Əgər kimsə deyirsə...

«Əgər kimsə deyirsə: “Yaxşısı budur, gedib insanlara (cəmiyyətə) xeyri dəyən bir işlə məşğul olasınız”»

Belə demək olar: «Görürəm ki, siz insanların yaxşı yaşamasını istəyirsiniz. Mən də bunu istəyirəm. Sizcə, ilk növbədə, hansı problemi aradan qaldırmaq lazımdır?» Sonra əlavə etmək olar: «Bəs nəyə görə bu problemi həll etmək vacibdir? [Cavab verməsinə izin ver.] Yəqin ki, dərhal nəsə bir tədbir görülsə, bir xeyri dəyər. Ancaq razılaşarsınız ki, biz bu məsələdə köklü surətdə dəyişiklik edildiyini görmək istəyərdik. Yehovanın Şahidləri olan bizlər bu problemin həllinə məhz belə yanaşırıq. (İnsanlara Müqəddəs Kitab prinsiplərini həyatlarına tətbiq etməklə problemlərinin kökünü müəyyən etmələrinə necə kömək etdiyimizi izah et. Həmçinin Allahın Padşahlığının edəcəyi işlərdən və bunun sayəsində bu problemin hamı üçün birdəfəlik necə aradan qalxacağından danış.)».

Yaxud belə demək olar: «(Yuxarıdakı bəzi fikirləri müzakirə etdikdən sonra) Kimsə cəmiyyətin vəziyyətini yaxşılaşdırmaq üçün öz cibindən xərcləyir, başqa birisi isə təmənnasız hansısa işi görür. Yehovanın Şahidləri bunun hər ikisini edirlər. İcazə verin izah edim». Sonra əlavə etmək olar: 1) «Əgər kimsə Yehovanın Şahidi olmaq istəyirsə, o, dürüst şəkildə vergiləri ödəməlidir. Bunun sayəsində dövlətin büdcəsinə pul gəlir və əhaliyə lazımi xidmətlər göstərilir». 2) «Bununla yanaşı, biz insanların evlərinə gedir və onlara pulsuz Müqəddəs Kitab öyrənməsi təklif edirik. Müqəddəs Kitabda nə deyildiyini öyrəndikcə onlar oradakı prinsipləri həyatda tətbiq etməyi və öz problemlərini həll etməyi öyrənirlər».