İlk başçəkmə zamanı öyrənmənin necə keçirildiyini göstərmisənmi?
Müqəddəs Kitab öyrənməsini təklif edəndə sahəmizdə yaşayan bəzi insanlar bunun onlar üçün maraqlı olmadığını və ya artıq öz ibadət yerlərində Müqəddəs Kitabı öyrəndiklərini deyirlər. Onlar bu öyrənmə haqda təsəvvürlərini bundan qabaq öyrəndikləri ilə müqayisə etdiklərindən onun nə qədər maarifləndirici və məmnunedici olduğunu bilmirlər. Buna görə də sadəcə öyrənmə təklif etmək əvəzinə elə ilk başçəkmə zamanı nəyə görə bir neçə dəqiqə ayırıb Müqəddəs Kitab öyrənməsinin necə keçirildiyini göstərməyəsən? Məsələn, insanlara sadəcə olaraq yaxşı xörək bişirdiyini və gələn dəfə gətirəcəyini deməkdənsə, onu elə həmin vaxt dadmalarına imkan yarat! «Bizim Padşahlıq Xidmətimiz»in 2006-cı il yanvar sayının 6-cı səhifəsində yerləşən məsləhət sadəcə bir neçə dəqiqə ərzində bunu necə edə biləcəyimizi göstərir.
«Necə düşünürsünüz, bu sözlər nə vaxtsa yerinə yetəcəkmi? [Yeşaya 33:24 ayəsini oxu və cavab verməsinə izin ver.] Bu mövzuya dair sizə maraqlı bir şey göstərmək istəyərdim». Ona «Müqəddəs Kitab öyrədir» kitabını ver və diqqətini 36–cı səhifənin 22-ci abzasına yönəlt. Abzasın sualını oxu və xahiş et ki, abzası oxuduqca sualın cavabını tapsın. Sonra sualı təkrarla və onun cavabını dinlə. Digər ayələri birlikdə oxuyun. Növbəti başçəkmə üçün sual qaldır və yenidən qayıtmaq üçün müəyyən tədbirlər gör. Budur, sən artıq Müqəddəs Kitab öyrənməsinə başladın!