Teokratik Xidmət Məktəbi bizə faydalı olanı öyrədir
1 Yehovanın xalqının teokratik tə’lim almaq üçün nadir imkanı var (İş. 54:13; Yəh. 6:45). Lakin bu tə’limin bizə fayda gətirməsi nə dərəcədə sə’y göstərməyimizdən asılıdır. Teokratik Xidmət Məktəbinin sənə ruhən inkişaf etməkdə necə kömək etdiyini görürsənmi?
2 Müsbət rə’ylər. Bir çox məktəb nəzarətçiləri qeyd edirlər ki, natiqlik məharətinə dair dərslərə hərtərəfli nəzərdən keçirməyin sayəsində yığıncağın təbliğ xidməti daha da yaxşılaşmışdır. Bundan əlavə bir məktəb nəzarətçisi diqqət yetirmişdir ki, dinləyicilərin Müqəddəs Kitabdan diqqətəlayiq fikirlərin müzakirəsində iştirak etməsi sayəsində, daha çox bacı və qardaşlar Müqəddəs Kitabın oxunması cədvəlinə riayət edirlər. 2 №-li tapşırığa dair isə bir çox qardaşlar qeyd etdilər ki, giriş sözlərin və xülasənin hazırlanmasına vaxt sərf etmədən diqqəti yalnız materialın oxunmasına mərkəzləşdirmək olur, bu isə çox fayda gətirir. İndi, bu tapşırığı alan qardaşlar diqqətlərini daha çox ucadan oxumaq qabiliyyətlərini inkişaf etdirməyə yönəldirlər (1 Tim. 4:13).
3 Hamı fayda əldə edə bilər. Yığıncaq görüşlərində şərhlər verməklə biz çox sevinc əldə edirik (Sül. məs. 15:23). Şifahi təkrar üçün suallar qabaqcadan çap edildiyi üçün biz onlara qabaqcadan hazırlaşa və görüşdə məmnuniyyətlə iştirak edə bilərik. “Gözətçi Qülləsi”nin 2004-cü il 1 yanvar sayından e’tibarən dərc olunan Müqəddəs kitabdan diqqətəlayiq fikirlər rubrikası Teokratik Xidmət Məktəbində Müqəddəs Kitabın oxunması cədvəlinə müvafiqdir. Bu məqalələr bir çoxlarına Müqəddəs kitabdan diqqətəlayiq fikirlər müzakirə olunanda inkişafetdirici şərhlər verməyə kömək edir.
4 Məktəbə yazılanların hər birinin tapşırıqları hazırlamaq və onlarla çıxış etmək üçün gözəl imkanları var. Məktəbin nəzarətçisinin tapşırıqlara dair etdiyi tə’rifdən bizim hamımız faydalana bilərik. O, çıxış edən hər bir bacı və qardaşa yararlana biləcəkləri məsləhətləri görüşdən sonra təklikdə verə bilər. “Teokratik Xidmət Məktəbində tə’lim alırıq” (rus.) kitabının hər fəslinin sonunda verilən tapşırıqlar da əlavə köməkdir.
5 Görüş zamanı və ya ondan sonra diqqətini cəlb edən Müqəddəs Kitab fikirlərini “Xidmət Məktəbi” kitabında qeyd et. Öyrəndiyin şeylər və Allahın verdiyi tə’limin ruhən inkişaf etməkdə sənə necə kömək etdiyinin üzərində düşün.