Boha do Didok di Bibel taringot Perubahan Cuaca dohot Masa Depanta?

“Godang do terjadi bencana alam alani perubahan cuaca. Dang layak be portibi on diingani jolma.”—The Guardian.

Sebenarna godang hasusaan na tahadapi saonari alani ulah ni akka jolma do. Godang ilmuwan setuju jolma do na ikkon bertanggung jawab tu pemanasan global na masa saonari. Alani pemanasan global i, gabe berubah do cuaca jala parohon bencana alam termasuk ma i songon akka na mangihut:

• Jotjot ma terjadi perubahan cuaca songon gelombang panas, kekeringan, dohot badai, on mambahen gabe terjadi banjir dohot kebakaran hutan.

• Mencair ma gletser dohot gunung es Arktik.

• Naik ma permukaan laut.

Perubahan cuaca na massai parah on mempengaruhi sude inganan na di planet on. Dung dipareso situasi di 193 negara, New York Times mandok, “Nungnga dikirim planet on be sinyal SOS manang sinyal minta bantuan.” Ala massai godang na mate dohot na susa alani perubahan cuaca, Organisasi Kesehatan Dunia mandok, “Perubahan cuaca on ma ancaman kesehatan na umbalga na dihadapi jolma.”

Alai yakin do hita na lao denggan do situasi ni portibi on di ari na naeng ro. Alana peristiwa na masa saonari on, nungnga dipaboa hian di Bibel. Jala nungnga dipaboa na parduli do Debata tu situasi ni portibi on jala na lao bertindak Ibana lao padenggatton i.

Nungnga dipaboa hian di Bibel taringot perubahan cuaca on?

Nungnga. Perubahan cuaca mambahen pemanasan global, sesuai tu na didok Bibel na terjadi di tikkitta on.

Na disurirangkon Bibel: “Alai boto hamu ma on, na ro ma tikki hasusaan di ari parpudi. Ai makkaholongi dirina sandiri ma jolma, holongan di hepeng, . . . dang setia, . . . dang olo mardos ni roha, . . . mangulahon na jahat tu donganna, sijogal rukkung.”—2 Timoteus 3:1-4.

Nungnga dipaboa di Bibel akka parange ni jolma na mambahen sega tano on. Uppetting do di pamaretta dohot pengusaha hepeng asa tetap mardalan ekonomi. Dang ditepati nasida akka janjina lao padenggatton lingkungan. Nang pe berupaya nasida bekerja sama lao mangatasi perubahan cuaca na parah, alai tetap do dang sapandapot nasida lao mangatasi pemanasan global.

Surirang on patuduhon dang boi taharappon asa muba pangalaho ni akka jolma jala asa dohot nasida manjaga tano on. Ai nungnga dipaboa di Bibel molo pangalaho ni jolma “lam tu jahatna” do.—2 Timoteus 3:13.

Boi do pos rohatta na pasti bertindak do Debata

Dipaboa do di Bibel molo Jahowa,a Debata Sipanoppa hita massai parduli do tu tano na taingani on dohot tu akka jolma. Pikkirhon ma tolu ayat ni Bibel na patuduhon na lao bertindak nama Debata satokkin nai.

1. 1. ‘Dang na lao marisuang ditoppa Debata tano on, alai ditoppa do i lao diingani.’—Jesaya 45:18.

   Lao pasauton ni Debata do lomo ni rohana tu tano on. (Jesaya 55:11) Dang paloason ni Debata dihancurhon tano on manang gabe dang diingani.

2. 2. “Halak na lambok roha, dilehon do tano on gabe parbagianan ni nasida, marlas ni roha situtu ma nasida, ai dame do ngolu ni nasida. Lehononna do tano on gabe parbagianan ni halak na tigor marroha, jala mangolu ma nasida disi saleleng ni lelengna.”—Psalmen 37:11, 29.

   Marjanji do Debata na lao mangolu salelengna jolma di tano on jala dame ma ngolu ni nasida.

3. 3. “Na lao salpu do akka parjahat sian tano on.”—Poda 2:22.

   Marjanji do Debata na lao singkirhononna do akka halak na mangulahon na jahat, termasuk ma i akka halak na manegai tano on.

Cara ni Debata padenggatton masa depanta

Songon dia do Debata lao pasautton janjina tu tano on? Pasautonna ma janjina i marhite Harajaon ni Debata jala Harajaonna i lao mamaretta ma tu sude liat portibi on. (Mateus 6:10) Harajaon ni Debata i lao mamaretta sian surgo. Alai dang porlu Harajaon ni Debata i mangido persetujuan sian pamarettaon ni jolma di tano on lao pasaehon sude masalah dohot padenggatton akka na sega di tano on. Gariada lao gattion ni Harajaon ni Debata do sude pamarettaon ni jolma na adong di tano on.—Daniel 2:44.

Lao bahenon ni Harajaon ni Debata i ma akka na denggan tu sude jolma jala lao padengganonna ma sude tano on. (Psalmen 96:10-13) Akka on ma na lao bahenon ni Debata Jahowa molo dung mamaretta Harajaonna i.

• Lao dipadenggan do muse tano on

  Na didok Bibel: “Marlas ni roha ma gurun pasir dohot tano na harsang, marlas ni roha ma gurun jala gok ma akka bunga disi.”—Jesaya 35:1.

  Boha do ayat on terjadi di ari na naeng ro: Lao dipadenggan Jahowa ma tano on, termasuk ma i akka inganan naung sega dibahen jolma.

• Dikendalihon Debata ma cuaca

  Na didok Bibel: “Dipaso [Jahowa] ma badai i, gabe tenang ma laut i.”—Psalmen 107:29.

  Boha do ayat on terjadi di ari na naeng ro: Balga do huaso ni Jahowa jala sanggup do Ibana mengendalihon sude na di alam on. Dang na lao susa be akka jolma alani perubahan cuaca.

• Diajari Debata do akka jolma songon dia mangurus tano on

  Na didok Bibel: “Bahenokku ma ho marbisuk jala paboaokku ma tu ho dalan na ikkon sidalananmu.”—Psalmen 32:8.

  Boha do ayat on terjadi di ari na naeng ro: Dilehon Jahowa do tanggung jawab tu akka jolma lao mangurus tano on. (1 Musa 1:28; 2:15) Diajari Ibana ma hita songon dia cara na denggan mangurus akka toppaanna jala dang be manegai tano on.