Sungkunsungkun Na Dialusi Bibel
Aha do panghirimon tu jolma di ari na naeng ro?
Songon dia do hamatean ni jesus boi mambahen jolma asa masihaholongan?
Godang do hamajuon di parbinotoan na binahen ni jolma saonari on. Alai boi do nasida mambahen jolma asa marsihaholongan? Daong. Saonari on, portibi on dirajai angka jolma na holan manghaholongi dirina jala pangahut. Alai disuriranghon Debata do ari na naeng ro na dumenggan tu sude jolma.—Jaha 2 Petrus 3:13.
Disuriranghon Bibel do na laho masihaholongan ma sude jolma di ari na naeng ro. Dame ma hilalaon ni sude angka jolma disi jala ndang adong be halak na laho parohon jea tu nasida.—Jaha Mika 4:3, 4.
Songon dia do boi marujung angka parange na manghaholongi dirina sandiri?
Tingki ditompa Debata jolma ndang adong dope parange na manghaholongi dirina sandiri. Alai ala ndang mangoloi Debata gabe ndang tipak be jolma na parjolo i, parange on ma na tatean sian nasida. Alai ujungna bahenon ni Debata ma muse tipak jolma marhitehite Jesus.—Jaha Rom 7:21, 24, 25.
Hombar tu lomo ni roha ni Debata, dilehon Jesus do dirina gabe tobusan na laho manesa panghorhon ni dosa jolma na parjolo. (Rom 5:19) Marhite songon i ma Jesus mambahen saut sangkap ni Debata i ma hangoluan na so adong be parange na manghaholongi dirina sandiri.—Jaha Psalmen 37:9-11.