Suallar qutusu

◼ Qapı ağzında kiməsə Müqəddəs Kitabı öyrədərkən təbliğçi bacı təbliğçi qardaşın yanında başını bağlamalıdırmı?

Əgər bacı bir insana müntəzəm olaraq Müqəddəs Kitabı öyrədirsə və bu zaman yanında qardaş varsa, o, başını bağlamalıdır (1 Kor. 11:3—10). «Gözətçi qülləsi»nin 2002-ci il 15 iyul sayının 27-ci səhifəsində (rus.) deyilir: «Bu, qabaqcadan planlaşdırılmış dərsdir və belə vəziyyətdə dərs keçən adam, demək olar ki, aparıcı qismində çıxış edir. Belə olan halda öyrənmə yığıncaq tədbiri hesab olunur. Əgər vəftiz olunmuş bacı vəftiz olunmuş qardaşın yanında kiminləsə belə öyrənmə keçirirsə, o, başını bağlamalıdır». Eynilə, bacı vəftiz olunmamış təbliğçi qardaşla kiməsə dərs keçəndə də başını bağlamalıdır. Müqəddəs Kitab öyrənməsinin evdə, qapı ağzında və ya başqa yerdə keçirilməsindən asılı olmayaraq, bacı qardaşın yanında başını bağlamalıdır.

Amma əgər müntəzəm olaraq dərs keçirilmirsə və bacı təkrar başçəkmə zamanı Müqəddəs Kitab öyrənməsi keçirməyin üsulunu göstərirsə və ya dərs vəsaitlərindən birindən müəyyən qədər materialı nəzərdən keçirirsə, qardaşın yanında başını bağlamağına ehtiyac yoxdur. Qapı ağzında Müqəddəs Kitab öyrənməsi tədricən, bir neçə təkrar başçəkmə sayəsində ərsəyə gəldiyi üçün təbliğçi şəraiti nəzərə almalı və nə zaman baş örtüyündən istifadə edəcəyinə müdrikliklə qərar verməlidir.