Gusunɔn Bɔrɔ Ba Ra Gãa Geenu Ko

Sanam mɛ a bɔrɔ mɔ wi a bɛɛrɛ mɔwɛ, n weenɛ a hania ko a n ka sãa nde win tii. Bibeli ya nɛɛ ma Yehofa u “sãawa tɔn geo” ka “gemgii.” (Womu 25:8) Sà n kĩ sa n sãa Gusunɔn bɔrɔba, n weenɛ sa n sãawa tɔn geobu ka gemgibu. Bibeli nɛɛ : “Yèn sɔ̃ i sãa bii be Gusunɔ u kĩ, i hania kowo i n ka mɔ̀ nge wi. I de bɛɛn wãarun kookosu su n kĩru mɔ.” (Efesu 5:1, 2) Nge mɛ kaa kpĩ a ye ko wee:

A tɔn gabu somiɔ. “Su baawure durom kua.”—Galati 6:10.

A sɔmburu kowo gem gem. “Wi u ra raa gbɛni u ku maa gbɛni adama u doo u ka win nɔma sɔm geeru ko.”—Efesu 4:28.

A ko wunɛn daa ka wunɛn wasi yi n dɛɛre baadomma. “Su tii sãrasia saa gãanu kpuron di ni nu wasi ka hunde disinu tɛɛnimɔ, kpa sa n dɛɛraru sosimɔ Gusunɔn nasiaru sɔɔ.”—2 Korinti 7:1.

A kĩru ka bɛɛrɛ sɔ̃ɔsio wunɛn dusibu sɔɔ. “I de durɔ baawure u n win kurɔ kĩ nge win tii, kpa kurɔ baawure u n win durɔn bɛɛrɛ yɛ̃. Bɛɛ bibu i bɛɛn mɔwɔbu mɛm nɔɔwɔ.”—Efesu 5:33-6:1.

A kĩru sɔ̃ɔsio gabun sɔ̃. “I de su kĩana, domi kĩra naamɔwa saa Gusunɔn min di.”—1 Yohanu 4:7.

A tem mi a wãan woodaba mɛm nɔɔwɔ. “Baawure u n tem yɛ̃robu wiru kpĩiyɛ . . . I baawure kɔsio ye n ka nùn weenɛ. I bu wɔ̃ɔ gobi kɔsio be n weenɛ i kɔsia.”—Romu 13:1 7.