«Müqəddəs Yazıları hər gün araşdırın» broşüründən bəhrələnirsiniz?

Gündəlik ruhani fəaliyyətinizə «Müqəddəs Yazıları hər gün araşdırın» broşüründən günün ayəsini və şərhi oxumaq daxildir? Əgər belə deyilsə, bu gündən oxumağa başlaya bilərsiniz? Çoxları gündəlik ayəni səhər-səhər oxuyur ki, oxuduqları fikirlər barədə gün ərzində düşünsünlər (Yş 1:8; Zb 119:97). Bəs gündəlik ayədən daha çox fayda əldə etmək üçün nə edə bilərsiniz? Ayənin kontekstini oxuyun. Müqəddəs Kitabdan gündəlik ayədə vurğulanan prinsipə uyğun gələn əhvalatı yadınıza salın. Sonra həmin prinsipi həyatınızda tətbiq edin. Qərarlarınızı Allahın Kəlamına əsasən versəniz, bu Kəlam sizə həyatda bələdçi olacaq və xeyir tapacaqsınız (Zb 119:105).

Bütün dünyada Beytel ailəsi səhərlər «Müqəddəs Yazıları hər gün araşdırın» broşürünü oxuyur. Son illər səhər ibadətindəki çıxışların bəziləri JW televiziyasında^® RPOQRAM VƏ TƏDBİRLƏR bölməsində yerləşdirilir. Sonuncu dəfə nə zaman onlardan birinə, yaxud bir neçəsinə baxmısınız? Bəlkə də, bəzilərində məhz sizə lazım olan fikirlər səslənib. Məsələn, Lutun əhvalatı qərarlarınıza necə təsir edə bilər?

«DÜNYANI SEVMƏYİN (1YH 2:15)» ADLI VİDEOYA BAXANDAN SONRA NÖVBƏTİ SUALLARA CAVAB VERİN:

• Səhər ibadətindəki çıxışda Müqəddəs Kitabdakı hansı prinsipdən danışılırdı?

• Lutun əhvalatı dünyanı və ya dünyadakı şeyləri sevməyin aqibətini necə göstərir? (Yr 13:12; 14:12; 19:3, 12, 13, 24—26)

• Bu dünyanı, yaxud dünyadakı şeyləri yox, Yehovanı sevdiyimizi necə göstərə bilərik?