«Müqəddəs Kitabın çatdırdığı xəbər» broşürasından istifadə etməyin üsulu

Təbliğ etdiyimiz ərazidə bir çox insanlar Müqəddəs Kitabla tanış deyillər, xüsusilə də xristian dininə mənsub olmayanlar. Bu kimi insanlarla öyrənən zaman bəzi təbliğçilər Müqəddəs Kitab haqda ümumi anlayışları olsun deyə «Müqəddəs Kitab öyrədir» kitabı ilə yanaşı «Müqəddəs Kitabın çatdırdığı xəbər» broşürasından da istifadə edirlər. Məsələn, bir qardaş «Müqəddəs Kitab öyrədir» kitabının 3-cü fəslini araşdıranda broşüradan 1-ci bölməni də nəzərdən keçirir. Sonra o, hər öyrənmənin axırında diqqəti broşüranın növbəti bölməsinə yönəldir. Sən Müqəddəs Kitab haqda az məlumatı olan və ya ümumiyyətlə, heç bir məlumatı olmayan insanla Müqəddəs Kitab öyrənməsi keçirirsənmi? Onda ona «hikmətli etməyə qadir olan Müqəddəs Yazıları» öyrənməyə kömək etmək üçün «Müqəddəs Kitab öyrədir» kitabı ilə yanaşı «Müqəddəs Kitabın çatdırdığı xəbər» broşürasından da istifadə et (2 Tim. 3:15).