Yığıncağın kitaböyrənməsi bizə necə kömək edir?
1 Həftə ərzində olan beş görüşümüz keçirilmə tərzi və məqsədində bir-birindən fərqlənir. Buna baxmayaraq, onların hamısı bizə, ‘bir-birimizi məhəbbətə və xeyirli işlərə necə təşviq edəcəyimizin qayğısına qalmağa’ kömək etməkdə vacibdir (İbr. 10:24, 25). Bəs yığıncağın kitaböyrənməsinin özünəməxsus və faydalı sahələrindən bə’ziləri hansılardır?
2 Ruhani inkişafa kömək edir. Kitaböyrənmədə olanların sayı, yığıncağın digər görüşlərində iştirak edənlərin sayından adətən az olur. Bu, ruhani cəhətdən inkişaf etməyimizə kömək edən dostluq münasibətlərinin yaranmasını asanlaşdırır (Sül. məs. 18:24). Sən öz kitaböyrənmə qrupundakı məsihçilərin hər birinə səninlə xidmətə getməyi təklif edərək, onlarla tanış olmağa çalışırsanmı? Həmçinin kitaböyrənmədə imkan yaranır ki, kitaböyrənmənin nəzarətçisi qrupun hər bir üzvünün vəziyyəti ilə tanış olsun və onları ruhlandırsın (Sül. məs. 27:23).
3 Müqəddəs Kitabı öyrətdiyin insanı səninlə kitaböyrənməyə getməyə də’vət edirsənmi? Maraqlanan, amma bizim böyük görüşlərə gəlməyə çəkinən insanlar, xüsusilə də evdə keçirilən kiçik görüşdə özlərini daha sərbəst hiss edə bilərlər. Kitaböyrənmədə olan səmimi mühit həm gənclərin, həm də yeni gələnlərin şərhlər verməsini asanlaşdırır. Bu qrup kiçik olduğu üçün şərhlər verməyə, bununla da Yehovanı izzətləndirməyə daha çox imkanımız yaranır (Məz. 111:1).
4 Kitaböyrənmələr adətən təbliğçilərə münasib olan yerlərdə keçirilir. Kitaböyrənmənin keçirildiyi yer hamıya yaxın olmasa da, tə’yin olunduğumuz kitaböyrənməyə getmək üçün yığıncağın digər görüşlərinə getməkdən daha az məsafə tələb oluna bilər. Kitaböyrənmənin keçirildiyi yer təbliğ görüşü üçün də əlverişli yer kimi istifadə edilə bilər.
5 Xidmətə kömək edir. Kitaböyrənmənin nəzarətçisi hər bir məsihçinin xidmətdə müntəzəm, səmərəli və sevinclə iştirak etməsinə kömək göstərmək marağındadır. Buna görə də, o, xidmətin müxtəlif növündə şəxsən kömək edərək, qrupun hər bir üzvü ilə əməkdaşlıq etməyə sə’y göstərir. Əgər xidmətin xüsusi bir sahəsində, məsələn, təkrar başçəkmədə çətinliyin varsa, öz kitaböyrənmənin nəzarətçisinə bu barədə mə’lumat ver. O, eyni qrupda olduğun təcrübəli təbliğçilərdən birinin səninlə əməkdaşlıq etməsinin qeydinə qala bilər. Kitaböyrənmə nəzarətçisinin görüşü apararkən gözəl tə’limvermə tərzini diqqətlə izləmək sayəsində, sənin Müqəddəs Kitab öyrənməsi keçirmək qabiliyyətin təkmilləşəcək (1 Kor. 4:17).
6 Yığıncağın kitaböyrənməsi doğrudan da xeyir-duadır! Yehovanın məhəbbətlə təqdim etdiyi bu quruluş, yaşadığımız çətin zəmanədə ruhən möhkəm dayanmağımıza kömək edir (Məz. 26:12).
[Öyrənilmə üçün olan suallar]
1. Həftədə keçirilən beş görüş bizə necə kömək edir?
2. Kitaböyrənmənin kiçik qrup olmasının faydası nədir?
3. Kitaböyrənmə Müqəddəs Kitabı öyrənənlərə şərhlər verməyə necə kömək edir?
4. Kitaböyrənmə hansı sahələr üçün münasib ola bilər?
5. Təbliğ xidmətində kitaböyrənmə nəzarətçisindən necə kömək ala bilərik?
6. Biz nə üçün kitaböyrənmədən tam surətdə faydalanmağa çalışmalıyıq?