«Gözətçi Qülləsi» ilə əlaqədar maraqlı dəyişikliklər!
1 Bu ilin əvvəlində bütün yığıncaqlar maraqlı e’lan almışdır: 2008-ci ilin yanvarından e’tibarən «Gözətçi Qülləsi» iki yeni üsulda — biri geniş xalq kütləsi, digəri isə məsihçi qardaşlığı üçün çap ediləcək! Sən soruşa bilərsən: «İki jurnal bir-birindən nə ilə fərqlənəcək? Nə üçün iki müxtəlif nəşr olacaq? Bu nəşrlərdə hər hansı bir yenilik olacaqmı?»
2 Fərqlər. Ayın biri üçün olan say «Kütləvi nəşr» adlanacaq. Bu sayda olan bütün məqalələr geniş xalq kütləsi üçün nəzərdə tutulacaq. Ayın 15-i üçün olan nəşr «Tə’lim nəşri» kimi tanınacaq və təbliğ xidmətində paylanmayacaq. Bu sayda bir ay ərzində öyrəniləcək bütün məqalələr, o cümlədən həsr olunmuş məsihçilər üçün xüsusilə maraqlı olan əlavə məqalələr olacaq. «Gözətçi Qülləsi»nin «Kütləvi nəşr» sayı Şahidlər üçün maraqlı olsa da, əsas e’tibarilə Müqəddəs Kitaba iman edən, amma məsihçi olmayan insanlar üçün nəzərdə tutulub. «Oyanın!» jurnalı isə, əksinə, skeptikləri və başqa dinə qulluq edən insanları da daxil etməklə, geniş kütlə üçün çap ediləcək.
3 Üstünlüklər. «Tə’lim nəşri» sayında, Şahid olmayanların başa düşməsi üçün bə’zi terminlərin, məsələn, «pioner» sözünün izahına ehtiyac olmayacaq. Həmçinin bu nəşrdə olacaq mə’lumatlar xüsusilə Yehovanın Şahidləri və ruhani nailiyyətlər edən Müqəddəs Kitab öyrənmələri üçün hazırlanacaq. Bəs «Kütləvi nəşr» haqqında nə demək olar? Mövzular və yazı üslubu birbaşa geniş xalq kütləsi üçün olduğuna görə, Yehovanın Şahidi olmayanlara bu jurnalı başdan-ayağa oxumaq xoş olacaq. Sözsüz ki, Yehovanın Şahidləri bütün məqalələri oxumaqdan faydalanacaqlar. Təbliğdə hər ay yalnız bir «Gözətçi Qülləsi» və bir «Oyanın!» jurnalı paylayacağımız üçün, ay ərzində effektiv təqdimələr hazırlaya biləcəyik.
4 Yeni səciyyəvi xüsusiyyətlər. «Gözətçi Qülləsi»nin «Kütləvi nəşr» sayı üçün yeni maraqlı rubrikalar planlaşdırılır. Burada, Müqəddəs Yazıların əsas tə’limləri çox sadə üslubda müzakirə olunacaq. Digərində, Müqəddəs Kitabın ailələrə necə kömək etdiyi göstəriləcək. Gənclər üçün Müqəddəs Kitabı öyrənməyə dair planlar olacaq. «Gözətçi Qülləsi»nin hər sayında Müqəddəs Kitabdan müəyyən parçaların köməyilə Yehovanın şəxsiyyətini açıqlayan məqalələr olacaqdır.
5 Yehovaya dua edirik ki, «Gözətçi Qülləsi» üçün olan bu yeni dəyişikliyə xeyir-dua versin. Qoy həmin jurnal «Oyanın!» jurnalı ilə birlikdə, xoş xəbərə layiq olan daha çox insana çatsın (Mat. 10:11).