Müqəddəs Kitab dərsi haqda videolardan yararlanın

Müqəddəs Kitab dərsi barədə dörd video var. Onların hər biri konkret bir məqsədə xidmət edir.

• 

  «Müqəddəs Kitabı öyrənmək nəyə görə vacibdir? Tam versiya». Dini etiqadından asılı olmayaraq, insanda Müqəddəs Kitaba maraq oyatmaq üçündür. İzləyicini həyati vacib suallara Müqəddəs Kitabda cavab axtarmağa təşviq edir və bu kimi suallardan birinə qısa cavab verilir. Videoda Müqəddəs Kitab dərsi üçün müraciət etməyin üsulu göstərilir.

• 

  «Müqəddəs Kitabı öyrənmək nəyə görə vacibdir?» (qısa versiya). Tam versiyanın eynisidir. Sadəcə onun üçdə biri qədərdir. Bu video insanların vaxtının az olduğu ərazilər üçün əlverişlidir.

• 

  «Müqəddəs Kitab dərsləri necə keçirilir?» İnsanda Müqəddəs Kitab dərsinə maraq oyatmaq üçün nəzərdə tutulub. Videoda dərslə bağlı bəzi suallara cavab verilir və dərs üçün müraciət etməyin üsulu göstərilir.

• 

  «Müqəddəs Kitab dərsi ilə tanışlıq». Bu video Müqəddəs Kitab dərsinə başlayan insana göstərilir. Video «Əbədi xoşbəxt həyat!» kitabının ikinci səhifəsində təqdim olunsa da, onu «Əbədi xoşbəxt həyat!» broşürünü araşdıranda da göstərmək olar. Videoda kitabın məzmunu nəzərdən keçirilir və dərsin necə keçirildiyi izah olunur.

Hər videonun öz məqsədi olsa da, yeri düşəndə hər birini kiməsə göstərmək və ya göndərmək olar. Yaxşı olar ki, təbliğçilər bu videolarla yaxşı tanış olsunlar və xidmətdə onlardan istifadə etsinlər.