Xatirə Gecəsi ilə əlaqədar xatırlatma

Xatirə Gecəsinin qeyd edilməsi bu il aprelin 16-na, çərşənbə gününə düşür. Ağsaqqallar aşağıdakı məsələlərə diqqət yetirməlidirlər:

◼ Görüşün vaxtını tə’yin edərkən əmin olun ki, simvollar günəş batmazdan qabaq verilməyəcək.

◼ Hamını, o cümlədən mə’ruzəçini, Gecənin keçiriləcəyi dəqiq yer və vaxt haqqında xəbərdar etmək lazımdır.

◼ Bu mərasim üçün münasib çörək və şərabı əldə edib, hazırlamaq lazımdır. (“Gözətçi Qülləsi”nin 1985-ci il 15 fevral sayına (rus.), səh. 17-yə və “Gözətçi Qülləsi”nin 2003-cü il 1 mart sayına, səh. 10, 11-ə baxın.)

◼ Zala əvvəlcədən münasib stol gətirmək, üstünə süfrə salıb boşqabları və qədəhləri düzmək lazımdır.

◼ Bu görüşün keçiriləcəyi Padşahlıq Zalını və ya digər yeri əvvəlcədən yaxşı yığışdırmaq lazımdır.

◼ Xidmətçi qardaşları və simvolları verəcək kəsləri tə’yin etmək və görüşün necə keçəcəyini, həmçinin vəzifələrinin nədən ibarət olduğunu onlara qabaqcadan izah etmək lazımdır. Bundan əlavə, layiqli geyimin və xarici görünüşün vacibliyini də vurğulamaq lazımdır.

◼ Qayğı göstərmək lazımdır ki, səhhətləri ucbatından bayramda iştirak edə bilməyən məsh edilmiş məsihçilərə qulluq göstərilsin.

◼ Əgər eyni Padşahlıq Zalından bir neçə yığıncaq istifadə etmək istəyirsə, onda onlar ölçü götürməlidirlər ki, adamlar vestibüldə, girişdə və pilləkəndə toplaşmasınlar, avtomobil dayanacağında qarışıqlıq olmasın. Yaxşı olardı ki, iki görüş arasındakı fasilə 45 dəqiqədən az olmasın.