Xidmətdə püxtələşək. Səmimi maraq göstərməklə

Nə üçün vacibdir? İsa peyğəmbər insanlara fərdi yanaşır, onlara səmimi maraq göstərirdi. Misal üçün, İsa, bir dəfə lal-kar adamın, ola bilsin, sıxıldığını hiss etdiyi üçün onu izdihamdan kənarda sağaltmışdı (Mark 7:31—35). Və ya şagirdlərinin nə qədər qavraya biləcəklərini bildiyi üçün onları çox məlumatla yükləmirdi (Yəh. 16:12). İsa Məsih göydən də insanlara səmimi maraq göstərir (2 Tim. 4:17). Məsihin davamçıları olduğumuz üçün biz də bu cür davranmalıyıq (1 Pet. 2:21; 1 Yəh. 3:16, 18). Əgər xidmətdə müjdə çatdırdığımız adamlara səmimi maraq göstərsək, onun vəziyyətini, maraqlarını və fikirlərini nəzərə alsaq, onda xidmətimiz daha effektiv olacaq. Həmin insanlar görəndə ki, məqsədimiz yalnız təbliğ edib ədəbiyyat vermək deyil, əksinə, ona səmimi maraq göstərməkdir, onda o, bizə həvəslə qulaq asacaq.