Ən vacib iş
1. Xidmətə görə dərin minnətdarlığımız hansı qurbanları verməyə təşviq edəcək?
1 Nəyə görə biz həmişə bütün vaxtımızı, gücümüzü və vəsaitimizi xidmətə sərf etməyə təşviq olunuruq? Çünki bundan daha vacib iş yoxdur! Bunun çoxsaylı nəticələri üzərində düşünsək, birdə heç vaxt təkrar olunmayacaq bu işdə iştirak etmək istəyimiz artacaq (Həv. iş. 20:24).
2. Bizim təbliğimiz Yehovanın böyük adını izzətləndirməyə necə kömək edir?
2 Yehovanın adını izzətləndirir. Təbliğ işi göstərir ki, İsanın rəhbərliyi altında olan səmavi Padşahlıq bütün insan hakimiyyətlərini əvəz edəcək və bəşəriyyətin bütün problemlərini aradan qaldıracaq (Mat. 6:9, 10). Üstəlik, Yehovanı bizi günah və ölümdən xilas edə biləcək yeganə Şəxs kimi ucaldır (Yeşaya 25:8; 33:24). Onun adını daşıdığımız üçün bizim nümunəvi davranışımızı və səyimizi görən insanlar Yehovaya izzət verə bilərlər (1 Pet. 2:12). Hökmdar Allah olan Yehovanın adını bütün dünyaya tanıtmaq bizim üçün olduqca məmnunedicidir! (Məz. 83:18).
3. Padşahlıq xəbərinə müsbət hay verənlər hansı xeyir-duaları alırlar?
3 Həyatları xilas edir. Yehova «istəyir ki, hamı tövbəyə gəlsin və kimsə həlak olmasın» (2 Pet. 3:9). Deməli, əgər kimsə onları öyrətməsə, Yehovanın gözündə hansı davranışın düz, hansının isə səhv olduğunu haradan öyrənə bilərlər? (Yun. 4:11; Rom. 10:13—15). İnsanlar xoş xəbərə hay verib pis vərdişlərini ataraq həyatlarını yaxşılaşdırırlar (Mik. 4:1—4). Bundan əlavə, onların qarşısında əbədi həyatda yaşamaq imkanı açılır. Bizim təbliğ və öyrətmək işində fəal iştirakımız həm bizi xilas edir, həm də bizə qulaq asanları (1 Tim. 4:16). Bu vacib işdə bizim də payımızın olması necə də böyük şərəfdir!
4. Nəyə görə təbliğ və şagird hazırlamaq işində əlimizdən gələni etməliyik?
4 Tezliklə böyük məşəqqət bu pis sistemin qəfil sonunu gətirəcək. Yehovanın tərəfini tutanlar xilas olacaq. Beləliklə, təbliğ və şagird hazırlamaq işi bizim günlərdə olan ən təxirəsalınmaz, vacib və faydalı işdir. Qoy bu iş bizim həyatımızda ən əsas yeri tutsun! (Mat. 6:33).