I Һиссә. Мәсиһи етигадлары

Сән Јеһованын Шаһидләри илә Мүгәддәс Китабы өјрәнмәјин сајәсиндә һәгигәтлә таныш олмусан. Шүбһәсиз, өјрәндикләрин сәнә Аллаһла сых мүнасибәт гурмаға көмәк едиб вә ҝәләҹәкдә Аллаһын Падшаһлығынын рәһбәрлији алтында ҹәннәтдә немәтләр алаҹағына үмид бәхш едиб. Сәнин Аллаһын Кәламына олан иманын мөһкәмләниб вә мәсиһи јығынҹағы илә сых үнсијјәт етмәјин сајәсиндә артыг сән бир чох немәтләр дадмысан. Вә Јеһованын Өз халгы илә бу ҝүн неҹә рәфтар етдијини даһа ајдын баша дүшүрсән (Зәк. 8:23).

Инди вәфтизә һазырлашдығын бир вахтда ағсаггалларын сәнинлә әсас мәсиһи етигадларыны мүзакирә етмәси сәнә бөјүк фајда ҝәтирәҹәк (Ибр. 6:1—3). Гој Јеһова бундан сонра да Ону даһа јахындан танымаг үчүн ҝөстәрдијин бүтүн ҹәһдләрә хејир-дуа версин вә гој Онун вәд етдији мүкафат сәнә нәсиб олсун (Јәһ. 17:3).

1. Нәјә ҝөрә вәфтиз олунмаг истәјирсән?

2. Јеһова кимдир?

• «Јухарыда — ҝөјдә вә ашағыда — јердә тәк бир Аллаһ вар, о да Јеһовадыр. Ондан башгасы јохдур» (Ган. 4:39).

• «Ады Јеһова олан Сән, дүнјада тәк Сән уҹасан» (Зәб. 83:18).

3. Нәјә ҝөрә Аллаһын адыны истифадә етмәк мүтләгдир?

• «Буна ҝөрә дә бу ҹүр дуа един: “Ҝөјләрдә олан Атамыз, гој адын мүгәддәс тутулсун”» (Мәт. 6:9).

• «Јеһованын адыны чағыран һәр кәс гуртулаҹаг» (Ром. 10:13).

4. Мүгәддәс Китабда Јеһоваја үнванланан бәзи сифәтләр һансылардыр?

• «Јерин һүдудларыны јарадан Јеһова әбәдијјән Аллаһдыр» (Әшј. 40:28).

• «Ҝөјләрдә олан Атамыз» (Мәт. 6:9).

• «Аллаһ мәһәббәтдир» (1 Јәһ. 4:8).

5. Јеһова Аллаһа нә верә биләрик?

• «Аллаһын Јеһованы бүтүн гәлбинлә, бүтүн варлығынла, бүтүн ағлынла вә вар ҝүҹүнлә сев» (Марк 12:30).

• «Аллаһын Јеһоваја сәҹдә гыл вә јалныз Она гуллуг ет» (Лука 4:8).

6. Нә үчүн Јеһоваја садиг галмаг истәјирсән?

• «Оғлум, һикмәтли ол, гәлбим севинсин, Мәнә мејдан охујана ҹаваб верә билим» (Мәс. 27:11).

7. Кимә дуа едирсән? Бәс кимин ады илә дуа едирсән?

• «Јадынызда галсын, Атадан мәним [Исанын] адымла нәсә истәсәниз, сизә верәҹәк» (Јәһ. 16:23).

8. Нәләр барәдә дуа едә биләрсән?

• «Буна ҝөрә дә бу ҹүр дуа един: “Ҝөјләрдә олан Атамыз, гој адын мүгәддәс тутулсун. Гој Падшаһлығын ҝәлсин. Гој Сәнин ирадән ҝөјдә олдуғу кими, јердә дә јеринә јетсин. Бу ҝүн бизә буҝүнлүк рузимизи вер вә ҝүнаһларымызы бағышла, неҹә ки өзүмүз дә бизә гаршы ҝүнаһ ишләјәнләри бағышламышыг. Гојма јолумузу азаг, бизи Шәрирдән хилас ет”» (Мәт. 6:9—13).

• «Аллаһын өнүндә әминлијимиз будур: Онун ирадәсинә мүвафиг нә диләјириксә, О ешидир» (1 Јәһ. 5:14).

9. Һансы сәбәбләрә ҝөрә Јеһова инсанын дуасыны ешитмәјә биләр?

• «Онлар Јеһовадан имдад диләјәҹәкләр, фәгәт О ҹаваб вермәјәҹәк... Чүнки онларын әмәлләри шәрдир» (Мик. 3:4).

• «Јеһованын ҝөзү салеһләрин үстүндәдир вә гулағы онларын јалварышларыны ешидир. Анҹаг Јеһова үзүнү шәр иш ҝөрәнләрдән дөндәрир» (1 Бут. 3:12).

10. Иса Мәсиһ кимдир?

• «Шимон Бутрус ҹаваб верди: “Сән Мәсиһсән, вар олан Аллаһын Оғлусан”» (Мәт. 16:16).

11. Исанын јер үзүнә ҝәлишинин мәгсәди нә иди?

• «Инсан Оғлу да она ҝөрә ҝәлмәјиб ки, она гуллуг етсинләр, әксинә, о, хидмәт етмәк вә бир чохлары уғрунда һәјатыны фидјә кими вермәк үчүн ҝәлиб» (Мәт. 20:28).

• «Мән [Иса] Аллаһын Падшаһлығы һаггында мүждәни башга шәһәрләрә дә чатдырмалыјам, ахы Аллаһ мәни бу иш үчүн ҝөндәриб» (Лука 4:43).

12. Иса Мәсиһин фидјә гурбанлығына ҝөрә миннәтдарлығымызы неҹә ҝөстәрә биләрик?

• «О, һамыдан өтрү өлдү ки, јашајанлар артыг өзләри үчүн дејил, онларын уғрунда өлүб дирилмиш кәс үчүн јашасынлар» (2 Кор. 5:15).

13. Иса Мәсиһ һансы сәлаһијјәтә саһибдир?

• «Ҝөјдә вә јердә бүтүн һакимијјәт мәнә верилиб» (Мәт. 28:18).

• «Аллаһ ону даһа јүксәк мөвгејә уҹалтды вә она бүтүн адлардан үстүн бир ад бәхш етди» (Филип. 2:9).

14. Јеһованын Шаһидләринин Рәһбәрлик Шурасынын Иса Мәсиһин тәјин етдији «садиг вә ағыллы нөкәр» олдуғуна инанырсан?

• «Евиндәки гуллугчулара вахтлы-вахтында јемәк вермәк үчүн ағанын онларын үзәринә гојдуғу садиг вә ағыллы нөкәр, ҝөрәсән, кимдир?» (Мәт. 24:45).

15. Мүгәддәс руһ шәхсдир?

• «Мәләк ҹавабында она деди: “Мүгәддәс руһ үзәринә ҝәләҹәк, Һагг-Тааланын ҝүҹү сәнин үстүнә көлҝә салаҹаг. Буна ҝөрә дә бәтниндән чыхана мүгәддәс дејиләҹәк, о, Аллаһын Оғлу адланаҹаг”» (Лука 1:35).

• «Беләликлә, әҝәр сиз пис олдуғунуз һалда, ушагларыныза јахшы шејләр верә билирсинизсә, мәҝәр ҝөјдәки Ата Ондан истәјәнләрә мүгәддәс руһ вермәјәҹәк?» (Лука 11:13).

16. Јеһова мүгәддәс руһу илә һансы ишләри ҝөрүб?

• «Ҝөјләр Јеһованын сөзү илә, орада оланлар ағзынын нәфәси илә јаранды» (Зәб. 33:6).

• «Мүгәддәс руһ үзәринизә ҝәләндә сиз гүввәт алаҹагсыныз вә... јерин уҹгарларынадәк мәним шаһидим олаҹагсыныз» (Һәв. 1:8).

• «Мүгәддәс Јазылардакы һеч бир пејғәмбәрлик киминсә шәхси фикирләриндән доғмајыб. Чүнки пејғәмбәрлик һеч вахт инсан истәји илә мејдана ҝәлмәјиб, инсанлар мүгәддәс руһ тәрәфиндән јөнәлдиләрәк Аллаһдан ҝәлән сөзләри данышыблар» (2 Бут. 1:20, 21).

17. Аллаһын Падшаһлығы нәдир?

• «Ҝөјләрин Аллаһы һеч вахт дағылмајаҹаг бир падшаһлыг гураҹаг. Бу падшаһлыг башга халга кечмәјәҹәк. О, бүтүн бу падшаһлыглары әзиб јох едәҹәк, өзү исә әбәди дураҹаг» (Дән. 2:44).

18. Аллаһын Падшаһлығы сәнин рифаһын үчүн һансы ишләри ҝөрәҹәк?

• «О, онларын ҝөзләриндән бүтүн јашлары силәҹәк. Артыг өлүм олмајаҹаг. Нә дәрд, нә фәрјад, нә дә ағры олмајаҹаг, чүнки әввәлки шејләр кечиб ҝетди» (Вәһј 21:4).

19. Падшаһлығын бизә немәтләр бәхш едәҹәји вахтын јахын олдуғуну һарадан билирсән?

• «Шаҝирдләри тәкликдә онун јанына ҝәлиб сорушдулар: “Бизә де, бунлар нә вахт баш верәҹәк? Сәнин һүзуруна вә о дөврүн јекунуна әламәт нә олаҹаг?” Иса онлара ҹаваб верди: “Милләт милләтә гаршы, дөвләт дөвләтә гаршы галхаҹаг. Ҝаһ бурада, ҝаһ орада гытлыг, зәлзәләләр олаҹаг. Падшаһлыг һаггындакы бу мүждә халгларын һамысына шәһадәт олсун дејә, бүтүн јер үзүндә тәблиғ едиләҹәк вә сон о вахт ҝәләҹәк”» (Мәт. 24:3, 4, 7, 14).

• «Ахырзаманда сон дәрәҹә чәтин бир вахт ҝәләҹәк. Чүнки инсанлар худбин, пулпәрәст, ловға, өзүндән разы, күфр данышан, валидејнләринә итаәт етмәјән, нанкор, вәфасыз, доғмаларыны севмәјән, барышмаз, бөһтанчы, өзүнә һаким олмајан, залым, јахшылығын дүшмәни, хаин, тәрс, тәкәббүрлү олаҹаглар, Аллаһдан чох ејш-ишрәти севәҹәкләр. Онлар үздән өзләрини мөмин ҝөстәрәҹәк, әслиндә исә Аллаһын јолу илә ҝетмәјәҹәкләр» (2 Тим. 3:1—5).

20. Падшаһлығын сәнин үчүн өнәм кәсб етдијини неҹә ҝөстәрә биләрсән?

• «Падшаһлығы вә Аллаһын тәләб етдији салеһлији һәр шејдән үстүн тутун» (Мәт. 6:33).

• «Иса шаҝирдләринә деди: “Ким ардымҹа ҝәлмәк истәјирсә, гој өзүнү инкар етсин, ишҝәнҹә дирәјини ҝөтүрүб даима ардымҹа ҝәлсин”» (Мәт. 16:24).

21. Шејтан вә ҹинләр кимләрдир?

• «Сизин атаныз Иблисдир... О, әзәлдән гатилдир» (Јәһ. 8:44).

• «Иблис вә Шејтан адланан бөјүк әждаһа, бүтүн дүнјаны алдадан гәдим илан јерә атылды, мәләкләри дә онунла бирликдә атылды» (Вәһј 12:9).

22. Шејтан Јеһоваја вә Она ибадәт едәнләрә гаршы һансы иттиһамлары ирәли сүрдү?

• «Гадын илана ҹаваб вериб деди: “Бағдакы ағаҹларын мејвәсиндән јејә биләрик. Анҹаг бағын ортасындакы ағаҹ һаггында Аллаһ дејиб: “Ондан јемәјин, она тохунмајын, јохса өләрсиниз!” Илан гадына деди: “Јох, әсла өлмәзсиниз. Садәҹә Аллаһ билир ки, ондан јејән ҝүн ҝөзләриниз ачылаҹаг вә сиз хејирлә шәри биләрәк Аллаһ кими олаҹагсыныз”» (Јар. 3:2—5).

• «Шејтан Јеһоваја ҹаваб верди: “Дәри әвәзинә дәри! Инсан ҹанындан өтрү һәр шејини верәр”» (Әјј. 2:4).

23. Шејтанын иттиһамларынын әсассыз олдуғуну неҹә сүбут едә биләрсән?

• «Она [Аллаһа] сидги-үрәкдән... хидмәт ет» (1 Салн. 28:9).

• «Мән сон нәфәсимәдәк садиг галаҹағам!» (Әјј. 27:5).

24. Инсанлар нијә өлүр?

• «Беләликлә, ҝүнаһ бир адам васитәсилә, өлүм дә ҝүнаһ васитәсилә дүнјаја ҝирди. Беләҹә, өлүм бүтүн адамлара кечди, чүнки һамы ҝүнаһ ишләјиб» (Ром. 5:12).

25. Өлүләр һансы вәзијјәтдәдир?

• «Дириләр өләҹәкләрини билир, лакин өлүләр һеч нә билмир» (Ваиз 9:5).

26. Өлүләрлә бағлы һансы үмид вар?

• «Аллаһын һәм салеһләри, һәм дә гејри-салеһләри дирилдәҹәјинә үмид едирәм» (Һәв. 24:15).

27. Ҝөјдә Иса Мәсиһлә бирҝә нә гәдәр инсан һакимијјәт сүрәҹәк?

• «Будур: Гузу вә онун јанында 144 000 нәфәр Сион дағында дурублар. Онларын алынларында Гузунун вә онун Атасынын ады јазылмышды» (Вәһј 14:1).