Videofilmlər həqiqət haqqında şəhadət edir
1 “Oğlumuz bu filmə baxmağa, yeriməyi öyrənməzdən əvvəl başlayıb. O bu filmə dəfələrlə tamaşa edib. Uşaqlarımıza Yehovaya məhəbbət hissi aşılayan gözəl vəsaitlərə malik olmaq son dərəcə xoşdur!” Məsihçi valideynlər hansı film haqqında yazırlar? Söhbət “Nuh. O, Allahın yolu ilə gedirdi” (ing.) adlı filmdən gedir. Yehovanın Şahidi olmayan bir qadın, oğlu haradasa Nuh haqqında filmə baxdıqdan sonra, filiala 90 dollar məbləğində ianə göndərmiş və uşaqlar üçün başqa filmlərimizin olub–olmadığı ilə maraqlanmışdır. Yehovanın cəmiyyətinin istehsal etdiyi filmlər həm uşaqlara, həm də böyüklərə güclü tə’sir bağışlayır.
2 Ailədə. Bir məsihçi ailəsi “Yehovanın Şahidlərinin nasizm qarşısında göstərdikləri mərdlik” filminə baxdıqdan sonra ailədəki ana demişdir: “Mən bütün günü, Yehovanın sadə adamlara son dərəcədə ağır sınaqlara tab gətirməkdə necə kömək etdiyinin üzərində düşündüm. Bu haqda düşünməyim mənə xatırlatdı ki, o sınaqlarla müqayisədə mənim şəxsi problemlərim olduqca cüz’idir. Qızlarım isə bu filmin köməyilə Yehovaya güvənməyin vacib olduğunu daha aydın dərk etdilər. Bu film haqqında ərimlə birgə qızlarımızla etdiyimiz söhbət, onları, həyatda qarşılaşa biləcəkləri çətinliklərə və təzyiqlərə dözməyə hazırladı”.
3 Məktəbdə. Gənc Şahid Nasizm dövründə kütləvi qırğına mə’ruz qalanlar haqda çıxışının bir hissəsi kimi, sinifdə “Mərdlik” filmindən bir parça nümayiş etdirdi. Əvvəllər müəllimə deyirdi ki, Şahidlərdən xoşu gəlmir. Lakin filmə baxdıqdan sonra o e’tiraf etdi: “Bu film, Yehovanın Şahidləri haqqında olan nöqteyi–nəzərimi tamamilə dəyişdi. Söz verirəm ki, növbəti dəfə onlarla görüşəndə, mən onları dinləyəcəm və Müqəddəs Kitabı öyrənməyə başlayacağam!” Müəllimənin bizim haqqımızda fikrini dəyişən nə oldu? Onun sözlərinə görə Şahidlərin “həqiqi məhəbbəti və sadiqliyi”.
4 Xidmətdə. Bir bacı, bizim və imanımız haqda sualları olan, lakin ədəbiyyat götürməyə ehtiyat edən qadına rast gəldi. Növbəti dəfə bacı özü ilə “Yehovanın Şahidləri. Adına layiq təşkilat” adlı videofilmi gətirib, qadına və onun ərinə göstərdi. Bu film hər ikisinə yaxşı tə’sir bağışladı və onlar Müqəddəs Kitabı öyrənməyə başladılar. Həqiqəti dərk edərkən, onlar Allahın iradəsinə müvafiq olaraq yaşamağa başladılar.
5 Cəmiyyətin videofilmlərindən tam surətdə sən də istifadə edirsənmi?