Yehovanın Şahidlərinin 2005-ci ildə keçiriləcək “Allaha itaətkarlıq” adlı vilayət konqresi
1 Dahi Tə’limatçımız Yehova Allah bizim bir yerə toplaşmağımız və Onun yollarını öyrənməyimiz üçün qayğı göstərir (İş. 30:20, 21; 54:13). O, bunu hər il vilayət konqresləri kimi xüsusi görüşlər təşkil edən sadiq və ağıllı qulun vasitəsilə edir (Mat. 24:45-47). Bizim hisslərimiz məzmurçu Davudun hisslərinə bənzəyir. O oxuyurdu: “Yığıncaqlarda Rəbbə səna edərəm” (Məz. 26:12). Davud Yehovadan tə’lim almağın nə dərəcə dəyərli olduğunu yaxşı başa düşürdü, buna görə Allahın xalqı hər dəfə bir yerə toplaşanda o da onların arasında olurdu.
2 Bu il keçiriləcək “Allaha itaətkarlıq” adlı vilayət konqresinə gələn bir çoxlarının arasında sən də olacaqsanmı? Belə isə aşağıdakı mə’lumat sənin üçün faydalı olacaqdır.
3 Proqramın hər günündə iştirak etməyi indidən planlaşdır. “Çalışqan adamın düşüncələri ancaq bərəkət gətirər” (Sül. məs. 21:5). Məgər bu sözlər konqresə getməyi qabaqcadan planlaşdırmağa təşviq etmirmi? Konqresin ruhən təravət gətirən proqramının heç bir hissəsini buraxmamaq üçün artıq indidən bütün lazımi tədbirlər haqda düşünmək yaxşı olar ki, hər üç gündə iştirak edə biləsən. Müdirdən icazə almalısansa, bunu tez bir zamanda et. Əgər öz planlarını imanına şərik olmayan həyat yoldaşınla müzakirə etməlisənsə, bunu axırıncı ana saxlama. Hansı çətinliklərlə qarşılaşmağından asılı olmayaraq, Yehovaya dua et və əmin ol ki, Onun köməyi sayəsində ‘niyyətlərin yerinə yetəcək’ (Sül. məs. 16:3). Bundan əlavə, yaxşı olardı ki, Müqəddəs Kitabı öyrətdiyin adamlara kömək edəsən ki, onlar da konqresin hər bir hissəsində iştirak edə bilsinlər.
4 Yerləşdirmə. Konqres keçirilən şəhərlərdə, konqres nümayəndələrinin rahat yaşayış yerlərinin olması üçün böyük işlər aparılır. Bir çox şəhərlərdə yataqxanalarda ucuz qiymətə otaq danışmaq ildən ilə çətinləşir. Buna görə konqresin nümayəndələri adi mehmanxanalarda yaşamaq üçün qabaqcadan vəsait ayıra bilərlər (1 Kor. 16:2). Bu məqalə xidməti görüşdə müzakirə edildikdən sonra e’lanlar lövhəsində “Məsləhət görülən mənzillərin siyahısı” blankı asılacaqdır. Buna görə, xahiş olunur, yalnız bu siyahıda adı çəkilən mehmanxanalarda və siyahıda göstərilən qiymətə otaq sifariş et. Bu cür yaxşı əməkdaşlıq sayəsində, filial hər il mehmanxanalarla ucuz qiymətə mənzillər danışmaq üçün müqavilələr bağlaya biləcək. Yadda saxla ki, yaxşı mehmanxanalar çox vaxt konqres keçən yerə yaxın olmur. Mehmanxanaya otaq sifarişi üçün zəng etməzdən əvvəl “Mənzil şö’bəsi ilə əməkdaşlıq et” adlı çərçivədəki məsləhətləri nəzərdən keçir. Ora zəng edəndə isə “Mehmanxanada otaq sifariş etməyin ən yaxşı üsulu” çərçivəsində verilən göstərişlərə əməl et.
5 Xüsusi tələbatlar. Həvari Pavel öz məktublarında ona “dayaq” (YD) olan qardaşların adını çəkmişdir (Kolos. 4:7-11). Onlar hər şeydən əlavə Pavelin xüsusi tələbatları üçün də qayğı göstərirdilər. Konqreslə bağlı məsələlərdə sən başqalarına necə “dayaq” ola bilərsən? Yaşlı və zəif bacı-qardaşlarımızın, həmçinin tammüddətli xidmətçilərin və digər təbliğçilərin konqresə getmək və ya mənzil tapmaq üçün praktiki köməyə ehtiyacları ola bilər. Onların qayğısına qalmaq ilk növbədə qohumların vəzifəsidir (1 Tim. 5:4). Əgər onlar bunu edə bilmirlərsə, onda həmimanlılar köməyə gələ bilərlər (Yaq. 1:27). Kitaböyrənmənin nəzarətçisi qayğı göstərəcək ki, xüsusi tələbatları olan bacı və qardaşlar üçün əvvəlcədən tədbirlər görülsün.
6 “Xüsusi tələbatlı şəxslər üçün mənzil sorğusu” blankı, yalnız doğrudan da xüsusi yaşayış şəraitinə ehtiyacı olan və bu ehtiyacı ailə və ya yığıncaq üzvləri tərəfindən tə’min edilə bilməyən təbliğçilər üçün nəzərdə tutulub. Yığıncağın xidməti komitəsi blankdakı və bütün ağsaqqallara göndərilən 14 dekabr 2004-cü il tarixli məktubundakı göstərişlərə əməl edərək təbliğçinin sifarişini nəzərdən keçirəcək. Bu cür sifarişlər yalnız nümunəvi və uşaqları yaxşı tərbiyəli olan təbliğçilər üçün nəzərdə tutulub.
7 Başqa konqresdə iştirak etmək. Hamıya yer, ədəbiyyat və mənzil çatsın deyə təbliğçilərdən xahiş olunur ki, yığıncaqları də’vət edilən konqresdə iştirak etsinlər. Əgər sənin şəraitin elə gətirib ki, sən başqa konqresdə iştirak etməlisən, onda xahiş olunur, yığıncağın katibinə müraciət et. O sənə getmək istədiyin konqres bürosunun ünvanını verəcək. Bu ünvan “Xüsusi tələbatlı şəxslər üçün mənzil sorğusu” blankının arxasında dərc olunub. Əgər sən Sankt-Peterburq şəhərində keçiriləcək konqresdə iştirak etməyi planlaşdırırsansa, xahiş edirik, mənzil sorğusunu filiala göndərmə. “Məsləhət görülən mənzillərin siyahısı”nın və ya hər hansı başqa əlavə mə’lumatın göndərilməsi haqda etdiyin xahişlə birlikdə, markalı konvert və öz ünvanını yollamağı unutma. Əgər həmin şəhərdə bir neçə konqres keçiriləcəksə, onda mütləq blankda məhz hansı konqresdə olmaq istədiyini qeyd et.
8 Könüllülərə ehtiyac var. Təvazökarlıqla başqalarının tələbatlarının qayğısına qalmağa dair İsa gözəl nümunə vermişdir (Luka 9:12-17; Yəh. 13:5, 14-16). Konqresdə öz köməklərini təklif edənlər həmin ruhu təzahür etdirirlər. Konqresin müxtəlif şö’bələrində çalışmaq üçün yerli konqres komitəsi tezliklə könüllüləri də’vət edəcək. Xüsusilə ağsaqqallara tələbat var. Onların əks etdirdikləri hazırlıq ruhu bütün yığıncaq üçün yaxşı nümunədir (1 Pet. 5:2, 3).
9 Başqaları nəyə diqqət yetirirlər? Bir mehmanxananın meneceri demişdir: “Siz bizim çox xoşumuza gəlirsiniz. Sizin gözəl davranış tərziniz başqa qruplardan olduqca fərqlənir. Bütün xidmətçilər sizin onlarla mehriban rəftar etdiyiniz və çaypulunu verməyi unutmadığınız haqda danışırlar. Siz burada olduğunuz günlər hamı sevinclə işə gəlir”. Mehmanxananın digər əməkdaşı isə qeyd etmişdir: “Yehovanın Şahidləri ilə iş görmək çox asandır”. Sənin nümunəvi davranışın da belə rə’ylərə səbəb ola bilər. Təsəvvür et, Yehovaya şərəf gətirən tərzdə davranmağımız Onu necə də sevindirir! (1 Pet. 2:12).
10 “Sadiq... nökərbaşı”nın vasitəsilə Yehova Allah bizə ruhani tə’lim vermək üçün üzümüzə gələn yay bizi bir yerdə toplayacaq (Luka 12:42). Hər üç gündə iştirak etmək üçün qüvvə sərf etmək lazım gələcək, amma bu ona dəyər. Bu ilki “Allaha itaətkarlıq” vilayət konqresi, şübhəsiz ki, bizim Yehovaya indi və əbədi xidmət etmək qərarımızı möhkəmləndirəcək. Gəlin məzmurçunun dedikləri sözlərə riayət etməkdə qəti qərarlı olaq: “Cəmiyyət içində Allahımız Rəbbə alqış edin” (Məz. 68:26).
[3 səhifədəki çərçivə]
Konqresin cədvəli
Cümə və şənbə günləri
9:30 – 17:05
Bazar günü
9:30 – 16:10
[4 səhifədəki çərçivə]
Mənzil şö’bəsi ilə əməkdaşlıq et
◼ Yalnız “Məsləhət görülən mənzillərin siyahısı”nda göstərilən mehmanxanalarda qal. Siyahıda olmayan mehmanxanalara zəng etmə.
◼Yanğın təhlükəsizlik qaydalarına görə nömrədə icazə verildiyindən artıq adam yaşamalı deyil.
◼ Əgər sən siyahıdakı mehmanxanaların hamısına zəng etdikdən sonra heç harada yer olmadığını müəyyən etdinsə, yaxud əgər mehmanxanalardan hansındasa siyahıda göstəriləndən artıq qiymət deyərlərsə, bu haqda öz yığıncağının katibinə xəbər ver. O, siyahının əvvəlində verilən mə’lumatdan istifadə edərək, sənin gedəcəyin konqresin mənzil şö’bəsi ilə əlaqə saxlamalıdır. Xahiş edirik, siyahıda olmayan mehmanxanaya zəng etmək əvəzinə, mənzil şö’bəsi sənin baş çəkəcəyin konqres üçün mehmanxanaların ən yeni siyahısını göndərincəyə qədər gözlə.
◼ Sənə doğrudan da lazım olan otağı sifariş et.
◼ Əgər tələb olunursa, hər sifariş olunmuş otaq üçün beh yollamaq lazımdır. Əks təqdirdə sizin otağınız başqa kiməsə təklif oluna bilər.
◼ Birinci sifarişini dəyişmə.
◼ Yığıncağın katibi kitaböyrənmə qruplarının nəzarətçiləri üçün “Məsləhət görülən mənzillərin siyahısı”nın sür’ətini yalnız o zaman çıxara bilər ki, yığıncağın vilayət konqresə tə’yin olunduğu haqda məktubun oxunmalı olduğu həftədə yığıncağın rayon konqresi olsun. Hətta bu zaman belə “Məsləhət görülən mənzillərin siyahısı”nın sür’ətini ayrı-ayrı təbliğçilər üçün çıxarmaq olmaz.
[4 səhifədəki çərçivə]
Mehmanxanada otaq sifariş etməyin ən yaxşı üsulu hansıdır?
1. Mehmanxanalara iş vaxtı zəng elə. “Məsləhət görülən mənzillərin siyahısı”nda göstərilən telefon nömrələrindən istifadə et.
2. Mehmanxana işçilərinə xəbər ver ki, sən Yehovanın Şahidlərinin konqresinə gəlirsən.
3. Mehmanxanada qalacağın müddəti bildir.
4. Əgər mehmanxanada artıq yer yoxdursa, siyahıdakı mehmanxanalardan başqasına zəng elə.
5. Əmin ol ki, sənə otağı “Məsləhət görülən mənzillərin siyahısı”nda göstərilən qiymətə təklif edirlər. Daha baha qiymətə razı olma.
6. Otaq sifariş elə və xahiş et ki, həmin otağın səndən başqa heç kimə verilməyəcəyini təsdiqləsinlər.
7. Beh ödəyərkən müəyyən edilmiş vaxt ərzində pulu bank kartı və ya poçt vasitəsilə göndər. Heç vaxt nəğd pul göndərmə. Nəzərə almaq lazımdır ki, otaqların sifarişi üçün bə’zi mehmanxanalar əlavə pul alırlar.