Boi do Muse Normal Situasitta? Songon dia do Bibel Boi Mangurupi Hita Dukkon Sae Pandemi?

“Sude do hita berharap asa mulak normal muse situasitta on.”—Si Angela Merkel, sahalak rektor di Jerman.

Pasti sude do hamu setuju tu hatana i, ala memang sude do halak di portibi on merasahon dampak ni pandemi virus corona. Alai aha do artina situasi “normal”? Aha do huroa na diharappon akka halak dung pandemi?

• Boi muse nasida mangulahon ulaonna dos songon sebelum pandemi. Piga-piga halak berharap boi muse nasida pajuppang dohot halak na asing jala rap bergaul, marsihaolan, jala marsijalangan. Lomo do roha ni nasida boi muse mardalani. Dr. Anthony Faucia mandok, “Akka halak merasa molo didok mulak tu situasi normal, berarti boi muse nasida lao tu restoran, tu bioskop, dohot tu akka tempat umum na asing.”

• Boi memperbaiki situasi ni ngolu ni nasida. Piga-piga halak merasa molo boi “normal” muse situasi, on sada kesempatan do di nasida lao memperbaiki situasi ni ngoluna. Nasida merasa saonari on, godang do halak habis tenaga dohot tikkina di parkarejoan, godang na dianggap rendah alani beda suku manang status sosial, jala lam godang do halak saonari na marsahit mental. Jadi porlu do adong perubahan situasi. Si Klaus Schwab pendiri Forum Ekonomi Dunia mandok, “Pandemi on sada kesempatan na unik do, na mangalehon tu hita tikki lao mamikkirhon parngoluotta dohot aha na lao tacapai di portibi on, na mangonjar rohatta mambahen perubahan. Jala holan sahali on do kesempatan sisongon on.”

Alai na asing merasa nungnga hancur ngolu ni nasida dibahen pandemi. Jadi dang masuk akkal be di nasida berharap boi muse mulak situasi ni nasida gabe “normal”. Misalna godang do sian nasida dipecat sian parkarejoan, dang adong be jabuna, marsahit, jala na upparah adong do sian nasida na mate keluargana.

Memang dang adong halak na mamboto songon dia situasi ni portibi on dung sae pandemi. (Parjamita 9:11) Alai Bibel boi do mangurupi asa denggan cara pandangta taringot ari na naeng ro, jala boi do i mangurupi hita mangatasi aha na lao masa dung sae pandemi. Tarlumobi nungnga adong dipaboa di Bibel na massai denggan do parngoluotta di ari na naeng ro, lobi sian na boi tabayakkon.

Cara pandang na sittong taringot pandemi COVID-19

Nungnga leleng disurat di Bibel na lao masa “sahit di godang inganan” saleleng “panutup ni jaman on”. (Lukas 21:11; Mateus 24:3) Jadi sian ayat on boi ma taboto pandemi virus corona on, i ma sada sian akka peristiwa na penting na disurat di Bibel na lao terjadi, termasuk ma i porang, gempa bumi, dohot maol mangalului sipanganon.

Songon dia do on bermanfaat tu hamu: Bisa jadi lam denggan do situasitta dung pandemi. Alai porlu do taingot hata ni Bibel na mandok molo hita saonari mangolu di “tikki hasusaan di ari parpudi”. (2 Timoteus 3:1) Jadi dung taboto on, gabe boi ma tabahen rencana na masuk akkal tu ari na naeng ro nang pe hita mangolu di tikki na susa.

Jadi songon on ma cara pandang na sittong na sian Bibel: Nang pe lam godang masa hasusaan di portibi on, alai satokkin nai lao masa do perubahan na massai balga di portibi on. Perubahan na songon dia do maksudna?

Peristiwa luar biasa na masa dukkon pandemi

Dang holan akka hasusaan na masa saonari na disurat di Bibel. Alai dipaboa do di Bibel na lao masa akka peristiwa luar biasa na mambahen lam denggan situasi ni portibi on. Jala akka peristiwa on dao do undenggan sian na boi dibahen pamarettaon ni jolma, ai holan Debata do na sanggup mambahen i terjadi. “Apusan ni Debata ma nasa ilu-ilu sian mata ni nasida. Dang adong be hamatean nang arsak ni roha, nang angguk-angguk, nang na haccit, dang disi be.”—Pangungkapon 21:4.

Marjanji do Debata Jahowa,b “Ida ma! Hupaimbaru do saluhutna.” (Pangungkapon 21:5) Na lao dipasae Ibana do sude masalah na di portibi on, termasuk ma i situasi na parah dibahen pandemi. Akka on ma na lao bahenonna masa:

• Gabe sempurna ma hita, sehat secara fisik dohot mental, dang adong be penyakit dohot hamatean.—Jesaya 25:8; 33:24.

• Tadapot ma parkarejoan na mambahen hita puas, dang parkarejoan na mambahen hita loja manang marsak.—Jesaya 65:22, 23.

• Dilehon do sude na porlu di jolma, dang adong be na pogos dohot halak na maol mangalului sipanganon.—Psalmen 72:12, 13; 145:16.

• Dipamalum ma lungun ni rohatta alani trauma di tikki naung salpu, taida ma muse mulak mangolu halak naung mate.—Jesaya 65:17; Ulaon ni Apostel 24:15.

Songon dia do on bermanfaat tu hamu: Bibel mandok, “Songon jangkar ni kapal do janji i di ngolutta na mambahen hita togu.” (Heber 6:19) Jadi akka peristiwa na luar biasa i mambahen hita stabil. On mangurupi hita boi menghadapi situasi na maol saonari on, dang terlalu khawatir be hita, boi tetap tenang, jala marlas ni roha.

Alai porsea do hamu tu akka janji na disurat di Bibel? Ida ma artikel “Bibel—Hasittongan na Boi Dihaporseai”.

Prinsip ni Bibel na boi mangurupi hita mambahen penyesuaian dukkon pandemi

• Hargai ma ngolumuna

  Na didok Bibel: “Toktong do mangolu halak na marbisuk.”—Parjamita 7:12.

  Artina: Bahen ma keputusan na denggan asa unang mura hamu tertular penyakit. Pareso ma sadia beresiko situasi di lingkunganmuna, pikkirhon ma akka petunjuk keselamatan dohot kesehatan, sadia godang halak na tertular virus, jala nungnga sadia godang halak naung divaksin lengkap di ingananmuna.

• Tetap ma hati-hati

  Na didok Bibel: “Manat do halak na marbisuk mangalakka jala dipadao do dirina sian na jahat, alai gumarapus do halak na oto jala papossu tu dirina sandiri.”—Poda 14:16.

  Artina: Tetap ma bahen tindakan lao mencegah asa unang hona virus hamu. Akka ilmuwan mandok, torus dope adong virus corona on saleleng piga-piga taon na ro.

• Lului ma informasi na boi dihaporseai

  Na didok Bibel: “Dihaporseai halak na so marpengalaman do sude hata, alai dipikkiri halak na marbisuk do ganup lakkana.”—Poda 14:15.

  Artina: Manat ma hamu mamillit saran na lao diihutton hamu. Alana molo dibahen hamu keputusan berdasarkan informasi na sala, on boi do mengancam kesehatanmuna.

• Tetap ma positif

  Na didok Bibel: “Unang ma dokkon dumenggan do najolo sian saonari. Ai dang marbisuk ho molo didok ho songon i.”—Parjamita 7:10.

  Artina: Taulahon ma akka ulaon na marguna tu ngolutta saonari. Unang ma hita mandok undenggan do parngoluotta sebelum pandemi, jala unang ma sai tapikkiri ulaon na so boi taulahon alani pandemi.

• Hargai ma keputusan ni halak na asing

  Na didok Bibel: “Pasangap hamu ma sude jolma.”—1 Petrus 2:17.

  Artina: Marasing-asing do reaksi ni akka halak tu pandemi dohot tu dampak ni pandemi on. Pasombu ma dilehon nasida pendapatna jala hargai ma i. Alai unang ma gabe berubah keputusan na denggan naung dibahen hamu. Tetap ma hamu hati-hati tu akka halak na so divaksin, tu halak na matua, dohot tu akka halak na marsahit na parah.

• Sabar ma hamu

  Na didok Bibel: “Halak na marholong ni roha i sabar, burju.”—1 Korint 13:4.

  Artina: Adong do mungkin halak na khawatir mangulahon piga-piga kegiatan na mungkin biasa diulahon sebelum pandemi. Sabar jala burju ma hamu tu nasida. Tikki lam denggan situasi dung sae pandemi, mungkin nungnga godang na boi diulahon hamu. Alai unang ma pittor paksahon hamu dirimuna, bertahap ma ulahon hamu.

Songon dia do Bibel mangurupi akka halak mangatasi situasi di tikki pandemi

Terhibur do roha ni Saksi Jahowa alani janji ni Debata na massai denggan taringot ari na naeng ro na disurat di Bibel. On mangurupi nasida boi mangatasi situasi na maol saleleng pandemi. Marsiurupan do nasida jala dioloi nasida do paretta ni Debata asa torus taratur beribadat. (Heber 10:24, 25) Las do roha ni nasida menyambut setiap halak na ro tu parpunguan ni Saksi Jahowa na dibahen secara virtual saleleng pandemi.

Godang do halak na olo bergabung tu ibadat ni Saksi Jahowa saleleng pandemi. Jala merasa terhibur do nasida alani i di situasi na susa on. Misalna, adong ma sahalak borua na hona virus corona. Olo do ibana dohot tu parpunguan na dibahen Saksi Jahowa secara virtual. Merasa terhibur do ibana alani parpunguan i. Boi do ibana tetap tenang jala marlas ni roha nang pe torus dope ibana hurang sehat alani virus corona. Ibana mandok, “Au merasa hira na dohot do au bagian ni keluarga on. Tikki hujaha Bibel gabe dame do pikkiranku jala tenang hurasa. On mambahen au gabe dang holan mamikkirhon masalahku, alai gabe fokus ma au tu janji na massai denggan di ari na naeng ro. Mandok mauliate do au ala diurupi boi jonok tu Debata jala on do na hulului saleleng on.”