Qapı ağzında yaxşı kömək et
1. Təbliğə iki-iki getmək hansı faydaları gətirir?
1 Bir dəfə İsa 70 şagirdini ‘iki-iki’ təbliğ etməyə göndərdi (Luka 10:1). Şübhəsiz, bu cür tədbirin sayəsində onun şagirdləri təbliğdə olarkən bir-birini dəstəkləyə və ruhlandıra bilərdilər. Xidmət zamanı bir-birimizə necə faydalı ola bilərik?
2. Əməkdaşımız təqdiməsini söyləyirsə, biz necə qulaq asmalıyıq və nəyə görə?
2 Qulaq as. Əməkdaşın öz təqdiməsini söyləyərkən diqqətlə qulaq as (Yaq. 1:19). Əgər o, ayə oxuyursa, öz Müqəddəs Kitabından onu izlə. Xidmətdə kim danışırsa ona bax, istər bu, əməkdaşın olsun, istərsə də ev sahibi. Söhbətə diqqətlə qulaq assan, bu, ev sahibini də eyni şeyi etməyə təşviq edə bilər.
3. Təbliğçi öz əməkdaşının söhbətinə nə vaxt əlavə edə bilər?
3 Nə vaxt danışmağın lazım gəldiyini bil. Əməkdaşımızın təqdiməsini söylədikdən sonra söhbəti davam etdirməsinə izin verməklə ona hörmət göstərmiş oluruq (Rom. 12:10). Biz onun sözünü kəsməməliyik. Əgər o demək istədiyini unutsa və ya ev sahibi etirazını bildirsə, yaxud sual versə və bu zaman əməkdaşımız bizdən kömək istəsə, başqa mövzuda danışmamaq şərti ilə, onun dediklərinə əlavə etməyə çalışa bilərik (Sül. məs. 16:23; Vaiz 3:1, 7). Bu zaman biz elə danışmalıyıq ki, sözlərimiz əməkdaşımızın dediklərinə töhfə versin (1 Kor. 14:8).
4. Xidmətimizin sevincli və müvəffəqiyyətli olmasına nə kömək edə bilər?
4 İsanın göndərdiyi 70 şagird iki-iki təbliğ etdikdən sonra ‘sevinclə geri qayıtdılar’ (Luka 10:17). Biz də qapı arxasında diqqətlə qulaq asanda və nə vaxt danışmağın lazım gəldiyini biləndə xidmətimiz sevincli və müvəffəqiyyətli olacaq.