Suallar qutusu

◼ Yığıncaqların və ayrı-ayrı şəxslərin Yehovanın Şahidlərinin istifadə etdiyi hüquq korporasiyalarının nişanlarından istifadə etməsi münasibdirmi?

Nişan asan və dəqiq tanınması üçün nəzərdə tutulan ad, simvol və ya markadır. Gözətçi Qülləsinin nişanı təşkilatın istifadə etdiyi Gözətçi Qülləsi, Müqəddəs Kitab və Traktatlar Cəmiyyəti (Pensilvaniya) və başqa korporasiyaları təmsil edir. Yehovanın Şahidlərinin Məsihçi Yığıncağı baş hərflərlə ad və ünvan yazılmış başlıqda açıq Müqəddəs Kitab nişanından istifadə edir. Yehovanın Şahidlərinin istifadə etdiyi digər korporasiyalar başqa nişanlardan istifadə edirlər.

Yığıncaqlar və ya ayrı-ayrı adamlar özlərinin Padşahlıq Zalları, blankları, şəxsi obyektləri və sairə şeylər üçün təşkilatın hüquqi korporasiyalarının ad və nişanlarından, yaxud onlara çox oxşar olan ad və nişanlardan istifadə etməməlidirlər. Təşkilatın nişanlarından bu cür istifadə etmək rəsmi dairələrdə, təbliğçilərdə və başqalarında yığıncağın təşkilatın hüquq korporasiyaları ilə hüquqi əlaqəsi barədə çaşqınlıq yarada bilər. Eyni tərzdə, yazılı məktublaşma yanlış olaraq ümumdünya mərkəzi idarə və ya filiallar tərəfindən təsdiqlənmiş, yaxud göndərilmiş kimi başa düşülə bilər.

Gözətçi Qülləsi nişanı, yaxud onun müxtəlif variantları «Gözətçi Qülləsi» korporasiyasına mənsub olduqda belə, gələcək Padşahlıq Zalları layihələrində istifadə edilməməlidir. Padşahlıq Zalında nişanı olan yığıncaqlardan nişanları və ya layihəni dərhal dəyişdirmək tələb olunmur, çünki bunun üçün köklü surətdə dəyişiklik etmək, vaxt, güc və vəsait sərf etmək lazım gələ bilər. Ancaq əgər xırda dəyişiklik edilə və çox iş görmək lazım gələrsə, onda dəyişiklik haqda düşünmək gərəkdir. Əgər böyük dəyişiklik etmək lazım gələcəksə, bina, yaxud işarənin yeniləşdirilməsi zamanı bunu etmək olar.