Dobo Dobo Ka Ayɔru Sãawa Gãa Kɔ̃sunu

Setam kĩ a n dobo dobo mɔ̀. Ba dabia be ba ra sikadobu yãkunu kue ǹ kun mɛ hundeban sɔ̃ bu ka ben tii kɔ̃sa gbarari. Ba ra ye koowa yen sɔ̃ ba hundeban dunian dam bɛrum mɔwɛ. Ba ra taabunu ǹ kun mɛ bɔki timginu dewe. Bu “tim” nɔ ǹ kun mɛ bu tii wisi ben wasi sɔɔ yen sɔ̃ ba naanɛ doke ma nu sinaru mɔ. Gabu ba ra gãanu bere ben dia sɔɔ ǹ kun mɛ bu sike temɔ yen sɔ̃ ba tamaa nu dam mɔ ye ya koo ka be gbara. Gabu ba ra n dobo dobon “tim” mɔ yen sɔ̃ ba naanɛ doke mɛ ya koo be somi bu ka gobi wa ben sɔmburu sɔɔ, bu ka garasa wa keu dirɔ, ǹ kun mɛ bu ka kĩru wa.

A ka Setam yakurari, a Yehofa kowo wunɛn bɔrɔ. Yehofa Gusunɔ ka win maleekaba ba dam mɔ n kere Setam ka win wɛrɛkunu giru. (Yakɔbu 2:19; Kãsiru 12:9) Yehofa u kĩ ka gem u win dam sɔ̃ɔsi win bɔrɔban sɔ̃ — be ba sãa win naanɛgibu ka ben gɔ̃ru kpuro.—2 Bandun Gari 16:9.

Gusunɔn Gari ya nɛɛ : ‘I ku ra dobo dobo ko.’ Yehofa u dobo dobo ka ayɔru taarɛ wɛ̃ yen sɔ̃ be ba ye mɔ̀ ba koo kpĩ ba tii doke Setam Diabelun dam swaa sɔɔ.—Sãarun wooda 19:26 (saa NW).