İmanına şərik olmayan həyat yoldaşının ürəyinə necə yol tapmaq olar?
1. Nəyə görə yığıncaq məsihçilərin imanına şərik olmayan həyat yoldaşlarının həqiqəti qəbul etmələrinə kömək etmək istəyir?
1 Yığıncağınızda həyat yoldaşı məsihçi olmayan bacı-qardaşlar varmı? Əgər varsa, şübhəsiz, onlar həyat yoldaşlarının həqiqi ibadətdə onlara qoşulmasını çox istəyirlər. Yalnız onlar yox, bütün yığıncaq Allahın arzusunu əks etdirərək ‘hər cür insanın xilas olub həqiqət barəsində dəqiq biliyə yiyələnməsini’ istəyir (1 Tim. 2:4). Məsihçi olmayan həyat yoldaşlarının ürəyinə necə yol tapmaq olar?
2. Məsihçilərin həqiqətdə olmayan həyat yoldaşlarına kömək etmək üçün anlayışlı olmağımız bizə necə kömək edəcək?
2 İlk növbədə, biz hər şeyə həmin adamın gözü ilə baxmağa çalışmalıyıq. Məsihçi olmayan bir çox həyat yoldaşları ailələrini sevir, yaxşı həyat yoldaşı və valideyn olmağa çalışırlar, ancaq onların özlərinin səmimi-qəlbdən inandıqları və bizimkindən fərqlənən dini etiqadları var. Ola bilsin, onların Yehovanın Şahidləri ilə tanışlığı olmayan və ya yanlış məlumatı olan dost-tanışlarının dediklərindən savayı, bizim haqqımızda heç bir məlumatı yoxdur. Bəziləri isə giley-güzar edirlər ki, həyat yoldaşları əvvəllər ailələri ilə keçirdikləri vaxtlarını indi ibadətə sərf edirlər. Anlayışlı olmağımız bizə onlarla xeyirxah və hörmətcil tərzdə davranmağa və onların yanında olanda həddən artıq narahat olmamağa kömək edəcək (Sül. məs. 16:20—23).
3. Bacı-qardaşlarımızın həqiqətdə olmayan həyat yoldaşlarının ürəyinə yol tapmağın ən yaxşı üsulu nədir?
3 Maraq göstər. Həmimanlılarımızın məsihçi olmayan həyat yoldaşlarının ürəyinə, ilk növbədə, Müqəddəs Kitab haqqında danışmaqla yox, öz hərəkətlərimizlə yol tapa bilərik (1 Pet. 3:1, 2). Bu zaman insana şəxsi maraq göstərmək çox vacibdir. Bacılar qardaşların məsihçi olmayan yoldaşlarına, qardaşlar isə bacıların imanlarına şərik olmayan ərlərinə maraq göstərə bilərlər. Onlar bunu necə edə bilərlər?
4. Biz başqalarına necə şəxsi maraq göstərə bilərik?
4 Əgər siz hələ də bacı-qardaşların həyat yoldaşlarından heç kimlə tanış deyilsinizsə, bunu məsihçi həyat yoldaşı ilə məsləhətləşdikdən sonra edə bilərsiniz. Əgər həmin adam sizin bu cəhdinizə laqeydlik göstərərsə, ruhdan düşməyin. Ola bilsin, bizim mehriban olmağımız və şəxsi maraq göstərməyimizin sayəsində o, Yehovanın Şahidlərinə daha xeyirxah münasibət bəsləməyə başlayacaq (Rom. 12:20). Bəzi yetkin məsihçilər belə adamı ailəsi ilə birlikdə nahara dəvət edirlər ki, onunla yaxından tanış olsunlar və onda yaranmış yanlış təsəvvürləri aradan qaldırsınlar. Onlar sırf ruhani mövzular haqda söhbət etmək əvəzinə, onu maraqlandıran şeylər barədə danışırlar. İnsan özünü daha rahat hiss etdikdən sonra isə, ola bilsin, Müqəddəs Kitab haqqında söhbət etmək yerində olardı. Bəlkə, o, həyat yoldaşının nə öyrəndiyini öz gözlərilə görmək, üstəlik, artıq yığıncağın bəzi üzvlərini tanıdığı üçün görüşlərimizdən birinə gəlmək dəvətini qəbul edəcək. Həqiqəti öyrənmək istəməsə də, həyat yoldaşına dəstək olduğu üçün o, tərifə layiqdir.
5. Ağsaqqallar həmimanlıların məsihçi olmayan həyat yoldaşlarının ürəyinə necə yol tapa bilərlər?
5 Xüsusilə də ağsaqqallar həmimanlıların imanlarına şərik olmayan həyat yoldaşlarının ürəyinə yol tapmağa və şahidlik vermək üçün imkanlar axtarmağa çalışmalıdırlar. Onlar ruhani mövzulara maraq göstərməsələr də, xəstəxanaya düşəndə və ya sağlamlıqları ilə bağlı ciddi problemlərlə üzləşəndə Müqəddəs Kitabdan verilən təsəlliyə qulaq asmağa meyilli ola bilərlər. Dini cəhətdən bölünmüş ailələr əzizlərindən kimisə itirəndə və ya hansısa gərginliklər yaşananda ailəyə təsəlli vermək üçün baş çəkən zaman ağsaqqallar məsihçi olmayan həyat yoldaşına da onlarla oturmağı təklif edə bilərlər.
6 Məsihçi olmayan həyat yoldaşları xoş xəbərə hay verib həqiqətə gələndə bacı-qardaşlarımızın duyacaqları sevinci bir təsəvvür edin! Bu cür gözəl hadisənin baş verməsi həmçinin Yehovaya, mələklərə və eləcə də bütün yığıncağa sevinc bəxş edir (Luka 15:7, 10). Lakin məsihçi olmayan insanlar başlanğıcda həqiqətə hay verməsələr də, biz yenə də sevinə bilərik ki, səy göstərməyə davam etməyimiz ‘heç kəsin məhv olmasını istəməyən, əksinə, hamının tövbəyə gəlməsini arzulayan’ Yehovaya xoşdur (2 Pet. 3:9).
6. Məsihçi olmayan həyat yoldaşlarının ürəyinə yol tapmaq nə üçün vacibdir?
[6-cı səhifədəki yazı]
Həmimanlılarımızın məsihçi olmayan həyat yoldaşlarının ürəyinə, ilk növbədə, Müqəddəs Kitab haqqında danışmaqla yox, öz hərəkətlərimizlə yol tapa bilərik