SƆ̃ƆSI 02
Bibeli ya yĩiyɔbu kɛ̃mɔ
Tɔn dabinu handunia sɔɔ ba wahala mɔ̀ ya dera ba nuki sankire, ba wurure, ma ba wuriribu nɔɔmɔ. Yen bwesera nun deemare? Sɔrɔkudo a wahala mɔ̀ yèn sɔ̃ a barɔ ǹ kun mɛ wunɛn kĩnasi goo u gu. Sɔrɔkudo a tii bikiamɔ, ‘Wãaru ta koo ra na tu wɛ̃ra?’ Bibeli ya gari yin wisi geebu wɛ̃ɛmɔ.
1. Yĩiyɔ birà Bibeli ya sun wɛ̃ɛmɔ?
Bibeli ya sun tubusiamɔ min di wahala be ba wee, ya maa sun dabaaru gea nɔɔsiamɔ ma saa fiiko sɔɔ Gusunɔ u koo wahala be wĩa. Bibeli ya nɔɔ mwɛɛru kua ma Gusunɔ u koo de ye sa “yĩiyɔ yu sun koora sia” (A Yeremi 29:11, 12 gario.) Yĩiyɔ bi bu koo kpĩ bu sun somi su ka bɛsɛn wahalaba tɛmana kpa sa n ka nuku dobu mɔ saa tɛ̃n di. Nɔɔ mwɛɛ ni nu maa sun siremɔ ma sa ko sa n nuku dobu mɔ sere ka baadommaɔ.
2. Amɔsunwa Bibeli ya nɛɛ sia ya ko n sãa?
Bibeli ya tubusia mɛ sia wãara ko n sãa saa ye “Gɔɔ kun ko n maa wãa ka win nuku sankiranu, ka wuriribu.” (A Kãsiru 21:4 gario.) Wahala be ba tɔmbu nɔni sɔ̃ɔmɔ gisɔ, wahala nge sãaru, gem sariru, bararu, ka gɔɔ kun ko n maa wãa. Bibeli ya nɔɔ mwɛɛru kua ma tɔmba koo kpĩ bu wãaru te ta ku ra kpe di alusanna sɔɔ temɔ.
3. Amɔsunwa kaa kpĩ a n sire ma Bibelin nɔɔ mwɛɛnu nu koo yibiara?
Tɔn dabina ra n gãa geenu yĩiyɔ, adama ba ǹ kpɛ̃ ba n sire ma nu koo ra na nu yibiara. Adama n ǹ tia ka nɔɔ mwɛɛ ni Bibeli ya kua. Sa koo kpĩ su bɛsɛn naanɛ bani ye Bibeli ya gerumɔ sɔɔ sa n da “Gusunɔn gari wɛ̃ɛri.” (Gɔrobun Kookoosu 17:11) A n Bibelin keu mɔ̀ kaa kpĩ a ka tii gɔsi à n kaa naanɛ ko ye Bibeli ya gerumɔ sia sɔɔ.
A SƆ̃ƆSI TE DUKIASIO
A nɔɔ mwɛɛ nin ganu wɛ̃ɛrio nì n gari Bibeli ya kua sia sɔɔ. A mɛɛrio mɛ yĩiyɔ bi Bibeli ya kɛ̃mɔ ya tɔmbu somimɔ gisɔ.
4. Bibeli ya nɔɔ mwɛɛru kua ma sa koo kpĩ su wãaru nɔru sari di mi wahala sari
A nɔɔ mwɛɛ nini mɛɛrio ni nu wãa Bibeli sɔɔ. Nɔɔ mwɛɛ nin nirà a kĩru bo? Mban sɔ̃?
A Bibelin naa si gario si ba yorua nɔɔ mwɛɛ nin biru, kpa a bikia bini wisi:
Bibeli n naasi su ka nun arufaani naawa? Su koo kpĩ su wunɛn yɛnugibu ka wunɛn bɔrɔba yĩiyɔbu kɛ̃?
A bwisikuo ma a wãa wãaru sɔɔ mi
GOO KUN MAA WAHALA MƆ̀ GÃA NININ SƆ̃ . . . |
BAAWURE U KOO GÃA NININ BARUKA DI . . . |
|---|---|
|
|
|
|
|
|
|
|
|
|
5. Bibelin nɔɔ mwɛɛnu nu koo kpĩ nu bɛɛn wãaru kɔsi
Tɔn dabina ra n nuki sankire, ben gaba ra n mam mɔru sãa wahala ye ba waamɔ ya kooramɔ ben bɔkuɔn sɔ̃. Gaba hania mɔ̀ too bu ka gãanu kɔsi nu wɛ̃ra. A mɛɛrio mɛ Bibelin nɔɔ mwɛɛ te ta nɛɛ gãanu kpuro nu koo wɛ̃ra ta tɔn dabinu faaba mɔ̀ saa tɛ̃n di. A FIDEO yeni mɛɛrio, yen biru i wesianɔ gari bikia bini sɔɔ.
Fideo ye sɔɔ gem sarirun kom mɛrà mu Rafika bitani mɔ̀?
Baa ka mɛ gem sari te u raa waamɔ ta ǹ doonɛ, amɔsunwa Bibeli ya wi somi?
Yĩiyɔ bi Bibeli ya sun kɛ̃mɔ bu koo sun somi su ka dam sariru tabu ko kpa su ka bɛsɛn wahalaba kamia. A Mɔnnu 17:22 ka Romu 12:12 gario, yen biru i wesianɔ gari bikia bini sɔɔ:
À n ye Bibeli ya gerumɔ sia sɔɔ naanɛ sãa, ya koo kpĩ yu wunɛn wãaru kɔsi tɛ̃n di? Mban sɔ̃?
GABA RA NƐƐ: “Bibelin nɔɔ mwɛɛnu sia sɔɔ, nin buram banda nun ka sãa gee.”
Mban sɔ̃na ya sãa gãa girinu a ka tii gari yin sirebu wɛ̃ɛri?
MBA A GIA
Bibeli ya nɔɔ mwɛɛ dabinu mɔ sia buran sɔ̃, yeni ya sun yĩiyɔbu kɛ̃mɔ ma ya bɛsɛn wãaru wɛ̃rasiamɔ tɛ̃n di.
Mba kaa wisi
Mban sɔ̃na tɔmba yĩiyɔbun bukata mɔ?
Mba Bibeli ya gerumɔ sia sɔɔ?
Amɔsunwa à n yĩiyɔbu mɔ sia sɔɔ, ya koo nun somi saa gisɔn di?
A WƐ̃ƐRIO
A mɛɛrio mɛ yĩiyɔba koo kpĩ bu nun somi wahala sɔɔ.
“Yĩiyɔbu—Magia kaa kpĩ a bi wa” (Réveillez-vous!, 22 avril 2004)
A mɛɛrio mɛsum yĩiyɔbu sia sɔɔ bu tɔmbu somimɔ ba ka bara gɔburu tɛmanamɔ.
“Bara gɔburu tà n nun wãasi Bibeli ya koo kpĩ yu nun somi?” (Yirikisin kpararu)
Saa ye a fideo ka dɔsa yeni mɛɛrimɔ a tii bwisikuo wunɛ ka wunɛn yɛnugibu i wãa geeru dimɔ arusanna sɔɔ tèn nɔɔ mwɛɛru Bibeli ya kua.
A mɛɛrio mɛsum durɔ goo wi u tɔmbu sannammɛ n wãara kɔsa saa ye sɔɔ u Bibelin nɔɔ mwɛɛnu gia.
“Na ǹ maa bwisikure ma kon handunia kɔsi” (La Tour de Garde, 1er juillet 2013)