Əxlaqi təmizliyi əks etdirən xarici görünüş
1. Vilayət konqresinə hazırlaşarkən nə geyinəcəyimizi düşünməyimiz nə üçün vacibdir
1 “Yehovanın Şahidləri çox yaxşı insanlardır! Onlar çox xeyirxah, yaxşı geyinən və başqalarına dərin hörmət bəsləyən insanlardır”. Bu, keçən il vilayət konqresindəki bacı-qardaşlar haqqında bir mehmanxana nümayəndəsinin sözləridir. Başqa bir konqresdə mehmanxana işçisi belə demişdir: “Dərhal aydın olur ki, siz geyiminizlə Allahı razı salmaq istəyirsiniz”. Bəli, konqres nümayəndələri hamının diqqət mərkəzindədirlər. Buna görə də, biz “müjdəyə layiq tərzdə” geyinməyə çalışırıq (Filip. 1:27). Dünyəvi insanlar çox vaxt bizi geyimimizə görə tə’rifləyirlər, onlar bizim geyimimizdən Allaha xidmət etdiyimizi başa düşürlər. Vilayət konqresinə hazırlaşarkən nə geyinəcəyimizi əvvəlcədən düşünməyimiz vacibdir.
2. Xarici görünüşümüzün əxlaqi saflığı əks etdirməsi üçün geyim seçmək nəyə görə asan deyil?
2 “Yuxarıdan nazil olan hikmət əvvələn safdır” deyə, şagird Yaqub yazmışdır (Yaq. 3:17). Xarici görünüşümüzdə belə bir əxlaqi saflığı əks etdirmək asan deyil. Şeytanın əxlaqsız dünyası insanları qeyri-adi, şəhvani və ədəbsiz görünməyə təhrik edir, sözsüz ki, bu da Allahın xidmətçilərinə münasib deyil (1 Yəh. 2:15-17). Nəticə e’tibarilə, nə geyinəcəyimizi və özümüzü necə aparacağımızı qərara alarkən, biz Müqəddəs Kitabın bu məsləhətinə diqqət yetirməliyik: “Allaha qarşı hörmətsizliyi və dünyəvi ehtirasları rədd edib, bu dünyada təmkinli, saleh və Allah yoluna uyğun bir ömür sürək” (Tit. 2:12). Biz xarici görünüşümüzlə heç kimi, istər bacı-qardaşlarımızı, istər restoran, istərsə də mehmanxana işçilərini və ya başqa keç kimi büdrətmək istəmirik (1 Kor. 10:32, 33).
3. Xarici görünüşümüzü yoxlamaq üçün bizə hansı suallar kömək edə bilər?
3 Sadə və səliqəli geyim. Konqresə hazırlaşarkən özündən soruş: “Geyimim sadədirmi, yoxsa mənə lazımsız diqqət cəlb edir? Paltar seçərkən başqalarının hissini nəzərə alırammı? Donumun yarığı həddindən artıq uzun deyilmi? Paltarım olduqca açıq və dar deyilmi? Paltarım təmizdirmi, ondan pis iy gəlmir ki? Mehmanxanada səhər yeməyinə gəlmək üçün və ya proqramdan sonra istirahət zamanı geyəcəyim paltar haqqında nə demək olar? Paltarım, Allahın xidmətçisinə yaraşan tərzdə səliqəli və təmiz olacaqmı? Yoxsa o üzərində plaket vurmaq üçün yersiz olacaq dərəcədə səliqəsiz və ya qeyri-adi, yaxud həddindən artıq ev paltarı kimi görünür? Qeyri-rəsmi təbliğ etmək imkanı düşərsə, xarici görünüşümdən utanmaram ki?” (Rom. 15:2, 3; 1 Tim. 2:9).
4. Xarici görünüşümüzün əxlaqi təmizliyi əks etdirməsi üçün başqaları bizə necə kömək edə bilərlər?
4 Yetkin məsihçilərlə də məsləhətləşmək olar. Qadınlar paltarlarının başqaları tərəfindən necə qəbul edilə biləcəyini ərlərindən soruşa bilərlər. Məsihçi valideynlər bu sahədə öz yeniyetmə uşaqlarına kömək edə bilərlər. Bundan əlavə, “Allahın kəlamı küfr olunmasın” deyə, yaşlı bacılar ‘gənc qadınlara tə’lim verə bilərlər ki, onlar təmkinli və təmiz olsunlar’ (Tit. 2:3-5). Bizim nəşrlərdə dərc edilən şəkillərdə səliqəli və ədəbli geyimə dair çoxlu nümunələr var.
5. Konqres ərzində hər birimiz Yehovaya necə həmd edə bilərik?
5 Yehovaya həmd edirik. Vilayət konqreslərində, yalnız proqramda iştirak edənlərin yox, hər birimizin Yehovaya həmd etmək imkanı var. Əlbəttə ki, biz Ona məsihçiyə xas olan danışıq və davranış tərzimizlə həmd edirik. Lakin Şahid olmayanların əksəriyyətinin ilk nəzərinə çarpan bizim geyimimiz və xarici görünüşümüzdür. Gəlin hər birimiz tə’rifəlayiq xarici görünüşümüzlə Yehovaya həmd edək (Məz. 148:12, 13).
[6 səhifədəki çərçivə]
Bizə kömək edən amillər
◼ Allahın Kəlamı.
◼ Özünü yoxlamaq.
◼ Başqalarının rə’yi.
◼ Məsihçi nəşrləri.