Хидмәтдә пүхтәләшәк. Шаҝирдә јахшы арашдырма апармағы өјрәт
Нә үчүн ваҹибдир? Руһани ҹәһәтдән јеткинләшмәк үчүн шаҝирдә өз ағлыны вә үрәјини Мүгәддәс Китабын әсас тәлимләри илә гидаландырмаг кифајәт етмир (Ибр. 5:12—6:1). Арашдырма чохлу ҝүҹ тәләб едир. Арашдырмаг о демәкдир ки, биз јени мәлуматы артыг билдијимиз мәлуматла әлагәләндиририк вә онун фајдасыны анлајырыг (Мәс. 2:1—6). Шаҝирд арашдырма апармағы өјрәнәндә нәшрләримиз васитәсилә Мүгәддәс Китаб суалларына ҹаваб тапаҹаг. Өјрәндикләрини әзмлә тәтбиг етмәјә башлајанда исә мәсиһи һәјатында үзләшдији сынаглара синә ҝәрә биләҹәк (Лука 6:47, 48).
Бу ај әрзиндә буну етмәјә чалыш:
Јарымбашлығын вә ја фәслин сонунда шаҝирддән бир-ики ҹүмлә илә өјрәндикләринин гыса иҹмалыны етмәји хаһиш ет. Әҝәр һеч кимә дәрс кечмирсәнсә, онда өзүн бир нечә ҹүмлә илә Мүгәддәс Китабдан охудуғун парчанын вә ја «Ҝөзәтчи гүлләси» журналындан охудуғун абзасын иҹмалыны сөјлә. Беләликлә, гаврама габилијјәтин јахшылашаҹаг.