A Sɔ̃sio Mɛ A Gusunɔ Kĩ

À n kĩ a bɔrɔ nɛni, n weenɛ a ka wi gari ko. À n nùn swaa daki, u koo nun swaa daki. A maa ka gabu gãa geenu gerua wunɛn bɔrɔ sɔɔ. Nde mɛya à n ka Gusunɔn bɔrɔ gɔsia. A ye Bibeli nɛɛ ye sɔɔ mɛɛrio:

A ka Yehofa gari kowo baadomma kanaru sɔɔ. “I ku wasira ka kanaru.”—Romu 12:12.

A Gusunɔn Gari gario, Bibeli. “Gusunɔn gari kpuro yi weewa saa Gusunɔn min di. Yi maa arufaani mɔ yi ka gem sɔ̃ɔsi, kpa yi ka tɔnu win toranu sɔ̃ɔsi, kpa yi ka nùn sɛɛyasia.”—2 Timɔte 3:16.

A gabu sɔ̃ɔ Gusunɔ sɔɔ. “I doo bwesenu kpuron mi, kpa i bu ko nɛn bwãabu . . . Kpa i de ye na bɛɛ sɔ̃ɔwa ba n ye kpuro mɛm nɔɔwammɛ.”—Mateu 28:19, 20.

A ka Gusunɔn bɔrɔba turuku ko. “Wi u ra bwisigii bere, u koo bwisi wa.”—Mɔnnu 13:20.

A doo mɛnnɔsuɔ Bandun Yeru sɔɔ. “Su laakari kuana kpa su dam kɛ̃ɛna, sa n ka kĩru sɔ̃ɔsimɔ kpa sa n sɔm geenu mɔ̀ . . . Su dam kɛ̃ɛna.”—Heberu 10:24, 25.

A wunɛn somiru wɛ̃ɛyɔ Bandun sɔmburun sɔ̃. “N weenɛ baawure u wɛ̃ nge mɛ u gɔ̃ru doke, n ǹ mɔ ka gɔ̃ru swiini, ǹ kun mɛ, ka tilasi. Domi wi u wɛ̃ɛmɔ ka nuku tia, Gusunɔ u yɛ̃ro kĩ.”—2 Korinti 9:7.