Gusunɔn Bɔrɔ Ba Ra Gãa Kɔ̃sunu Dɛsirasiewa

Setam u ra tɔmbu kɔkirimɔ bu ka gãa kɔ̃sa ko. Tɔnu wi u kĩ u n sãa Gusunɔn bɔrɔ, n weenɛ u n tusa ye Gusunɔ u tusa. (Womu 97:10) Gãa ni Gusunɔn bɔrɔ ba dɛsirasia ni wee:

Kɔ̃ɔ mɛnnabun durum. “I ku ra sakararu ko.” (Yaribu 20:14) Ya ǹ wã sà n kɔ̃ɔ mɛnnabu mɔ̀ sere su ka suanaa ko.—1 Korinti 6:18.

Tam nɔrubu. “Tam nɔrobu . . . ba ǹ ayeru wasi” Gusunɔn bandu sɔɔ.—1  Korinti 6:10.

Tɔn goberu, guran goberu. “I ku ra tɔnu go.”—Yaribu 20:13

Gbɛna. “I ku ra gbɛni.”—Yaribu 20:15

Weesu. Yehofa u “weesu” tusa.—Mɔnnu 6:17.

Dam dibu ka mɔru ka gaya sariru. Wi u dam dibu kĩ, Yehofa u nùn tusa gem gem. (Womu 11:5) “Mɔru” ya sãawa wasin kookosun teeru.—Galati 5:19, 20.

Tɛtɛ tobu. “I ku ka goo mɛnna . . . ù n sãa . . . binɛgii.”—1 Korinti 5:11.

Bwese ganu ka tɔn tukunun tusiru. “I bɛɛn yibɛrɛba kĩru sɔ̃ɔsio, kpa i kanaru ko be ba bɛɛ nɔni sɔ̃ɔmɔn sɔ̃.”—Mateu 5:43, 44.

Ye Gusunɔ u sun sɔ̃ɔmɔ sãawa bɛsɛn gean sɔ̃. N ǹ baadomma faara sãa sà n kĩ su gãa kɔ̃sunun kobu dɛsirasia. Ka Yehofan somiru ka win Seeda diobun somiru, kaa kpĩ a gãanun kobu ni Gusunɔ kùn kĩ dɛsirasia.—Esai 48:17; Filipi 4:13; Heberu 10:24, 25.