«Мәсиһи һәјаты вә ибадәти. Иш дәфтәри» үчүн мәнбәләр
ИЈУЛ
*** w11-Е 1/6 с. 19 ***
Пәришан инсанлар тәсәлли тапыр
Аллаһа јахынлашын
«Јеһова мәним кими инсаны һеч вахт севмәз». Бу, узун илләр депресијадан әзијјәт чәкән бир баҹынын сөзләридир. О өзүнү индандырмышды ки, Јеһова ондан узагдыр, онунла марагланмыр. Доғруданмы, Јеһова кәдәрли, әзҝин хидмәтчиләриндән узагдыр? Давуд пејғәмбәрин Зәбур 34:18 ајәсиндә јазылмыш сөзләри бу ҹүр инсанлара тәсәлли верә биләр.
Давуд әзаб-әзијјәтин, чәтинликләрин Аллаһын хидмәтчисинә неҹә тәсир етдијини јахшы билирди. Ҹаванлығында о, гачаг һәјаты јашамышды. Талут падшаһ пахыллығындан дурмадан ону тәгиб едир, ону өлдүрмәк истәјирди. Давуд исраиллиләрин дүшмәни олан филиштлиләрин Ҹат шәһәриндә ҝизләнир, дүшүнүр ки, Талут ону бурада ахтармаз. Амма оранын ҹамаат Давуду таныјыр, онда о, өзүнү дәлилијә вуруб ҹаныны өлүмдән гуртарыр. О бу хиласын Јеһовадан олдуғуну сөјләмишди вә бунун шәрәфинә 34-ҹү мәзмуру јазмышды.
Бәс Давуд неҹә, о дамы дүшүнүрдү ки, Аллаһ чәтинлиләр уҹбатындан кәдәрә гәрг олан, өзүнү лазымсыз һисс едән хидмәтчиләриндән узагдыр? Давуд јазмышды: «Јеһова гәлбисыныглара јахындыр, пәришан инсанлары азад едир» (18-ҹи ајә) Ҝәлин ҝөрәк бу ајәдә тәсәллини вә үмид верән һансы фикирләр тапа биләрик.
«Јеһова... јахындыр». Бир елми әсәрдә дејилир ки, бу сөзләр «Рәббин ҝөзүнүн һәмишә Өз халгынын үстүндә олдуғуну, һәмишә көмәјә чатмаға вә хилас етмәјә һазыр олдуғуну» бәдии шәкилдә ифадә едир. Аллаһын нәзәринин һәмишә үстүмүздә олдуғуну билмәк инсана раһатлыг ҝәтирир. Бу «сон дәрәҹә чәтин бир вахт»да нәләр јашадығымыз вә һансы һиссләри кечирдијимиз Она аҝаһдыр (2 Тимутијә 3:1; Һәвариләрин ишләри 17:27).
«Гәлбисыныглара јахындыр». Бир алимин сөзләринә ҝөрә бәзи дилләрдә «гәлбисыныг» сөзү «гаршылыгсыз мәһәббәт»лә бағлы ишләнир. Амма мәзмурчу «кәдәрлә вә дәрдлә бағлы олан бу сөзү даһа ҝениш мәнада ишләтмишди». Бәли, јашадыглары ағры-аҹы уҹбатындан һәрдән Аллаһын садиг хидмәтчиләринин дә, неҹә дејәрләр, гәлби сына биләр.
«Пәришан инсанлары...» Һәрдән инсан о дәрәҹәдә руһдан дүшүр ки, һеч нәјә јарамадығыны дүшүнүр вә һәр шејдән үмидини үзүр. Мүгәддәс Китаб Тәрҹүмәчиләри үчүн нәзәрдә тутулан бир китабда гејд олунур ки, «пәришан» сөзүнү «ҝәләҹәјә бүтүн үмидини итирән инсан» кими дә тәрҹүмә етмәк олар.
Јеһова гәлбисыныг вә пәришан инсанлара неҹә јанашыр? Доғруданмы, онларын Онун мәһәббәтинә вә диггәтинә лајиг олмадыгларыны дүшүнүб онлардан узаг дурур? Әсла! Јеһова ағлајан ушағыны бағрына басыб сакитләшдирән валидејн кими, Ондан имдад диләјән хидмәтчиләринин јанындадыр. О, гәлбисыныз вә пәришан хидмәтчиләринә тәсәлли вермәјә һәмишә һазырдыр. Онлара үзләшдикләри һәр бир чәтинлији ашмаг үчүн һикмәт вә ҝүҹ вермәјә гадирдир (2 Коринфлиләрә 4:7; Јагуб 1:5).
Одур ки, ҝәлин шәфгәтли Аллаһымыза јахынлашаг. О дејир: «Мәним мәскәним... мәзлум, фағыр адамларын арасындадыр ки, фағырын руһуну дирчәлдим, зүлм чәкәнләрин гәлбини дирилдим» (Әшија 57:15).
*** w91-Е 1/10 с. 14 абз. 6 ***
Јеһованын әбәди голларына сығынын
Диггәтҹил инсан көмәјә еһитијаҹы олана әл узадыр. «Дар ҝүн» дејәндә инсаны тагәтдән салан бәдбәхт һадисә, јахуд узун мүддәт сүрән чәтинлик дә нәзәрдә тутула биләр. Хәстә дүшүб ҝүҹү түкәнәндә о, әминдир ки, Јеһова ону горујаҹаг вә башгалары Јеһованын она ҝөстәрдији мәрһәмәт барәдә ҹар чәкәрәк «бәхтәвәр дејәрләр ҹаһанда она». Давуд «јатаға дүшәндә» Јеһова она дајаг олмушду, ҝөрүнүр, бу, Абсалам атасынын тахтыны әлә кечирмәк истәјән вахт баш вермишди (2 Ишмуил 15:1—6).
*** w93-E 15/3 с. 10, 11, абз. 9—13 ***
Јеһованын мәрһәмәти — үмид гапысы
9 Давудла Бадсәба төрәтдикләри ҝүнаһа ҝөрә Јеһованын гаршысында мәсулијјәт дашыјырдылар. Әслиндә, бу ҝүнаһын әвәзиндә онлар өлмәли идиләр, амма Јеһова онлара мәһрәмәт ҝөстәрди. Аллаһ хүсусилә Давуда мәрһәмәт ҝөстәрмишди, чүнки онунла Падшаһлыг әһди бағламышды (2 Ишмуил 7:11—16). Давудун Бадсәба илә еләдији ҝүнаһа ҝөрә пешман олдуғу 51-ҹи Мәзмурда тәсвир олунур. Бу тәсирли Мәзмуру Давуд Натан пејғәмбәр онунла данышандан сонра јазмышды. Пејғәмбәр Давудун Аллаһа гаршы нә дәрәҹәдә ағыр ҝүнаһ ишләдијини ҝөстәриб онун виҹданына тәсир етмишди. Пејғәмбәрә онун ҝүнаһыны ифша етмәк үчүн ҹәсарәт лазым иди. Бу ҝүн ағсаггаллара да охшар вәзијјәтләрдә ҹәсарәт лазымдыр. Давуд һәр шеји инкар едә, һәтта Натаны едам етдирә биләрди, амма о, сәссиз-сәмирсиз ҝүнаһыны бојнуна алды (2 Ишмуил 12:1—14). 51-ҹи Мәзмурда Давудун өз чиркин әмәлләри барәдә дуада дедији сөзләр јазылыб. Дуа едәрәк бу Мәзмурдакы сөзләрин үзәриндә дүшүнмәк фајдалы оларды, хүсусән дә, ҝүнаһ едиб Аллаһдан мәрһәмәт уманлар үчүн.
Аллаһын гаршысында мәсулијјәт дашыјырыг
10 Давуд өзүнә бәраәт газандырмады. О, Аллаһа јалварыб деди: «Мәһәббәтинлә мәнә рәһм ет, Пәрвәрдиҝара, бөјүк мәрһәмәтинлә ҝүнаһларымы сил» (Зәбур 51:1). Давуд ҝүнаһ едиб Аллаһын ганунуну позмушду. Аллаһ мәһәббәтдән ирәли ҝәләрәк Давуда лүтф етсәјди, о руһани ҹәһәтдән дирчәлә биләрди. Давуд Јеһованын кечмишдә дәфәләрлә мәрһәмәт ҝөстәрдијини билирди вә бу она үмид верирди ки, Јараданы онун ҝүнаһларыны бағышлајаҹаг.
11 Кәффарә ҝүнү ҝәтирилән гурбанлар ҝәләҹәјә ишарә иди. Јеһова онларын васитәсилә ҝөстәрирди ки, Онун әлиндә төвбә едәнләрин ҝүһаһларыны јумаг үчүн әсас вар. Бу ҝүн биз билирик ки, Аллаһын мәрһәмәтини вә әфвини дадмаг үчүн Иса Мәсиһин гурбанлығына иман етмәлијик. Давуд бу гурбанлығын садәҹә тимсалыны вә көлҝәсини нәзәриндә сахлајараг Аллаһдан мәһәббәт вә мәрһәмәт ҝөзләјирди, Аллаһын мүасир хидмәтчиләринин исә онларын хиласы үчүн верилән бу гурбанлыға иманы даһа ҝүҹлү олмалыдыр (Ромалылара 5:8; Ибраниләрә 10:1).
12 Давуд Јеһоваја јалваранда һәмчинин демишди: «Мәни тәгсиримдән тәмизлә, ҝүнаһымдан пак ет. Тәгсирләрими јахшы билирәм, ҝүнаһым ҝөзүмүн өнүндә дуруб» (Зәбур 51:2, 3). Ҝүнаһ ишләмәк Јеһованын ганунларына әмәл етмәк мәсәләсиндә һәдәфә дүшмәмәк демәкдир. Давуд да бу уғурсузлуғу дадмышды. Лакин Давуд садәҹә ҹаныны ҹәзадан гуртармаг истәјән вә ја хәстәлијә тутулмагдан горхан, ҝүнаһынын ағырлығыны дәрк етмәјән гатилләр вә зинакарлар кими дејилди. О, Јеһованы севдији үчүн «пилслијә нифрәт» едирди (Зәбур 97:10). О төрәтдији ҝүнаһдан икраһ едирди вә Јеһованын ону бу ҝүнаһдана тамамилә тәмизләмәјини истәјирди. О, ҝүнаһыны дәрк едирди вә ҝүнаһлы арзуларына ујдуғу үчүн чох пешман иди. Ҝүнаһы онун ҝөзүнүн өнүндә иди, чүнки инсан төвбә едиб ҝүнаһыны бојнуна алмајынҹа вә Јеһовадан мәрһәмәт ҝөрмәјинҹә виҹданы сакитләшмир.
13 Јеһованын гаршысында мәсулијјәт дашыдығыны билдији үчүн Давуд јазмышды: «Сәнә, Сәнә гаршы ҝүнаһ етдим, ҝөзүндә пис олан иши тутдум, одур ки, сөзләрин һагг, һөкмүн адилдир» (Зәбур 51:4). Давуд Аллаһын ганунларыны позмуш, падшаһ шәрәфини ләкәләмиш вә «Јеһоваја гаршы бөјүк һөрмәтсизлик» етмишди (2 Ишмуил 12:14; Чыхыш 20:13, 14, 17). Давуд һәмчинин Исраил иҹмасына вә аиләсинә гаршы ҝүнаһ етмишди. Бу ҝүн дә мәсиһи ҝүнаһ едәндә һәм јығынҹаг үзвләринә, һәм дә јахынларына кәдәр вә дәрд чәкдирир. Төвбәкар падшаһ Урјаја вә диҝәр јахынларына гаршы ҝүнаһ етдији баша дүшүрдү, амма о дәрк едирди ки, ән бөјүк ҝүнаһы Аллаһа гаршы ишләјиб. (Јарадылыш 39:7—9 ајәләри илә мүгајисә един.) Давуд әмин иди ки, Јеһова әдаләтли һөкм чыхараҹаг (Ромалылара 3:4). Ҝүнаһ ишләјән мәсиһиләр дә дүшүнҹәјә саһиб олмалыдырлар.
*** w93-Е 15/3 с. 12—13 абз. 18—20 ***
Јеһованын мәрһәмәти — үмид гапысы
18 Нә вахтса виҹдан әзабы чәкән мәсиһиләр Давудун Јеһоваја дедији нөвбәти сөзләри јахшы баша дүшәрләр: «Мәнә шәнлик, шадлыг сәдалары ешитдир ки, әзиб гырдығын сүмүкләр шәфа тапсын» (Зәбур 51:8). Давуд төвбә етмәмишдән вә ҝүнаһыны бојнуна алмамышдан әввәл ләкәли виҹданы ону пәришан һала салмышды. Пешәкар мүғәнниләрин вә мусигичиләрин ифа етдији шәнлик, шадлыг нәғмәләри белә, она севинҹ ҝәтирмирди. Аллаһын ризасыны итирмиш Давуд төрәктији ҝүнаһа ҝөрә о дәрәҹәдә әзаб чәкирди ки, өзүнү сүмүјү әзилиб гырылмыш инсан кими һисс едирди. О, мәрһәмәт ахтарырды, руһани ҹәһәтдән дирчәлмәк вә әввәлки севинҹи дадмағы арзулајырды. Бу ҝүн дә төвбә етмиш инсан Аллаһ тәрәфиндән әфв олунмајынҹа Онунла мүнасибәтини позан һәрәкәти төрәтмәздән әввәл дујдуғу севинди дада билмәз. Һәмин инсан јенидән «мүгәддәс руһун һасил етдији севинҹи» дујурса, бу Аллаһын ону бағышладығына вә севдијинә ишарәдир (1 Салоникилиләрә 1:6). Онун үчүн бундан ҝөзәл тәсәлли ола билмәз!
19 Сонра Давуд дуасында демишди: «Ҝүнаһларымдан үзүнү јан чевир, тәгсирләримин һамысыны сил» (Зәбур 51:9). Тәбии ки, Јеһова ҝүнаһа илтифатла бахмазды. Буна ҝөрә дә Давуд Аллаһдан хаһиш едирди ки, үзүнү онун ҝүнаһларындан јан чевирсин. Давуд падшаһ һәмчинин Аллаһа јалварыб тәгсирләрини силмәји, шәр әмәлләрини јох етмәји хаһиш едирди. Һәмин ан бу, Давудун һәјатда ән чох истәдији шеј иди. Онда Давудун руһу дирчәләр, нараһат виҹданы сакитләшәрди вә төвбәкар падшаһ әмин оларды ки, меһрибан Аллаһ ону бағышлајыб.
20 51-ҹи Мәзму ҝөстәрир ки, ҹидди ҝүнаһ едән Јеһованын һәсролунмуш хидмәтчиси төвбә едәрсә, әминликлә Јеһовадан она лүтф ҝөстәриб ҝүнаһларыны јумасыны диләјә биләр. Әҝәр сән дә белә вәзијјәтдәсәнсә, јахшы оларды ки, сәмави Атамыза дуа едәрәк ондан әфв диләјәсән. Аллаһын разылығыны газанмаг вә әввәлләр дујдуғун севинҹә говушмаг үчүн Онун көмәјинә мөһтаҹ олдуғуну етираф ет. Төвбә едән мәсиһиләр Јеһоваја бу ҹүр диләкләрлә дуа едә биләр, чүнки О, ҹомәрдликлә әфв едир (Әшија 55:7; Зәбур 103:10—14). Сөзсүз ки, руһани ҹәһәтдән көмәк алмаг үчүн ағсаггаллара да мүраҹиәт етмәк лазымдыр (Јагуб 5:13—15).
*** w93-Е 15/3 с. 14—17 ***
Јеһова пешман үрәји рәдд етмир
«Тәмиз үрәк» лазымдыр
4 Әҝәр өзүнү Аллаһа һәср етмиш мәсиһинин ҝүнаһ ишләдијинә ҝөрә руһани вәзијјәти писдирсә, о, Јеһованын мәрһәмәтиндән вә әфвиндән савајы нәјә еһтијаҹ дујур? Давуд пејғәмбәр Аллаһа јалварараг демишди: «Мәндә тәмиз үрәк јарат, ичимә тәзә, мәтин бир руһ гој» (Зәбур 51:10). Ҝөрүнүр Давуд пејғәмбәр баша дүшүрдү ки, үрәјиндә һәлә дә ағыр ҝүнаһ ишләмәјә мејли вар, она ҝөрә бу сөзләри демишди. Бәлкә дә биз, Давуд пејғәмбәрин Бадсәба вә Урјајла бағлы етдији ҝүнаһлар кими ҝүнаһлара јол вермәмишик, бунунла белә, ҹидди ҝүнаһ етмәк нәфсини боғмаг үчүн Јеһованын көмәјинә еһтијаҹымыз вар. Һәмчинин оғурлуг вә гатиллик кими ҹидди ҝүнаһлара бәрабәр олан тамаһкарлыг вә нифрәт һиссләрини үрәјимиздән гопарыб атмаг үчүн шәхсән Аллаһын көмәјинә еһтијаҹымыз ола биләр (Колослулара 3:5, 6; 1 Јәһја 3:15).
5 Јеһова Аллаһ истәјир ки, Онун хидмәтчиләриндә «тәмиз үрәк», јәни тәмиз нијјәт вә тәмиз дүшүнҹә олсун. Давуд пејғәмбәр баша дүшүрдү ки, онун үрәји тәмиз дејил. Буна ҝөрә дә Аллаһдан тәмиз, Онун гојдуғу ганун вә принсипләрә ујғун олан үрәк истәјирди. О һәмчинин «тәзә, мәтин бир руһ» вә ја тәзә дүшүнҹә тәрзи истәјирди. Бу руһ она нәфсинә галиб ҝәлиб Јеһова Аллаһын ганунларына бағлы галмаға көмәк едәҹәкди.
Мүгәддәс руһ ваҹибдир
6 Етдијимиз сәһвләрә вә ја ҝүнаһа ҝөрә үзүлүрүксә, елә дүшүнә биләрик ки, Аллаһ биздән үз дөндәриб вә Өз мүгәддәс руһуну, јәни фәал гүввәсини үзәримиздән ҝөтүрүб. Давуд пејғәмбәр белә һиссләр кечирирди, буна ҝөрә дә Јеһоваја јалварырды: «Мәни һүзурундан рәдд етмә, нә олар, мүгәддәс руһуну мәндән алма» (Зәбур 51:11). Төвбә едән вә тәвазөкар олан Давуд пејғәмбәр дүшүнүрдү ки, ҝүнаһларына ҝөрә Јеһоваја гулуг етмәјә лајиг дејил. Аллаһын һүзурундан рәдд едилмәк Онун лүтфүндән, вердији тәсәллидән вә немәтләриндән мәһрум олмаг демәкдир. Руһани ҹәһәтдән дирчәлмәк үчүн Давуд пејғәмбәрин Јеһованын мүгәддәс руһуна еһтијаҹы вар иди.
Мүгәддәс руһ Давуд пејғәмбәрин үзәриндә олдуғу мүддәтдә о, Јеһованы разы салмаг үчүн дуада Ондан рәһбәрлик истәјә, ҝүнаһдан узаг дура вә падшаһлығы һикмәтлә идарә едә биләрди. Мүгәддәс руһу верән Јеһова Аллаһа гаршы ҝүнаһ ишләдијини баша дүшдүјү үчүн Давуд дуа едирди ки, Аллаһ мүгәддәс руһуну ондан алмасын.
7 Бизим һаггымызда нә демәк олар? Биз мүгәддәс руһ алмаг барәдә дуа етмәли вә ону кәдәрләндирмәмәк үчүн ҝөстәрдији рәһбәрлијә ујғун јашамалыјыг (Лука 11:13; Ефеслиләрә 4:30). Әкс тәгдирдә, Аллаһ мүгәддәс руһуну үзәримиздән ҝөтүрәр вә биз руһун бәһрәси олан мәһәббәт, севинҹ, сүлһ, сәбир, хејирхаһлыг, јахшылыг, иман, мүлајимлик, өзүнә һаким олмаг кими хүсусијјәтләри тәзаһүр едә билмәрик. Хүсусилә дә, төвбә етмәјиб ҝүнаһ ишләмәјә давам едәриксә, Јеһова мүгәддәс руһу биздән ҝөтүрәҹәк.
Гуртулуш севинҹи
8 Ҝүнаһындан төвбә едән вә руһани ҹәһәтдән дирчәлән инсан Јеһованын хилас тәдбириндән јенидән севинҹ дуја биләр. Бунун һәсрәтиндә олан Давуд пејғәмбәр Аллаһа јалварараг демишди: «Сәндән ҝәлән гуртулуш севинҹини гој јенә дадым, Сәнә итаәт етмәјә һәвәс ојат ичимдә» (Зәбур 51:12). Јеһова Аллаһын вердији гуртулуш үмидинә севинмәк мөһтәшәм иди! (Зәбур 3:8). Давуд пејғәмбәр Аллаһа гаршы ҝүнаһ ишләјәндән сонра Јеһованын вердији гуртулуш севинҹини дадмаг истәјирди. Әсрләр сонра Јеһова Иса Мәсиһин фидјә гурбанлығы васитәсилә хиласа јол ачды. Ҹидди ҝүнаһ ишләјән Аллаһын һәср олунмуш хидмәтчиси гуртулуш севинҹини јенидән дадмаг истәјирсә, төвбә етмәлидир ки, мүгәддәс руһа гаршы ҝүнаһ ишләмәсин (Мәтта 12:31, 32; Ибраниләрә 6:4—6).
9 Давуд пејғәмбәр Аллаһдан диләмишди ки, Она итаәт етмәјә ичиндә һәвәс ојатсын. Бурада Давудун әглән һәрәкәтә тәшвиг олунмасындан сөһбәт ҝедир. Давуд истәјирди ки, Јеһова она Онун бәјәндији кими давранмаға вә бир даһа ҝүнаһ етмәмәјә көмәк етсин. Јеһова хидмәтчиләрини һәмишә дәстәкләјир вә мүхтәлиф сынаглар үзүндән гәдди әјиләнләри ајаға галдырыр (Зәбур 145:14). Буну билмәк инсана тәсәлли верир. Хүсусилә дә, ҝүнаһ ишләјәндән сонра төвбә едиб Јеһоваја әбәдијјән сәдагәтлә хидмәт етмәк истәјәнләрә.
Гануну позанлара нә өјрәтмәк олар?
10 Аллаһ изин верәрдисә, Давуд пејғәмбәр Онун мәрһәмәтини гијмәтләндирдијини ҝөстәрән вә башгаларына хејир ҝәтирәҹәк бир иш ҝөрмәк истәјирди. Төвбә етмиш Давуд пејғәмбәр үрәјини Јеһоваја бошалдараг демишди: «Ганунуну позанлара сәнин јолларыны өјрәдәҹәјәм ки, ҝүнаһкарлар сәнә сары дөнсүн» (Зәбур 51:13). Ҝүнаһ етмиш Давуд пејғәмбәр гануну позанлара Аллаһын ганунуну неҹә өјрәдә биләрди? Онларла нә барәдә даныша биләрди? Бу, һансы хејри ҝәтирәҹәкди?
11 Давуд пејғәмбәр гануну позан исраиллиләри пис јолларындан дөндәрмәк мәгсәди илә онлара Јеһованын јолларыны өјрәдәркән ҝүнаһ етмәјин нә дәрәҹәдә пис бир шеј олдуғуну, төвбә етмәјин нә демәк олдуғуну вә Аллаһын әфвинә наил олмағын јолларыны вурғулаја биләрди. Јеһованын ондан наразы олдуғуна ҝөрә вә ләкәли виҹданы уҹбатындан әзаб чәкән Давуд пејғәмбәр, шүбһәсиз, ҝүнаһларындан төвбә едән вә гәлби гырыг оланлара шәфгәтли нәсиһәтчи олаҹагды. Әлбәттә ки, о өзү Аллаһын ганунларына әмәл етмәли вә Аллаһын лүтфүнә саһиб олмалы иди. Јалныз бундан сонра о өз нүмунәсини чәкиб башгаларына өјүд-нәсиһәт верә биләрди. Чүнки Аллаһын ганунларына әмәл етмәк истәмәјәнләрин Онун гајда-ганунундан данышмаға һаглары јохдур (Зәбур 50:16, 17).
12 Давуд нијјәтини башга сөзләрлә ифадә едәрәк демишди: «Еј Аллаһ, еј ниҹатымын Аллаһы, мәни ган ҝүнаһындан азад ет, гој дилим Сәнин әдаләтини шөвглә бәјан етсин» (Зәбур 51:14) Инсан ганы төкәнләри өлүм ҹәзасы ҝөзләјирди (Јарадылыш 9:5, 6). Буна ҝөрә дә Урјајла бағлы мәсәләдә Јеһованын Давуду ган ҝүнаһындан азад етдијини билмәк онун зеһнини вә үрәјини сакитләшдирәҹәкди. Онда Давудун дили өзүнүн јох, Аллаһын әдаләтини шөвглә бәјан едәҹәкди (Ваиз 7:20; Ромалылар 3:10). Бу ҝүн һеч ким намусуну ләкәләдији инсанын тәмиз адыны гајтара вә өлдүрдүјү инсаны дирилдә билмәдији кими, Давуд пејғәмбәр дә нә етдији әхлагсызлығы силә, нә дә Урјајы һәјата гајтара биләрди. Нәфс бизи јолдан чыхаранда бунлары ҝөзә алмаг лазымдыр. Һәмчинин Јеһованын бизә ҝөстәрдији мәрһәмәтә ҝөрә миннәтдар олмалыјыг! Бу миннәтдарлыг һисси бизи башгаларыны әдаләтин вә мәрһәмәтин Мәнбәји олан Јеһоваја јөнәлтмәјә тәшвиг етмәлидир.
13 Мәрһәмәтли Јеһова Онун һәгигәтләрини сөјләмәк үчүн инсанын додагларыны ачмаса, һеч бир ҝүнаһкар лајигли тәрздә Аллаһы уҹалда билмәз. Буна ҝөрә дә Давуд пејғәмбәр дејирди: «Јеһова, нә олар, додагларымы ач, дилим Сәнә тәрифләр сөјләсин» (Зәбур 51:15). Јеһова Аллаһын әфвиндән сонра виҹданы раһатлашан Давуд пејғәмбәр гануну позанлара Аллаһын јолларыны өјрәдә вә Ону уҹалда биләҹәкди. Давуд пејғәмбәр кими ҝүнаһы әфв олунан һәр кәс Јеһова Аллаһын лүтфүнә ҝөрә миннәтдар олмалыдыр; һәр фүрсәтдән истифадә едәрәк Аллаһын һәгигәтини бәјан едиб Она тәрифләр сөјләмәлидир (Зәбур 43:3).
Аллаһа мәгбул гурбанлар
14 Дәрин һикмәтә саһиб олмуш Давуд пејғәмбәр нөвбәти сөзләри демишди: «Сән гурбан истәмирсән, јохса ҝәтирәрдим, јандырма гурбанларындан хошһал олмурсан» (Зәбур 51:16). Ганун әһдинә әсасән, Аллаһа һејван гурбанлары тәгдим олунмалы иди. Лакин Давудун етдији әхлагсызлығын вә гатиллијин ҹәзасы өлүм олдуғу үчүн бу ҹүр гурбанлар онун ҝүнаһыны јуја билмәзди. Әкс тәгдирдә, о, Јеһоваја һејван гурбаны кәсмәк үчүн һеч нәјини әсирҝәмәзди. Инсан үрәкдән төвбә етмәсә, ҝәтирдији гурбанлар һеч бир мәна дашымыр. Буна ҝөрә дә әҝәр дүшүнүрүксә ки, етдијимиз ҝүнаһлары јахшы ишләримизлә өрт-басдыр едә биләрик, өзүмүзү алдадырыг.
15 Давуд пејғәмбәр сөзүнә давам едир: «Пешман руһдур Аллаһа мәгбул гурбан. Чилик-чилик олмуш, пешман үрәји рәдд етмәзсән, еј Аллаһ» (Зәбур 51:17). Аллаһын төвбә етмиш инсандан гәбул етдији гурбанлыг пешман руһдур. Белә инсанда дүшмән әһвал-руһијјә јохдур. Пешман олмуш инсан ҝүнаһа ҝөрә кәдәрә гәрг олур, Јеһованын ондан наразы олдуғуну билдији үчүн өзүнү алчалдыр вә Аллаһын разылығыны јенидән газанмаг үчүн әлиндән ҝәләни едир. Ҝүнаһларымыздан төвбә етмәриксә вә Јеһоваја там сәдагәт ҝөстәрмәриксә, Онун үчүн етдикләримизин һеч бир дәјәри олмајаҹаг (Наһум 1:2).
16 Аллаһ чилик-чилик олмуш, пешман үрәк кими гурбанлары рәдд етмир. Буна ҝөрә дә Аллаһын халгынын бир үзвү кими һансы чәтинликлә үзләшириксә үзләшәк, ҝәлин руһдан дүшмәјәк. Әҝәр һәјат јолунда сәндәләмишиксә вә үрәјимиз Аллаһын мәрһәмәти үчүн налә едирсә, вәзијјәт үмидсиз дејил. Һәтта ҹидди ҝүнаһ ишләсәк белә, төвбә едириксә, әмин ола биләрик ки, Јеһова Аллаһ пешман үрәји рәдд етмәјәҹәк. Аллаһ Иса Мәсиһин фидјә гурбанлығы әсасында ҝүнаһымызы бағышлајаҹаг вә бизә јенидән лүтф ҝөстәрәҹәк (Әшија 57:15; Ибраниләрә 4:16; 1 Јәһја 2:1). Амма биз тәнбеһдән вә ја ҹәзадан гачмаг үчүн јох, Давуд пејғәмбәр кими, Аллаһын лүтфүнү јенидән газанмаг үчүн дуа етмәлијик. Аллаһ Давуд пејғәмбәри бағышлады, амма ҹәзасыз да гојмады (2 Ишмуил 12:11—14).
*** w96-Е 1/4 с. 27 ***
Гајғы јүкүнүзү Аллаһа верин
2 Елә вахтлар олурду ки, Давуд пејғәмбәр тәзјигләрә дөзә билмирди. 55-ҹи мәзмура әсасән, о, дүшмәнләринин әдавәтиндән вә һәдәләриндән пәришан олмушду. Давуд пејғәмбәрин үрәји ағрыдан сызлајырды, горху ону ағушуна алмышды. Аһ-зар етмәкдән башга әлиндән бир шеј ҝәлмирди (Зәбур 55:2, 5, 17). Бүтүн бунлара бахмајараг, о бу вәзијјәтдән чыхыш јолу тапды: көмәк үчүн Аллаһа үз тутду. Давуд пејғәмбәр онун кими әзаб чәкәнләрә нөвбәти мәсләһәти вермишди: «Гајғы јүкүнү Јеһоваја вер» (Зәбур 55:22).
*** w96-Е 1/4 с. 30 ***
Һәмишә гајғы јүкүнү Јеһоваја вер
1 Бу, бизә Давудун 55-ҹи мәзмурда јаздыгларыны хатырладыр. О, чох ҝүҹлү нараһатлыг кечирирди. Давуд јазмышды: «Көксүмдә үрәјим ағрыдан сызылдајыр, өлүм дәһшәти чөкүб үстүмә» (Зәбур 55:4). Она әзијјәт верән нә иди? Оғлу Абсалам һакимијјәти атасы Давудун әлиндән алмаг үчүн план гурмушду (2 Ишмуил 15:1—6). Өз оғлунун хәјанәт етдијини билмәк чох ағыр иди. Ән писи исә о иди ки, ән чох етибар етдији мәсләһәтчиси Әхтуфил дә Давудун дүшмәнләринә гошулмушду. Зәбур 55:12—14 ајәләриндә Давуд мәһз Әхтуфилдән данышыр. Она гаршы планлар гурулдуғу вә хәјанәтә уғрадығы үчүн Давуд Јерусәлимдән гачмалы олду (2 Ишмуил 15:13, 14). Бу, она неҹә дә бөјүк ағры ҝәтирмишди!
*** w99-Е 15/3 с. 22, 23 ***
Гојма нараһатчылыглар сәни әлдән салсын
Муса бир чох шејдән еһтијат едирди. О, Јеһовадан сорушмушду: «Туталым, исраиллиләрин јанына ҝетдим вә онлара: “Мәни сизин јаныныза ата-бабаларынызын Аллаһы ҝөндәриб”, — дедим. Бәс онлар “Онун ады нәдир?” сорушсалар, онда нә ҹаваб верим?» Јеһова она ҹаваб верди (Чыхыш 3:13, 14). Муса һәмчинин нараһат иди ки, бирдән фирон она инанмаса, онда неҹә олаҹаг? Јеһова пејғәмбәрин суалыны јенә ҹавабсыз гојмады. Һәлә бир проблем дә вар иди. Муса деди ки, о, «јахшы даныша [билмир]». Бәс бу манеә неҹә арадан галхаҹагды? Јеһова Мусанын әвәзинә данышмаг үчүн Һаруну сечди (Чыхыш 4:1—5, 10—16).
Суалларына ҹаваб алдығы вә Јеһоваја иман етдији үчүн Муса Онун тапшырығыны јеринә јетирмәјә башлады. О, фиронун гаршысына ҝедәндә нәләр олаҹағы барәдә дүшүнүб өзүнү тәшвишә салмады, әксинә һәр шеји она дејилдији кими етди (Чыхыш 7:6). Әҝәр о, нараһатчылығын ону үстәләмәсинә јол версә иди, иманы зәифләјәрди вә верилән тапшырығы јеринә јетирмәјә ҹәсарәти чатмазды.
Мусанын тапшырылан иши һәјата кечирәркән таразлылығы горумасы Булусун дедији «сағлам дүшүнҹә»нин бир нүмунәсидир (2 Тимутијә 1:7; Титус 2:2—6). Әҝәр Муса сағлам дүшүнҹә илә давранмасајды, о, тәјинатынын бөјүклүјүндән ваһимәләниб ону гәбул етмәјә биләрди.
Таразлы шәкилдә дүшүн
Ҝүндәлик һәјатында иманын сынананда вә ја чәтинликләрлә үзләшәндә буна неҹә мүнасибәт ҝөстәрирсән? Гаршыда сәни манеәләр вә чәтинликләр ҝөзләдијини дүшүнмәк белә сәни тәшвишә салырмы? Јохса онлара таразлы јанашырсан? Белә бир дејим вар: «Горхаг һәр шеји дөрд ҝөрәр». Бәлкә дә горхдуғун шеј һеч башына ҝәлмәди! Нәјә ҝөрә бу барәдә фикирләшиб өзүнә әзаб верәсән? Мүгәддәс Китабда јазылыб: «Ниҝаранчылыг үрәји сыхар» (Мәсәлләр 12:25). Белә вәзијјәтдә инсан чох вахт гәрар вермәји ләнҝидә биләр вә гәрар верәндә исә чох ҝеҹ ола биләр.
Һәддән артыг нараһат олмаг инсанын руһанилијә чох ҹидди зәрәр вура биләр. Иса Мәсиһ билдирмишди ки, вар-дөвләтин алдадыҹы гүввәси вә «бу зәманәнин гајғылары» инсанын «Падшаһлыг һаггындакы сөзү» гијмәтләндирмәсинә мане ола биләр (Мәтта 13:19, 22). Тиканлар биткинин инкишаф етмәсинә вә мејвә вермәсинә мане олдуғу кими, һәдсиз нараһатчылыг да руһани ҹәһәтдән инкишаф етмәјимизә вә Аллаһы шәрәфләндирмәк үчүн бәһрә вермәјимизә мане ола биләр. Ифрат дәрәҹәдә нараһатчылыг кечирмәк бәзиләринин өзүнү Јеһоваја һәср етмәсинә белә мане олур. Онлар нараһат олурлар: «Бирдән һәср олунмағыма ујғун јашамадым, онда неҹә?»
Һәвари Булус демишди ки, руһани мүһарибәмиздә «һәр ҹүр фикри әсир алыб Мәсиһә табе [етдирмәк]» үчүн әзмли олмалыјыг (2 Коринфлиләрә 10:5). Гаты дүшмәнимиз Шејтан Иблис фүрсәт ахтарыр ки, бизи руһдан салмаг, физики, емосионал вә руһани ҹәһәтдән зәифләтмәк үчүн нараһатчылығымыздан истифадә етсин. О, еһтијатсыз инсанлары тәләјә салмаг үчүн шүбһәләрдән истифадә етмәкдә маһир устадыр. Елә бу сәбәбдән Булус мәсиһиләрә хатырлатды ки, «Иблисә фүрсәт» вермәсинләр (Ефеслиләрә 4:27). «Бу дөврүн аллаһы» олан Шејтан мәһарәтлә «имансызларын зеһнини кор едиб» (2 Коринфлиләрә 4:4). Ҝәлин онун зеһнимизи корламасына имкан вермәјәк!
Көмәк әлчатандыр
Ушаг чәтинликлә үзләшәндә гајғыкеш атасынын јанына ҝедиб ондан мәсләһәт вә тәсәлли алыр. Ејнилә, биз дә проблемлә үзләшәндә сәмави Атамыз Јеһоваја үз тута биләрик. Јеһова Өзү бизи јүкүмүзү вә нараһатлыгларымызы Онун өһдәсинә бурахмаға чағырыр (Зәбур 55:22). Ушаг атасынын дәстәјини аландан сонра һеч нәјә ҝөрә нараһат олмадығы кими, биз дә тәкҹә гајғы јүкүмүзү Јеһованын өһдәсинә бурахмамалы, һәм дә бу јүкдән азад олмалыјыг (Јагуб 1:6).
Нараһатлыгларымызы Јеһованын өһдәсинә неҹә бураха биләрик? Филиппилиләрә 4:6, 7 ајәләри бу суала ҹаваб верир: «Һеч нәјә ҝөрә нараһат олмајын. Һәр мәсәлә барәдә диләјинизи дуа вә јалварышла, шүкр едә-едә Аллаһа билдирин. Онда Аллаһын һәр бир ағылдан үстүн олан сүлһү үрәјинизи вә фикирләринизи Мәсиһ Иса васитәсилә горујаҹаг». Бәли, дурмадан етдијимиз дуа вә јалварышымыза ҹаваб олараг Јеһова бизә зеһнимизи лазымсыз нараһатчылыгдан горујан дахили раһатлыг верир (Әрәмја 17:7, 8; Мәтта 6:25—34).
Дуаларымыза ујғун һәрәкәт етмәк үчүн, ҹәмијјәтдән узаглашыб өзүмүзә гапылмамалыјыг (Мәсәлләр 18:1). Бунун әвәзиндә, Мүгәддәс Китабдан проблемимизлә бағлы олан принсипләри вә рәһбәрликләри нәзәрдән кечирмәлијик, беләҹә өз ағлымыза ҝүвәнмәјәҹәјик (Мәсәлләр 3:5, 6). Истәр ҝәнҹләр, истәрсә дә јашлылар гәрарлар верәркән вә ја проблемләри һәлл едәркән Мүгәддәс Китабдан вә тәшкилатын дәрҹ етдији нәшрләрдән мәлумат әлдә едә биләрләр. Үстәлик, мәсиһи јығынҹагларында да бизимлә сөһбәт етмәјә һазыр олан мүдрик вә тәҹрүбәли ағсагалларымыз, еләҹә дә диҝәр јеткин баҹы-гардашларымыз вар (Мәсәлләр 11:14; 15:22). Мәсәләјә һиссләрлә дејил, Аллаһын дүшүнҹә тәрзи илә јанашанлар проблемләримизә фәргли тәрәфдән бахмаға көмәк едәҹәкләр. Онлар бизим јеримизә гәрар вермәсәләр дә, бизә бөјүк дәстәк ола биләрләр.
«Аллаһы ҝөзлә»
Һеч ким инкар едә билмәз ки, ағлымыза ҝәтирдијимиз нараһатчылыглар галсын бир јана, һәр ҝүн гаршылашдығымыз проблемләр бизә јетәринҹә стресс јашадыр. Әҝәр баш верәҹәк шејләрин нараһатчылығы бизи үркүдүрсә, онда дуа едиб Јеһовадан көмәк диләјәк. Рәһбәрлик, мүдриклик вә сағлам дүшүнҹә әлдә етмәк үчүн Онун Кәламына вә тәшкилатына үз тутаг. Онда биләҹәјик ки, һансы вәзијјәтлә үзләшириксә үзләшәк, онун өһдәсиндән ҝәлмәк үчүн лазыми көмәјимиз вә дәстәјимиз вар.
Мәјуслуг вә нараһатлыг кечирән мәзмурчу охумушду: «Нијә гырылмысан, еј көнлүм? Нијә көксүмдә чырпынырсан? Сән Аллаһы ҝөзлә, чүнки мән һәлә Аллаһымы, Улу Хиласкарымы уҹалдаҹағам» (Зәбур 42:11). Јахшы олар ки, биздә дә бу ҹүр әһвал-руһијјә олсун.
Бәли, баҹардығын гәдәр узагҝөрән ол, баҹармадығыны исә Јеһоваја бурах. «Бүтүн гајғыларынызы Онун үзәринә гојун, чүнки О, гајғынызы чәкир» (1 Бутрус 5:7).
*** w09-Е 1/6 с. 29 ***
Мәни дүшүнән бири вармы?
Аллаһын Кәламына дахил олан «Зәбур» китабында гәдим ибрани мәзмурчуларын Јеһованын Өз хидмәтчиләринин гајғысына мәһәббәтлә галдығыны тәсвир едән тәсирли сөзләри јер алыр. Бу мәзмурчулардан бири Давуд падшаһдыр. Зәбур 56:8 ајәсиндә Давудун Аллаһа јалвардығыны ҝөрүрүк: «Ҝөз јашларымы тулуғуна јығ. Ахы онлар Сәнин китабында јазылыб». Бу ајәдән ҝөрдүјүмүз кими Давуд билирди ки, Јеһова нәинки онун чәкдији әзијјәтләрдән, һәмчинин кечирдији һиссләрдән дә аҝаһдыр. Јеһова онун әзабларыны ҝөрүрдү вә ҝөз јашы төкмәсинә сәбәб олан емосионал чәтинликләрини хатырлајырды. Јараданымыз Јеһова Онун ирадәсини јеринә јетирмәјә чалышанларын, «сидги-үрәкдән Она бағлы оланларын» һамысына нәзәр салыр.
*** w08-Е 1/10 с. 26 ***
Тулугдакы ҝөз јашлары
Давудун тулугла бағлы дедији тәсирли сөзләр бизим үчүн дә әһәмијјәт кәсб едә биләр. Нә мәнада? Мүгәддәс Китабда дејилир ки, бу дүнјаны Шејтан идарә едир вә о, бизим ҝүнләрдә бөјүк гәзәб ичиндәдир. Бу сәбәбдән дүнјада бу гәдәр бәдбәхтликләр вар (Вәһј 12:12). Елә буна ҝөрә дә, Давуд кими, чохлары, хүсусилә дә Аллаһы разы салмаға чалышанлар емосионал, мәнәви вә физики ағры кечирир. Ола билсин, сән дә о кәсләрин арасындасан. Бу ҹүр садиг кәсләр, һәтта ҝөз јашлары төксәләр дә, камиллик јолундан ајрылмырлар (Зәбур 126:6). Онлар әмин ола биләрләр ки, сәмави Аталары нәинки онларын үзләшдији чәтинликләри, һәм дә бу чәтинликләрин онлара вурдуғу емосионал зәрбәләри дә ҝөрүр. О, хидмәтчиләринин чәкдији бүтүн әзијјәтләри баша дүшүр вә ҝөз јашларыны унутмур, поетик диллә десәк, тулуғуна јығыр.