Yehovanın Şahidlərinin 2008-ci ildə keçiriləcək vilayət konqresi
1 Həvari Pavel ibrani məsihçilərini bir yerə yığışmağa və o günün yaxınlaşdığını gördükləri nisbətdə bir-birlərini «daha çox» ürəkləndirməyə təşviq edirdi (İbr. 10:24, 25). Bir çox sübutlardan görünür ki, Pavelin haqqında danışdığı həmin ‘Gün’ olduqca yaxındır! Buna görə, get-gedə təhlükəli olan ‘axır günlərdən’ bizi keçirə biləcək ruhani tə’limi almaq üçün bacı-qardaşlarımızla bir yerə yığışmaq imkanını hamımız səbirsizliklə gözləyirik (2 Tim. 3:1). Belə imkan 2008-ci ilin vilayət konqresində olacaqdır.
2 Hər üç gündə iştirak et. Biz səni konqresin hər üç günündə iştirak etməyə təşviq edirik. Əgər ‘yığıncaqlarımızı tərk etməsək’ vacib ruhani tə’limi buraxmarıq (İbr. 10:25). Çalış indidən hazırlıq gör. Ola bilsin, bu haqda müdirinə də deyəsi olasan ki, o, müəyyən tədbirlər görə bilsin. Əgər konqres uşaqlarının dərsi ilə üst-üstə düşürsə, müəllimlərinə planların barədə xəbər ver. Qoy onlar bilsinlər ki, konqreslər sənin ibadətinin ayrılmaz hissəsidir. Sən əmin ola bilərsən ki, Yehova Padşahlığı birinci yerə qoymaq sə’yini xeyir-dualandıracaq (Mat. 6:33).
3 İştirak etmələri üçün başqalarına da kömək et. Pavel həmçinin məsihçiləri ‘bir-birlərinin qayğısına qalmağa’ çağırırdı (İbr. 10:24). Kitaböyrənməndə bacı-qardaşlardan kiminsə konqresə getmək üçün köməyə ehtiyacı varmı? Müqəddəs Kitabı öyrətdiyin adama, hətta yalnız bir gün iştirak edə bilsə də, konqresə getməyə kömək edə bilərsənmi? İmanına şərik olmayan ailə üzvlərinə konqreslə bağlı planlarını bildirəndə, onları da də’vət et. Məhəbbətdən irəli gələrək göstərdiyin sə’yin gözlənilməz xeyir-dualar gətirə bilər.
4 Mə’lumatı necə əldə etmək olar? Hər il filiala konqresin harada keçiriləcəyini öyrənmək üçün yüzlərlə zəng daxil olur. Filial bu mə’lumatı bütün yığıncaq katiblərinə göndərir. Xahiş edirik, digər şəhərlərdə konqreslərin harada və nə vaxt keçiriləcəyini öyrənmək üçün filiala zəng etməyə tələsməyin, bu qardaşlara müraciət edin.
5 Əgər sən yığıncağının tə’yin olunduğu konqresə yox, digərinə getməyi planlaşdırırsansa, yerləşdirmə haqda mə’lumatı həmin konqresin bürosuna «Xüsusi tələbatlı şəxslər üçün mənzil sorğusu» blankını göndərməklə ala bilərsən. Tezliklə bu blanklar yığıncaq katiblərinə göndəriləcək. Yığıncağın katibi gedəcəyin şəhərdəki konqres bürosunun ünvanını öyrənməyinə kömək edəcək. Konqres bürosunun sənə cavab yazması üçün məktubla birlikdə markalı konvert və ünvanını göndərməyi unutma.
6 Xüsusi tələbatlar. Əgər təbliğçi yerləşdirilmə ilə bağlı kömək istəyirsə, yığıncağın xidməti komitəsi bu təbliğçiyə «Xüsusi tələbatlı şəxslər üçün mənzil sorğusu» blankını verib-verməməyi qərara almalıdır. Yığıncağın katibi blankı konqresin mənzil şö’bəsinə göndərməzdən əvvəl, blankdakı, həmçinin filialın bütün ağsaqqallar şurasına göndərdiyi 14 dekabr 2007-ci il tarixli məktubdakı göstərişləri nəzərə almalıdır.
7 Yaxşı işlər. Yehovaya ibadət etmək üçün Onun birgə toplaşmaq tapşırığına əməl etməyimiz öz ‘xeyrimizədir’. Daha vacibi isə odur ki, bu bizə Yehovanın adını izzətləndirmək imkanını verir (Yeşaya 48:17). Bizim yaxşı işlərimiz çoxlarına aşkar olduğu üçün vilayət konqresi zamanı bə’zi insanlar öz ürək sözlərini demişdilər (1 Tim. 5:25). Həmişə konqreslərimizin keçirildiyi bir şəhərdə mehmanxana meneceri demişdi: «Şəhərimizdə Yehovanın Şahidləri və konqreslərinizin bizim üçün nə mə’na daşıdığı barədə çox şey danışılır. Sizlərin konqresin keçirildiyi yeri və maşın dayanacaqlarını necə təmizlədiyini bilirik. Bu yay mövsümündə sizi burada görməyə çox şadıq. Ümidvarıq ki, üzümüzə gələn illərdə də sizi mehmanxanamızda görəcəyik». Sonra o, digər qrupların və estrada artistlərinin yaratdığı problemlərdən danışdı və bacı-qardaşların mehmanxanada qaldıqları vaxt ərzində göstərdiyi əməkdaşlıq ruhuna və səbrinə görə tə’rifləyərək əlavə etdi: «Biz arzu edirik ki, bütün qonaqlarımız Yehovanın Şahidləri kimi olsunlar!» Həmimanlılarımızın davranışına deyilən bu kimi tə’rif sözləri Yehova Allahımızın ürəyini necə də sevindirir!
8 İsa demişdi ki, bizim həyatımız ‘Allahın ağzından çıxan hər bir sözə’ qulaq asmağımızdan asılıdır (Mat. 4:4). Hər il keçirilən konqreslərdə Yehova «sadiq və ağıllı qul»un hazırladığı ruhani qidanı «vaxtlı-vaxtında» təqdim edir (Matta 24:45). Bu ruhani ziyafətin hazırlanması və keçirilməsi üçün çox işlər görülür. Gəlin konqresdə iştirak etməklə və proqramın hər bir hissəsinə diqqətlə qulaq asmaqla Yehovanın sevgi dolu qayğısını qiymətləndirdiyimizi göstərək.
[4-cü səhifədəki çərçivə]
Proqramın cədvəli
Cümə və şənbə günləri
9:20 — 16:55
Bazar günü
9:20 — 16:00
[Öyrənilmə üçün olan suallar]
1. a) Nəyə görə Pavelin məsləhətinə riayət etmək indiki dövrdə olduqca zəruridir? (İbranilərə 10:24, 25 ayələrini oxu.) b) Üzümüzə gələn hansı hadisə Pavelin məsləhətinə əməl etmək imkanı verəcək?
2. a) Nəyə görə konqresin hər üç günündə iştirak etmək vacibdir? b) Konqresə indidən necə hazırlaşa bilərsən?
3. Biz başqalarının qeydinə necə qala bilərik?
4. Vilayət konqreslərin harada və nə zaman keçiriləcəyi barədə mə’lumatı necə əldə etmək olar?
5. Əgər biz yığıncağımızın tə’yin olunduğu konqresə yox, digərinə gediriksə, yerləşdirilmə haqda mə’lumatı haradan ala bilərik?
6. «Xüsusi tələbatlı şəxslər üçün mənzil sorğusu» blankı ilə əlaqədar bə’zi xatırlatmalar hansılardır?
7. a) Konqres zamanı Yehovaya necə izzət gətirə bilərik? b) Həmimanlılarımızın nümunəvi davranışı mehmanxana işçilərinə necə tə’sir bağışlamışdı?
8. Matta 4:4 ayəsi proqramın hər hissəsinə diqqətlə qulaq asmağın vacibliyini necə vurğulayır?