә Мүгәддәс Китаба әсасланан мәрузәләр, көнүллүләрдән ибарәт јахшы тәшкил олунмуш шөбәләр, нүмунәви давранышымыз вә бирлијимиз ҝүҹлү тәсир бағышлајыр (Мәз. 110:3; 133:1; Јешаја 65:13, 14). Бәс бу кампанија мараглананларын узун јол гәт етмәли олдуглары әразиләрдә дә сәмәрәли олаҹагмы?

2011-ҹи илин вилајәт конгресиндән сонра филиаллардан биринә гапысынын ағзында дәвәтнамә тапмыш бир гадындан мәктуб ҝәлмишди. Һәр дәфә Јеһованын Шаһидләри онун гапысыны дөјәндә бу гадын ҝизләнирмиш. О, филиала мәктубунда белә сөзләр јазыб: «Хошбәхтлик үчүн һәр шејим — ҝөзәл евим, һәјат јолдашым олдуғу һалда, јенә дә өзүмү хошбәхт һисс етмирдим вә һәјатымын мәнасы олмадығыны дүшүнүрдүм. Бу сәбәбдән конгресин шәнбә ҝүнү кечирилән програмында иштирак етмәк гәрарына ҝәлдим вә 320 километр мәсафә гәт етдим». Конгрес гадынын гәдәр үрәјинҹә олмушду ки, о, әринә зәнҝ едиб базар ҝүнүнүн програмында да иштирак етмәк үчүн ҝеҹәни орада галаҹағыны билдирмишди. «Мән бүтүн мәрузәләрә гулаг асдым, бир чох Јеһованын Шаһиди илә таныш олдум вә гәрара ҝәлдим ки, бүтүн бунларын һеч вахт битмәсини истәмирәм». Евә гајыдандан сонра о, Мүгәддәс Китабы өјрәнмәјә башлады, дөрд ајдан сонра исә вәфтиз олунмамыш тәблиғчи олду. «Һәмин дәвәтнамәни гапымын ағзында тапдығым үчүн чох хошбәхтәм, чүнки инди һәјатын әсил мәнасыны тапмышам!»

Бу дәвәтнамәни аланлардан мүтләг конгресә ҝәләнләр олаҹаг. Буна ҝөрә дә бу ваҹиб кампанијада ҹанла-башла иштирак ет. Артыг галан дәвәтнамәләри өзүнлә конгресин кечирилдији шәһәрә апар вә гејри-рәсми шаһидлик верәркән онлардан истифадә ет.