Əgər kimsə deyirsə...

«Milyardlarla insan dirilsə, onların hamısı harada yaşayacaq?»

Orta hesablamalara görə, tarix boyunca yer üzündə 20 milyard insan yaşayıb. Bildiyimiz kimi, onların hamısı dirilməyəcək. Ancaq bu insanların hamısı dirilsə belə, onlar üçün kifayət qədər yer olardı. Hal-hazırda yer kürəsinin quru ərazisinin ümumi sahəsi 147 600 000 kvadrat kilometrə bərabərdir. Bu ərazinin yarısını əkin-biçin işi üçün ayırsaq, onda adambaşına 0,4 hektara yaxın torpaq sahəsi düşür. Bu isə insanların özlərini qida ilə təmin etmək üçün lazım olandan da çoxdur. Hal-hazırda dünyada qida çatışmazlığının səbəbi Yer kürəsinin kifayət qədər qida istehsal edə bilməməsi yox, siyasi münaqişələr və tamahkar iş adamlarının gəlir əldə etmək arzusudur.

«Əgər yeni dünyada heç kəs ölməyəcəksə, bəs bu qədər insan yer üzünə necə sığacaq?»

Yaddan çıxarmamalıyıq ki, Yehova yerə dair niyyətini bəyan edəndə: «Törəyib çoxalın və yer üzünü bürüyüb ona sahib olun», — demişdi (Yar 1:28). Allah insanları dünyaya övlad gətirmək bacarığı ilə yaradıb və Onun bu niyyəti həyata keçəndə O, elə edə bilər ki, insanlar daha doğub törəməsinlər.