DƏRS 14

Əsas fikirləri vurğula

İbranilərə 8:1

İCMAL: Dinləyicilərə nitq zamanı fikirlərin ardıcıllığını izləməyə kömək et, hər əsas fikrin məqsədinlə və mövzu ilə əlaqəsini aydın göstər.

Qarşına məqsəd qoy. İlk öncə nitqinin məqsədini müəyyən et. Məqsəd nədir: məlumat vermək, inandırmaq, dinləyiciləri hərəkətə təşviq etmək? Sonra isə əsas bəndlərin hər birinin həmin məqsədə xidmət etdiyinə əmin ol.

Düşün: Dinləyicilərin bu mövzu ilə bağlı hansı sualları və etirazları ola bilər? Həmin suallar və etirazlar hansı ardıcıllıqla qalxa bilər? Sonra fikirləri həmin ardıcıllıqla açıqla ki, dinləyicilər də onları izləyə bilsinlər, başa düşsünlər və məlumatı qəbul etsinlər.
Çıxışın mövzusunu vurğula. Çıxış boyunca mövzunun əsas sözlərini təkrarlayaraq, yaxud sinonim sözlərdən istifadə edərək mövzuya istinad et.
Əsas fikirləri aydın və sadə şəkildə bildir. Yalnız mövzu ilə əlaqəsi olan və ayrılmış vaxt ərzində yaxşı izah edə biləcəyin əsas fikirləri seç. Əsas fikirlərin sayını məhdudlaşdır, hər birini aydın şəkildə söylə, onların arasında fasilə et, birindən digərinə rəvanlıqla keç.

Əsas fikirləri girişdə söyləmək olar ki, dinləyicilər nitq zamanı fikirlərin ardıcıllığını izləyə bilsinlər, yaxud da yekunda təkrarlamaq olar ki, fikirləri yadda saxlasınlar.